آپ کے پسندیدہ اشعار!

[طارق شاہ]

مِری خلوتوں کی یہ جنّتیں کئی بار سج کے اُجڑ گئیں
مجھے بارہا یہ گمان ہوا، کہ تم آرہے ہو کشاں کشاں

اقبال عظیم

 

[طارق شاہ]

یہ حُسنِ اتفاق ہے یا حُسنِ اہتمام
ہے جس جگہ فرات وہیں کربَلا بھی ہے

اقبال عظیم

 

[طارق شاہ]

اقبال شکر بھیجو کہ تم دیدہ ور نہیں
دیدہ وروں کو آج کوئی پوچھتا بھی ہے؟

اقبال عظیم

 

[طارق شاہ]

آج پندارِ تمنّا کا فسُوں ٹُوٹ گیا !
چند کم ظرف گِلے نوکِ زبان تک پہنچے

اقبال عظیم

 

[سید فصیح احمد]

آج پندارِ تمنّا کا فسُوں ٹُوٹ گیا !
چند کم ظرف گِلے نوکِ زبان تک پہنچے

اقبال عظیم

واہ !! مان گئے آپ کو شاہ صاحب

 

[عبد الرحمن]

جو ہم پہ ہوئی ہے گلشن میں موسم کی عنایت مت پوچھو
وہ زخم سِلے وہ پھول کِھلے وہ پھیلی ہے نکہت مت پوچھو

 

[عبد الرحمن]

ابھی ملی ہمیں منزل ابھی ملی منزل
زہے نصیب اسی انتظار میں رہنا

 

[عبد الرحمن]

منہ حقائق سے وہ اپنا موڑ کر
خوش ہے کتنا آئینے کو توڑ کر

 

[عبد الرحمن]

میرے پیچھے لاکھ میرے چاہنے والے پڑیں
دل بچانا ہے بلا سے جان کے لالے پڑیں

 

[عبدالقیوم چوہدری]

بعد مدت کے یہ ' اے داغ ! سمجھ میں آیا
وہی دانا ہے ' کہا جس نے ' نہ مانا دل کا

 

[عبدالقیوم چوہدری]

ان کی محفل میں نصیر، ان کے تبسم کی قسم
دیکھتے ہی رہ گے ہم ہاتھ سے جانا ....دل کا

 

[طارق شاہ]

لاکھ کر جَور و سِتم ، لاکھ کر احسان و کرم !
تجھ پہ ،اے دوست! وہی وہم و گُماں ہے ، کہ جو تھا

فراق گورکھپوری

 

[طارق شاہ]

رُکی رُکی سی شبِ ہجْر ختْم پر آئی
وہ پَو پَھٹِی ، وہ نئی زندگی نظر آئی

فراق گورکھپوری

 

[طارق شاہ]

ہم کو معلوم ہے ، جنّت کی حقیقت ، لیکن
دل کے خوش رکھنے کو ، غالب ! یہ خیال اچّھا ہے

اسد الله خاں غالب

 

[طارق شاہ]

آتش کدہ ہے سِینہ مِرا رازِ نہاں سے
اے وائے! اگر مَعرضِ اظہار میں آوے

اسد الله خاں غالب

 

[طارق شاہ]

تِرا جمال ہے ، تیرا خیال ہے ، تُو ہے !
مُجھے یہ فرصتِ کاوش کہاں کہ کیا ہُوں میں

اصغرگونڈوی

 

[طارق شاہ]

دِل نے اگر چُھپا بھی لِیا داغِ آرزوُ
آنکھوں سے تو، یہ راز چُھپایا نہ جائے گا

جگر مُرادآبادی

 

[طارق شاہ]

اُن کو بُلا کے اور پشیماں ہُوئے، جگر
یہ کیا خبر تھی ہوش میں آیا نہ جائے گا

جگرمُرادآبادی

 

[طارق شاہ]

اِک شعاعِ نِگاہِ چشمِ سیاہ
اب اسے دن کریں کہ رات کریں

فراق گورکھپوری

 

[طارق شاہ]

جو اَزل تا ابد نہ ٹوُٹ سکی
آج اُس خامشی سے بات کریں

فراق گورکھپوری