آپ کے پسندیدہ اشعار!

[طارق شاہ]

ہم ساتھ ہو لِئے تو کہا اُس نے غیر سے
آتا ہے کون اِس سے کہو یہ جُدا چلے

داغ دہلوی

 

[طارق شاہ]

غضب کِیا ، تِرے وعدے پہ اعتبار کِیا
تمام رات ، قیامت کا اِنتظار کِیا

داغ دہلوی

 

[طارق شاہ]

تم کو چاہا تو خطا کیا ہے بتادو مُجھ کو
دُوسرا کوئی تو اپنا سا دِکھا دو مُجھ کو

داغ دہلوی

 

[طارق شاہ]

رحم کر میرے حال پر واعظ !
کہ اُمنگیں بھی ہیں ، شباب بھی ہے

داغ دہلوی

 

[طارق شاہ]

کہتے ہیں جس کو حُور، وہ اِنساں تُمھیں تو ہو
جاتی ہے جس پہ جان ، مِری جاں تُمھیں تو ہو

داغ دہلوی

 

[طارق شاہ]

ہم نہ ہوں گے ، تو کسی اور کے چرچے ہُوں گے
خلقتِ شہر تو کہنے کو فسانے مانگے

احمد فراز

 

[طارق شاہ]

شب کو تھا بزم میں دعوائے تقابل تم سے
کھُل گیا رنگ قمر کا بھی سحر ہوتے تک

فخرالدین حُسین سُخن دہلوی

 

[طارق شاہ]

بے خودی نے مجھے شکوے سے بھی رکھّا محرُوم !
اُٹھ گئے پاس سے وہ ، مجھ کو خبر ہوتے تک

فخرالدین حُسین سُخن دہلوی

 

[طارق شاہ]

سُنے جاتے نہ تھے تم سے مِرے دن رات کے شکوے
کفن سرکاؤ میری بے زبانی دیکھتے جاؤ

فانی بدایونی

 

[طارق شاہ]

ہر خراشِ جبیں جراحت ہے
ناخنِ شوق کا ہنر دیکھو

میرتقی میر

 

[عبد الرحمن]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا

فراز مرحوم

 

[عبد الرحمن]

برسوں کے بعد دیکھا ایک شخص دل ربا سا
اب ذہن میں نہیں ہے پر نام تھا بھلا سا

ایضا

 

[عبد الرحمن]

قط موتیوں کی پڑی پاے زیب
کہ جس کے قدم سے گہر پاے زیب

میر حسن

 

[عبد الرحمن]

وا کردیے ہیں شوق نے بندِ نقابِ حسن
غیر از نگاہ اب کوئی حائل نہیں رہا

غالب مرحوم

 

[عبدالقیوم چوہدری]

کتنا باوضع ہے ___خیال اس کا
بیکسی میں بھی آئے جاتا ہے

 

[طارق شاہ]

راز کی بات کیوں کِسی کہو !
منہ سے نِکلی ہُوئی پرائی ہے

باقر زیدی

راز کی بات کیوں کِسی سے کہو !
منہ سے نِکلی ہُوئی پرائی ہے

باقر زیدی

 

[طارق شاہ]

غنچے کا منہ ہے کیا کہ تبسّم کرے گا پھر
گلشن میں گر وہ شوخِ گُل اندام ہنس پڑا

بہادر شاہ ظفر

 

[طارق شاہ]

دنداں کی تاب دیکھ کے انجُم ہُوئے خجل
وہ مہ جبیں جو شب کو لبِ بام ہنس پڑا

بہادر شاہ ظفر

 

[طارق شاہ]

اِک نِگہ کر کے اُن نے مول لِیا
بک گئے، آہ ہم بھی کیا سستے

میر تقی میر

 

[طارق شاہ]

میر جنگل پڑے ہیں آج جہاں
لوگ کیا کیا یہیں تھے کل بستے

میر تقی میر