ارے نہیں احمد بھائی ایسا کچھ نہیں۔ ایلیا صاحب تو شاعر اور علمی شخصیت کے حامل تھے۔ ہم کو تو بچوں اور جاب سے فرصت عام دنوں میں ایک دو گھنٹے اور ویک اینڈ کے کچھ گھنٹے ملتے ہیں۔ بس اسی فرصت کا حاصل چند صفحوں کا مطالعہ ہے۔
آپکی ذرہ نوازی ہے۔ اللہ آپ کو خوب شاد آباد رکھے۔ آمین۔
آج کل آرٹیفیشل انٹیلجینس کا زمانہ ہے، یہ لیجیے، مختلف جملے۔
تقسیم ہند سے پہلے کے تناظر میں لکھی بظاہر کسی شکاری کی آپ بیتی لگ رہی ہے کہ جس میں سسپینس اور جاسوسی کے ملے جلے عناصر بھی ہیں۔
لیکن محترم عبیداللہ بیگ صاحب نے اس وقت کرداروں سے متعدد بار روپے کے استعمالات کروائے ہیں جیسا کہ دس روپے کی نارنگیاں۔ حیرت ہوئی کہ اس وقت تو شاید آنہ، پائی، پیسہ ، چونی، اٹھنی وغیرہ جیسے سکے رائج تھے اور دس روپے تو بہت ہی بڑی رقم ہو گی کہ جس سے آپ بوری بھر نارنگیاں خرید سکتے ہوں ۔
نیز اب جس صفحہ پہ ہوں وہاں یہ بنیادی کردار (شکاری)
"نہایت فصیح انگریزی میں پوچھتا ہے۔
کون ہو تم؟"
اب یہ اتا سا جملہ میرے جیسے کم تعلیم یافتہ لوگ انتہائی عام انگریزی میں ہی پوچھ سکتے ہیں۔
صاحبِ علم خاص کر انگریزی میں زیادہ شد بد رکھنے والے ہی درست بتا سکتے ہیں کہ انتہائی فصیح انگریزی میں یہ جملہ کیسے بولا جائے گا؟
آج مکمل ہوئی۔
"علی پور کا ایلی" کا سرورق شاندار ہے۔
امربیل عمیرہ احمد کا ناول ہے"علی پور کا ایلی" کا سرورق شاندار ہے۔
میری پسندیدہ کتابوں میں سے ایک
جنرل خالد محمود عارف (کے ایم عارف) کی کتاب
Working with Zia: Pakistan's Power Politics, 1977-1988
جنرل عارف، ایک عرصے تک جنرل ضیا کے دست راست رہے۔ پہلے وہ ضیا کے چیف آف اسٹاف تھے اور پھر 1984 سے 1987 اپنی ریٹائرمنٹ تک وائس چیف آف آرمی اسٹاف رہے لیکن عملی طور پر وہ چیف آف آرمی اسٹاف کی ڈیوٹی ہی نبھاتے رہے۔ ضیا الحق کو ان پر اندھا اعتماد تھا اور ان کے بارے میں کہا جاتا ہے کہ یہ پاکستان کی تاریخ میں واحد نمبر ٹو گزرے ہیں جن سے نمبر ون کوئی خطرہ محسوس نہیں کرتا تھا۔ ضیا دور کے ہر طرح کے فوجی اور سیاسی فیصلوں میں شامل رہے اور یہ کتاب اسی تناظر میں ہے اور ضیا دور پر ایک اہم کتاب سمجھی جاتی ہے۔
جی انشاءاللہ۔ فی الحال شروع کے ابواب پڑھ رہا ہوں، بہرحال فہرست پر نظر ڈالیں تو ایک طرح سے 1947ء لیکر 1987ء تک پاکستان کی اجمالی تاریخ ہے۔ شروع کے ابواب میں مشرقی پاکستان کی علیحدگی تک کا ذکر ہے پھر اس کے بعد بھٹو کی حکومت اور ضیا کے مارشل لا پر بحث ہے۔ جنرل ضیا کے دور حکومت کا تفصیل سے ذکر کیا ہے۔ پاکستان کے امریکہ، انڈیا، افغانستان اور ایران کے ساتھ تعلقات پر ابواب ہیں۔ پاکستان کے ایٹمی پروگرام اور آخر میں جونیجو حکومت کو فارغ کرنے اور جنرل ضیا کے طیارے کا حادثے کا ذکر ہے۔
