آپ کیا پڑھ رہے ہیں؟

[نامعلوم اول]

میں ان چند بد قسمت لوگوں میں سے ہوں جن کی زندگی میں وقت رک جاتا ہے۔ میری زندگی 22-24 کی عمر تک پہنچنے کے بعد رک گئی۔ تب تک جن کتابوں یا مصنفین کو پڑھا تھا اب ان کے علاوہ کچھ شوق سے نہیں پڑھ سکتا۔ مجبوری کی اور بات ہے۔ سو اب جب کبھی کچھ پڑھنے کو جی کرتا ہے تو پہلے سے پڑھی کسی کتاب کو نکال کر پھر سے دیکھ لیتا ہوں۔ آج کل میر کو 18 برس بعد پھر سے پڑھ رہا ہوں۔ ساتھ ساتھ حافظ، خیام اور غالب کو بھی "دیکھتا" رہتا ہوں۔ دیکھتا اس لیے کہا کہ جو کچھ پڑھتا ہوں، جانے کب کا حفظ ہو چکا ہے۔ پڑھنے کا تو بس نام ہے۔ ورنہ دیکھ کر ہی پتا چل جاتا ہے کہ کیا پڑھ رہا ہوں۔

 

[تلمیذ]

الف لیلہ و لیلہ۔۔۔ ۔

یہ تو پیاسے کو شبنم والی بات ہوئی غزنوی صاحب۔
اس شہرہ آفاق شاہکار کے بارے میں ذرا تفصیل سے تحریر کریں نا۔ اردو میں یا عربی (یا انگریزی )میں ہے۔ کون سا ایڈیشن ہے۔ مترجم کون ہے۔ ناشر اور ضخامت اور قیمت پر بھی روشنی ڈالیں اور تصوف کے نخلستانوں کی سیر کرنے کے بعد اس طبعزادتصنیف پڑھنے پر آپ کے تآثرات کیا ہیں؟

 

[تلمیذ]

میں ان چند بد قسمت لوگوں میں سے ہوں جن کی زندگی میں وقت رک جاتا ہے۔ میری زندگی 22-24 کی عمر تک پہنچنے کے بعد رک گئی۔

بے ادبی معاف، مجھے اس بات سے اختلاف ہے، مصروفیات تو قبر تک چلتی ہی رہتی ہیں لیکن کتابوں کامطالعہ عمر کے ہر حصے میں جاری رہنا چاہئے، بشرطیکہ کو ئی ناگہاں یا ناگزیر مجبوری آڑے نہ آ جائے۔ او ریہ بات بھی تسلیم نہیں کیا جاسکتی کہ جس کو ایک مرتبہ مطالعے کی چاٹ پڑ چکی ہو، وہ کتابوں کے بغیر رہ سکتا ہے۔

 

[محمود احمد غزنوی]

یہ تو پیاسے کو شبنم والی بات ہوئی غزنوی صاحب۔
اس شہرہ آفاق شاہکار کے بارے میں ذرا تفصیل سے تحریر کریں نا۔ اردو میں یا عربی (یا انگریزی )میں ہے۔ کون سا ایڈیشن ہے۔ مترجم کون ہے۔ ناشر اور ضخامت اور قیمت پر بھی روشنی ڈالیں اور تصوف کے نخلستانوں کی سیر کرنے کے بعد اس طبعزادتصنیف پڑھنے پر آپ کے تآثرات کیا ہیں؟

مجھے روزانہ رات کو سونے سے قبل بچوں کو کوئی نہ کوئی کہانی سنانا ہوتی ہے۔۔۔کہانیوں کا سٹاک ختم ہورہا تھا تو سوچا کہ الف لیلیٰ پڑھ کر دیکھتے ہیں ، روز کوئی نہ کوئی کہانی سنادیں گے وہیں سے، ایک ہزار ایک راتوں تک کا بندوبست ہوگا ہی اس میں۔۔لیکن اب جب شروع کی ہے تو پتہ یہ چلا ہے کہ یہ بچوں والی کہانیاں نہیں ہیں۔
اوردو ترجمہ دو جلدوں میں انٹرنیٹ پر دستیاب ہے۔ (مفت میں)
http://www.itdunya.com/t297144/

 

[نامعلوم اول]

بے ادبی معاف، مجھے اس بات سے اختلاف ہے، مصروفیات تو قبر تک چلتی ہی رہتی ہیں لیکن کتابوں کامطالعہ عمر کے ہر حصے میں جاری رہنا چاہئے، بشرطیکہ کو ئی ناگہاں یا ناگزیر مجبوری آڑے نہ آ جائے۔ او ریہ بات بھی تسلیم نہیں کیا جاسکتی کہ جس کو ایک مرتبہ مطالعے کی چاٹ پڑ چکی ہو، وہ کتابوں کے بغیر رہ سکتا ہے۔

میں نے کب کہا مصروفیت کا مسئلہ ہے یا میں مطالعہ نہیں کرتا۔ صد فیصد بیکار ہوں۔ مسئلہ یہ ہے کہ جن لوگوں کو نوجوانی میں پڑھ لیا، اب ان کے سوا کسی اور کو نہیں پڑھ سکتا۔ سو انہی کو پڑھتا رہتا ہوں۔ یا پھر زبانی دہراتا رہتا ہوں۔ میری مشکل وہی سمجھ سکتا ہے جو اس مشکل سے گزرا ہو!

 

[تلمیذ]

مجھے روزانہ رات کو سونے سے قبل بچوں کو کوئی نہ کوئی کہانی سنانا ہوتی ہے۔۔۔ کہانیوں کا سٹاک ختم ہورہا تھا تو سوچا کہ الف لیلیٰ پڑھ کر دیکھتے ہیں ، روز کوئی نہ کوئی کہانی سنادیں گے وہیں سے، ایک ہزار ایک راتوں تک کا بندوبست ہوگا ہی اس میں۔۔لیکن اب جب شروع کی ہے تو پتہ یہ چلا ہے کہ یہ بچوں والی کہانیاں نہیں ہیں۔
اوردو ترجمہ دو جلدوں میں انٹرنیٹ پر دستیاب ہے۔ (مفت میں)

جواب دینے کا شکریہ۔ واقعی یہ بچوں والی کہانیاں نہیں ہیں۔ میں نے تو سنا تھا کہ مغرب میں بعض جگہ اس کتاب کو exotic ادب میں شمار کیا گیا ہے۔ بچوں کی کہانیوں کے ذخیرے کے لئے جناب راشد اشرف صاحب کے دھاگوں یا ان کے فیس بک پیج سے رجوع کریں ،جہاں سے آپ کوایک ذخیرہ دستیاب ہو سکتا ہے۔

 

[تلمیذ]

مسئلہ یہ ہے کہ جن لوگوں کو نوجوانی میں پڑھ لیا، اب ان کے سوا کسی اور کو نہیں پڑھ سکتا۔ سو انہی کو پڑھتا رہتا ہوں۔ یا پھر زبانی دہراتا رہتا ہوں۔ میری مشکل وہی سمجھ سکتا ہے جو اس مشکل سے گزرا ہو!

یہ تو پھر آپ کے ذوق کی بات ہے اور اس پر تو کوئی قدغن نہیں لگائی جا سکتی ۔

 

[نامعلوم اول]

یہ تو پھر آپ کے ذوق کی بات ہے اور اس پر تو کوئی قدغن نہیں لگائی جا سکتی ۔

ذوق تو نہ کہوں گا۔ مجبوری ہی ہوئی۔ جی کرتا ہے کہ کچھ نئے لوگوں کو بھی پڑھوں، مگر کتاب اٹھاتے ہی نیند آ جاتی ہے! سو شاید انہی سو دو سو مصنفین پر عمر بھر گزارا کرنا پڑے گا جنہیں نوجوانی میں پڑھ لیا۔ اگر کبھی فطرت بدل گئی، تو بڑا مزہ آئے گا۔ پھر نئے سرے سے ایک تازہ لسٹ بناؤں گا!

 

[محمد اسامہ سَرسَری]

میں آج کل اس کا مطالعہ کر رہا ہوں، بہت مفید اور دلچسپ ہے، نشہ سا محسوس ہوتا ہے۔

 

[حسیب نذیر گِل]

Forbes India 08 February 2012

 

[ملائکہ]

ویسے آج کل تو تاریخ سے متعلق کافی ساری کتابیں زیر مطالعہ ہیں مگر ابھی میرے ہاتھ میں یہ کتاب ہے

یہ کتاب جیسا کہ لکھا ہوا کہ ٹائٹل پر بھی، رومینٹکس موومنٹ کے پیروکار، اور امریکہ اور فرانس کے انقلابی لوگوں کے بارے میں ہے۔۔۔ یہ کتاب ایک تجزیاتی کتاب ہے اور ان لوگوں کے پڑھنے کے لئے ہے جسکو تھوڑی بہت معلومات اور دلچسپی ہو تاریخ میں اور خاص کر پورپ کی تاریخ میں۔۔۔۔۔

 

[محمود احمد غزنوی]

جواب دینے کا شکریہ۔ واقعی یہ بچوں والی کہانیاں نہیں ہیں۔ میں نے تو سنا تھا کہ مغرب میں بعض جگہ اس کتاب کو exotic ادب میں شمار کیا گیا ہے۔ بچوں کی کہانیوں کے ذخیرے کے لئے جناب راشد اشرف صاحب کے دھاگوں یا ان کے فیس بک پیج سے رجوع کریں ،جہاں سے آپ کوایک ذخیرہ دستیاب ہو سکتا ہے۔

مجھے اپنے مطلب کی کتاب مل گئی ہے جس میں بچوں کیلئے زبردست کہانیاں ہیں۔۔اور یہ کتاب ہے کلیلہ و دمنہ۔ عربی میں ہے۔ لیکن سوچ رہا ہوں کہ اسکا اردو ترجمہ کیا جائے۔

 

[عائشہ عزیز]

میں "حاصل گھاٹ" پڑھ رہی ہوں۔

 

[ملائکہ]

میں "حاصل گھاٹ" پڑھ رہی ہوں۔

کچھ تبصرہ بھی کرو نا

 

[عائشہ عزیز]

کچھ تبصرہ بھی کرو نا

یہ بک تو مجھے یوں لگی جیسے اشفاق احمد اپنے پروگرام زاویہ میں بات کرتے تھے ناں اسی طرح ایک آدمی بات کر رہا ہے جو اب بوڑھا ہو چکا ہے، کبھی معاشرتی اقدار پر بات کرتا ہے کبھی اپنے ماضی کے بارے میں، اپنی کہانی سنانے لگتا ہے۔۔ ایز سچ ناول جیسا محسوس نہیں ہو رہا تھا مجھے

 

[ملائکہ]

ساتھ ساتھ میں یہ کتاب بھی زیر مطالعہ ہے۔۔۔۔

World Heritage Complex Of The Qutub

by R. Balasubramaniam


یہ کتاب میں اپنا آسامئنٹ بنانے کے لئے پڑھ رہی ہوں۔۔ اس میں دہلی سلطنت کے فن تعمیر کے بارے میں معلومات ہیں۔۔۔۔ نام اور ٹائٹل سے لگتا ہے کہ یہ کتاب قطب مینار پر ہی ہوگی مگر یہ کتاب نا صرف قطب کمپلیس کے بارے میں تفصیلا" معلومات دیتی ہے بلکہ اس کتاب میں دہلی سلطنت میں بنائی گئی کافی عمارتوں کے بارے میں معلومات ہیں۔۔۔ یہ کتاب ایک تفصیلی کتاب ہے مگر مجھے اس کتاب کو پڑھ کر یہ محسوس ہوا کہ یہ کافی متعصب کتاب ہے جس میں مسلمانوں کے دور حکومت میں بنائی گئی عمارتوں کا سارا کریڈٹ بھی ہندو مزدوروں کو دیا گیا ہے۔۔ اس کتاب کو پڑھ کر ایسا محسوس ہوتا ہے کہ بس مسلمان حکمران نے عمارت بنانے کا حکم دے دیا باقی سارا کام ہندوں نے کیا جو کہ بالکل غلط خیال ہے(میں ایسا اس لئے کہہ سکتی ہوں کیونکہ دہلی سلطنت کے فن تعمیر پر اور بھی کتابیں میرے زیر مطالعہ ہیں)۔اگر اس چیز کو نظر انداز کردیا جائے تو یہ کتاب کافی اچھی ہے ۔

 

[ملائکہ]

یہ بک تو مجھے یوں لگی جیسے اشفاق احمد اپنے پروگرام زاویہ میں بات کرتے تھے ناں اسی طرح ایک آدمی بات کر رہا ہے جو اب بوڑھا ہو چکا ہے، کبھی معاشرتی اقدار پر بات کرتا ہے کبھی اپنے ماضی کے بارے میں، اپنی کہانی سنانے لگتا ہے۔۔ ایز سچ ناول جیسا محسوس نہیں ہو رہا تھا مجھے

انکے شوہر کا کچھ تو اثر ہوگا نا

 

[طالوت]

داستان امیر حمزہ کا کچھ حصہ پڑھنے کا ارادہ ہے۔

 

[عبدالرزاق قادری]

یہ ایک کتاب
سید احمد شہید کی صحیح تصویر

فروری 2013 میں ایک دکان پر نظر آئی۔ یہ ایک تنقیدی کتاب ہے۔ میں آج کل فراغت کے لمحات میں اس کا مطالعہ کرتا ہوں۔ آدھی سے زیدہ پڑھ چکا ہوں۔
اس کی بابت اس سائٹ پر یہ معلومات درج ہیں۔
سید احمد شہید کی صحیح تصویر



MFN 9361
Call No 954٫035092
Author Mark م س ع
Title

سید احمد شہید کی صحیح تصویر
Author مسعود، وحید احمد
Publisher رضا پبلی کیشنز
Publication Year 2003
ISBN
Other Material
Pages 244ص
Keywords سید احمد شہید
Subject Heading تحریک مجاہدین
Accessions 10200

 

[ملائکہ]

میں آج کل یہ ڈین براون کا ناول "دا لوسٹ سمبل" پڑھ رہی ہوں۔۔۔ یہ ناول امریکہ کے دارالحکومت میں فری میسین کے بارے میں ہے۔۔۔۔ ڈین براون کے باقی دو ناول " ڈی وینچی کوڈ" اور " اینجل اینڈ ڈیمن" کی آگے تیسری کتاب کہہ سکتے ہیں اسے۔۔۔ کافی controversial ناول ہے۔۔ خاص کر یہ ناول بچوں اور ان لوگوں کے پڑھنے کا نہیں ہے جنکے پاس تاریخ اور اپنے مذھب کی معلومات نا ہوں۔۔۔۔۔