آپ کے پسندیدہ اشعار!

[طارق شاہ]

جیتے ہیں تو دِکھاویں گے ، دعوائے عندلیب !
گُل بِن خِزاں میں اب کے وہ رہتی ہے مر ، کہ ہم

میر تقی میر

 

[طارق شاہ]

اِس جُستجُو میں اور خرابی تو کیا کہیں !
اِتنی نہیں ہُوئی ہے صَبا دربدر ، کہ ہم

میر تقی میر

 

[طارق شاہ]

چاند ہے، کہکشاں ہے، تارے ہیں
کوئی شے ، نامہ بر نہیں ہوتی

ابن انشا

 

[طارق شاہ]

ایک جاں سوز و نامُراد خلش !
اِس طرف ہے ، اُدھر نہیں ہوتی

ابن انشا

 

[طارق شاہ]

چاندنی ، نیم وا دریچہ ، سکوت
آنکھوں آنکھوں میں رات گزُری ہے

ہائے وہ لوگ ، خُوب صُورت لوگ
جن کی دُھن میں حیات گزُری ہے

مجید امجد

 

[طارق شاہ]

حد کو پُہنچا کررہے گا پائے نا فرما مجھے
سُست پڑنے کا نہیں زنجیرِ مُحکم دیکھ کر

یاس یگانہ چنگیزی

 

[طارق شاہ]

منزلِ موہوم ضِد سے ، دُور کِھنْچتی ہی گئی
گرم رفتارِ مؤخّر کو مقدّم دیکھ کر

یاس یگانہ چنگیزی

 

[طارق شاہ]

اِک معنیِ بے لفظ ہے ، اندیشۂ فردا !
جیسے خطِ قِسمت ، کہ پڑھا بھی نہیں جاتا

یاس یگانہ چنگیزی

 

[طارق شاہ]

وہ کوئی اپنے سِوا ہو ، تو اُس کا شکوہ کرُوں
جُدائی اپنی ہے ، اور اِنتظار اپنا ہے

ناصر کاظمی

 

[طارق شاہ]

رنگ منّت کشِ آواز نہیں
گُل بھی ہے ایک نوا غور سے سُن

خامشی حاصلِ موسیقی ہے
نغمہ ہے نغمہ نُما غور سے سُن

ناصر کاظمی

 

[طارق شاہ]

کوئی مَرے تو پُوچھ کہ ، کیا لے گیا وہ ساتھ
بالکل فضُول بحث ہے یہ ، چھوڑ کیا گیا

اکبرالہٰ آبادی

 

[طارق شاہ]

وہ اپنے حُسن سے واقف ، میں اپنی عقل سے سیر !
اُنھوں نے ہوش سنبھالا ، مُجھے جنُون ہُوا

اکبرالہٰ آبادی

 

[طارق شاہ]

گئی رُتوں میں حَسن ہمارا ، بس ایک ہی تو مشغلہ تھا
کسی کے چہرے کو صبح کہنا، کسی کی زُلفوں کو شام لکھنا

حسن رضوی

 

[طارق شاہ]

بارہا مجھ سے کہا دل نے کہ ، اے شعبدہ گر !
تُو ، کہ الفاظ سے اصنام گری کرتا ہے
کبھی اُس حُسنِ دل آرا کی بھی تصویر بنا
جو تِری سوچ کے خاکوں میں لہو بھرتا ہے

بارہا ، دل نے یہ آواز سُنی اور چاہا
مان لوں مجھ سے جو وجدان میرا کہتا ہے
لیکن اِس عجز سے ہارا میرے فن کا جادُو
چاند کو چاند سے بڑھ کر کوئی کیا کہتا ہے

احمد فراز

 

[صائمہ شاہ]

بارہا مجھ سے کہا دل نے کہ ، اے شعبدہ گر !
تُو ، کہ الفاظ سے اصنام گری کرتا ہے
کبھی اُس حُسنِ دل آرا کی بھی تصویر بنا
جو تِری سوچ کے خاکوں میں لہو بھرتا ہے

بارہا ، دل نے یہ آواز سُنی اور چاہا
مان لوں مجھ سے جو وجدان میرا کہتا ہے
لیکن اِس عجز سے ہارا میرے فن کا جادُو
چاند کو چاند سے بڑھ کر کوئی کیا کہتا ہے

احمد فراز

چاند کو چاند سے بڑھ کر کوئی کیا کہتا ہے

 

[طارق شاہ]

کِس حرف پہ تُو نے گوشۂ لب اے جانِ جہاں غماز کیا
اعلانِ جنُوں دل والوں نے ، اب کے بہ ہزار انداز کیا

سوپیکاں تھے پیوستِ گلو، جب شوق کی چھیڑی لے ہم نے
سو تیر ترازو تھے دل میں ، جب ہم نے رقص آغاز کیا

بے حرص و ہوا ، بے خوف و خطر، اُس ہاتھ پر سر، اُس کف پہ جگر
یوں کوئے صنم وقتِ سفر نظارۂ بامِ ناز کیا

جس خاک میں مِل کر ہم خاک ہُوئے ، وہ سُرمۂ چشمِ خلق بنی
جس خار پہ ہم نے خُوں چھڑکا ، ہم رنگِ گُلِ طناز کیا

لو وصْل کی ساعت آ پہنچی ، پھر حُکم حضُوری پر ہم نے
آنکھوں کے دریچے بند کیے ، اور سِینے کا در باز کیا


فیض احمد فیض

 

[طارق شاہ]

وفا شعار کئی ہیں ، کوئی حسِیں بھی تو ہو
چلو پھر آج ، اُسی بے وفا کی بات کریں

ساحر لدھیانوی

 

[طارق شاہ]

ایسے تو حال کے کہنے سے بَھلی خاموشی
کہئے اُس سے ، جو کوئی اپنا کہا رکھتا ہو

میر تقی میر

 

[غ۔ن۔غ]

چارہ گر یوں تو بہت ہیں مگر اے جانِ فرازؔ
جز ترے اور کوئی زخم نہ جانے میرے

 

[غ۔ن۔غ]

اِسی لیے مرا سایہ مجھے گوارا نہیں
یہ میرا دوست ہے لیکن مرا سہارا نہیں

تابشؔ