پندرہویں سالگرہ آپ کے پاس موجود پرانی اشیاء

[محمد تابش صدیقی]

ہر گھر میں کچھ اشیاء ایسی ضرور ہوتی ہیں، جو دادا، پردادا کے زمانے سے چلی آ رہی ہوتی ہیں۔ یہ سلسلہ ان اشیاء کی تصاویر شریک کرنے کے لیے شروع کیا ہے۔ کوشش رہے کہ اشیاء کم از کم 50 سال پرانی ہوں۔

 

[محمد تابش صدیقی]

دادا کا سروتا۔
ابو کے مطابق، انھوں نے بچپن سے یہی سروتا استعمال میں دیکھا۔

 

[محمد عدنان اکبری نقیبی]

بھیا لڑی کی شرائط کے مطابق تو ہم اس لڑی میں شرکت کی اہلیت نہیں رکھتے۔اگر باپ دادا کی پرانی نشانی کی بات کی جائے تو سب سے پرانی اشیاء میں ہم ہی بچے ہیں ۔مگر افسوس پرانی نشانی ہونے کے باوجود بھی ہم پچاس سال پرانے نہیں۔

 

[محمد تابش صدیقی]

دادا کا پاکٹ سائز چاقو۔
یہ بھی ہمیشہ دادا کے استعمال میں رہا۔

 

[رانا]

میرے پاس جو موبائل ہے وہ کوئی اٹھارہ ارب سال پرانے ایٹموں سے بنا ہوا ہے۔ شئیر کروں؟

 

[محمد تابش صدیقی]

دادا کی پان رکھنے کے لیے سفری ڈبیا۔

 

[محمد تابش صدیقی]

دادی کے جہیز کا چمچ، جو ابھی تک مستعمل ہے۔

 

[محمد تابش صدیقی]

اور یہ مسز کی دادی کے جہیز کا دستی پنکھا۔

 

[عبدالقیوم چوہدری]

اچھی لڑی شروع کی ہے۔ بہت کچھ پڑا ہے، کچھ نا کچھ تلاش کر کے لگاتا ہوں۔

اور یہ مسز کی دادی کے جہیز کا دستی پنکھا۔

آئے ہائے۔
ناجانے کیوں گمان ہے کہ آپ کے گھر کے سارے پنکھے مل کر بھی اتنی ٹھنڈی ہوا نہیں دیتے ہوں گے جتنا یہ دیتا ہو گا۔

 

[فہد اشرف]

دادا کا سروتا۔
ابو کے مطابق، انھوں نے بچپن سے یہی سروتا استعمال میں دیکھا۔

زبردست۔ ایسا ہی سروتا میرے نانا بھی استعمال کرتے تھے۔ تابش بھائی آپ کے دادا کے سروتے پہ لکھا کیا ہے؟

 

[محمد تابش صدیقی]

زبردست۔ ایسا ہی سروتا میرے نانا بھی استعمال کرتے تھے۔ تابش بھائی آپ کے دادا کے سروتے پہ لکھا کیا ہے؟

ایک طرف نازا یا نارا لکھا ہے۔ اور دوسری طرف ایس منظور

 

[جاسمن]

اچھا موضوع چُنا ہے۔

 

[محمد تابش صدیقی]

اچھا موضوع چُنا ہے۔

آپ کی طرف سے اچھی شراکت کی امید ہے۔
ہمارے جیسے لوگ، جن کے اجداد پاکستان آ کر بھی سفر میں ہی رہے، ان کی نسبت اپنے علاقوں میں آباد لوگوں کے پاس چیزیں زیادہ محفوظ ہونی چاہئیں۔

 

[زیک]

کوشش رہے کہ اشیاء کم از کم 50 سال پرانی ہوں۔

کچھ معمولی انتظار کریں پھر اپنی تصویر لگا دوں گا

 

[La Alma]

ہمارے پاس یہ کچھ چابیاں محفوظ ہیں جو بزرگوں سے چلی آ رہی ہیں۔ ان کےقفل تا حال نامعلوم ہیں۔ ہم تو یہی امید لگائے بیٹھے ہیں کہ ممکن ہے یہ کسی خزانے کی چابیاں ہوں۔

 

[حمیرا حیدر]

میرے دادا کی تلوار موجود ہے ۔ تقسیم سے پہلے کی۔ مگر افسوس دیار غیر میں ہونے کے سبب تصویر نہیں لی جا سکتی۔

 

[محمد تابش صدیقی]

ہمارے پاس یہ کچھ چابیاں محفوظ ہیں جو بزرگوں سے چلی آ رہی ہیں۔ ان کےقفل تا حال نامعلوم ہیں۔ ہم تو یہی امید لگائے بیٹھے ہیں کہ ممکن ہے یہ کسی خزانے کی چابیاں ہوں۔

چابیوں سے یاد آیا کہ ہمارے پاس بھی ایک باوا آدم کے زمانے کا تالا پڑا ہوا ہے، کل ڈھونڈتا ہوں۔

 

[جاسمن]

آپ کی طرف سے اچھی شراکت کی امید ہے۔
ہمارے جیسے لوگ، جن کے اجداد پاکستان آ کر بھی سفر میں ہی رہے، ان کی نسبت اپنے علاقوں میں آباد لوگوں کے پاس چیزیں زیادہ محفوظ ہونی چاہئیں۔

تابش! آپ کی اس لڑی کے بعد میں کافی دیر بہت افسردہ رہی۔
ہم نے بھی بہت ہجرتیں کیں اور اب کوئی پرانی چیز ہمارے پاس شاید ہی ہو۔ البتہ چند دن پہلے صاحب اپنی امی جی کی پیتل کی پرات لے کے آئے ہیں۔ ان کے جہیز کی ہے۔
علاؤہ ازیں میری ساس کو پنجابی نعتیں پڑھنے کا بہت ہی زیادہ شوق ہے تو ان کے پاس پنجابی نعتوں کی خاصی پرانی کچھ کتابیں ہیں۔

 

[عبدالقیوم چوہدری]

ہمارے پاس یہ کچھ چابیاں محفوظ ہیں جو بزرگوں سے چلی آ رہی ہیں۔ ان کےقفل تا حال نامعلوم ہیں۔ ہم تو یہی امید لگائے بیٹھے ہیں کہ ممکن ہے یہ کسی خزانے کی چابیاں ہوں۔

سب سے اوپر والی چابی کے بارے میں کچھ کہنا مشکل ہے۔ اس پر خزانے کی چابی کا گمان رکھا جا سکتا ہے۔

درمیان والیاں کسی شو کیس، سنگھار میز، الماری وغیرہ کی دراز کی ہیں (فونیکس سائیکل کی بھی ہو سکتی ہیں)۔ جبکہ نیچے والی سہراب سائیکل کے تالے کی ڈپلیکیٹ چابی ہو سکتی ہے۔

 

[عبدالقیوم چوہدری]

ہم نے بھی بہت ہجرتیں کیں

کچھ تفصیل ہونی چاہییے۔