آپ کے پسندیدہ اشعار!

[طارق شاہ]

مریضِ عشقِ جاناں کا مداوا وصلِ جاناں ہے
طبیبوں سے کہو لکھتے ہو کیوں نسخہ دوائی کا

فضل اللہ خان قندہاری

 

[طارق شاہ]

نہ حُور ایسی کوئی دیکھی ، نہ غلماں
خُدا جانے کہ ، کیا ہو اے صنم تم

فزوں فرہاد سے اپنا ہے دُکھڑا
نہیں شیریں سے بے دردی میں کم تم

قلندر بخش جرأت

 

[طارق شاہ]

بہ روزِ وصْل ، میں ہوتا ہُوں ششدر !
نہ دیکھو جانبِ در ، دم بہ دم تم

قلندر بخش جرأت

 

[طارق شاہ]

دردِ غمِ فراق کے یہ سخت مرحلے !
حیراں ہُوں میں ، کہ پھر بھی تم اِتنے حسِیں رہے

جگرمُراد آبادی

 

[طارق شاہ]

مجھ کو نہیں قبول دو عالم کی وسعتیں !
قسمت میں کوئے یار کی دو گز زمیں رہے

جگرمُراد آبادی

 

[طارق شاہ]

گزر مِرا، ترے کوچے میں گو نہیں تو نہ ہو
مِرے خیال میں تُو لاکھ بار گُزرے ہے

مرزا رفیع سودا

 

[طارق شاہ]

میں وہ نہیں کہ ، کوئی مجھ سے مِل کے ہو بدنام
نہ جانے کیا، تِری خاطر میں یار گُزرے ہے

مرزا رفیع سودا

 

[طارق شاہ]

اب اُن سے دُور کا بھی واسطہ نہیں ناصر
وہ ہمنوا جو مِرے رتجگوں میں شامِل تھے

ناصر کاظمی

 

[طارق شاہ]

یہ کیا ، کہ ایک طور سے گزُرے تمام عُمْر !
جی چاہتا ہے اب ، کوئی تیرے سوا بھی ہو

ناصر کاظمی

 

[طارق شاہ]

شوق کیا کیا دِکھائے جاتا ہے
دِل تجھے بھی بُھلائے جاتا ہے

ناصر کاظمی

 

[طارق شاہ]

رشتۂ جاں تھا کبھی جس کا خیال !
اُس کی صُورت بھی تو اب یاد نہیں

ناصر کاظمی

 

[طارق شاہ]

کہاں ہے تُو ، کہ تِرے اِنتظار میں اے دوست
تمام رات ، سُلگتے ہیں دل کے ویرانے !

ناصر کاظمی

 

[طارق شاہ]

یاد آتا ہے روز و شب کوئی
ہم سے رُوٹھا ہے بے سبب کوئی

ناصر کاظمی

 

[طارق شاہ]

آپ کی پیاری ادا پر دل نہ میں دیتا کبھی
بس یہی کہئے قضا سے آدمی مجبور ہے

اکبرالہٰ آبادی

 

[طارق شاہ]

کِس کی آنکھوں کا لِئے دِل پہ اثر جاتے ہیں
میکدے ہاتھ بڑھاتے ہیں ، جِدھر جاتے ہیں

اخترشیرانی

 

[طارق شاہ]

دل میں ارمانِ وصال ، آنکھ میں طُوفانِ جمال
ہوش باقی نہیں جانے کا ، مگر جاتے ہیں

اختر شیرانی

 

[طارق شاہ]

لبِ زاہد پہ ہے افسانۂ حُورِ جنّت
کاش اِس وقت مِرا انجُمن آرا ہوتا

اخترشیرانی

 

[طارق شاہ]

حشر میں مِلنے کی اُمّید تھی ، وہ بھی نہ رہی
وہ یہ کہتی ہیں کہ ، ناحق طمعِ خام نہ کر

آج ہی آج کے دم سے ہے بہارِ ہستی
فکرِ فردا نہ کر، اندیشۂ انجام نہ کر!

اخترشیرانی

 

[طارق شاہ]

نہ پُوچھ ہجر کی حسرت ، کہ دُور گردوں میں
سحر نہ ہو سکے جس کی ، وہ شام بھی تو نہیں

فراق گورکھپوری

 

[طارق شاہ]

درد کے مارے ہُوئے، کل روتے روتے ہنس پڑے
پھر کہو گے عشق کی تاثیرِ پنہاں کچھ نہیں

فراق گورکھپوری