آپ کے پسندیدہ اشعار!

[طارق شاہ]

کبھی خیال، یوں لائے مِرے قریب تجھے
ہر ایک لحظہ، ہراِک لب سے تو سُنائی دے

شفیق خلش

 

[طارق شاہ]

ہوتا ہے تِرے وصْل کے وعدے پہ مؤخر
وابستہ تِرے فُرق سے مرنے کا تہیّہ

شفیق خلش

 

[طارق شاہ]

کھولے ہیں جب سے آ کے تصوّرنے راستے
قیدِ جنُوں سے بندشِ دیوار گِر گئی

قمر امروہوی

 

[طارق شاہ]

گُزرے کبھی نہ تجھ پہ مِرے چودھویں کے چاند
جو کچھ شبِ فراق قمر پر گُزر گئی

قمر امروہوی

 

[طارق شاہ]

منظورِ چشم یار ہے سب عینِ مصلحت
پوچھے بلا کشوں کی کسی سے بلا صلاح

شیخ ابراہیم ذوق

 

[طارق شاہ]

قُلابے آسمان و زمیں کی نہ تُو مِلا
اُس پُر جفا سے مِلنے کی ناصح بتا صلاح

شیخ ابراہیم ذوق

 

[طارق شاہ]

جوآج صاحبِ مسند ہیں کل نہیں ہونگے
کرائے دار ہیں، ذاتی مکان تھوڑی ہے

سبھی کا خون ہے شامل یہاں کی مٹی میں
کسی کے باپ کا ہندوستان تھوڑی ہے

راحت اندوری
تازہ الیکشن کمپیننگ میں کہی گئی غزل سے لئے گئے اشعار

 

[طارق شاہ]

ہمارے منہ سے جو نِکلے وہی صداقت ہے
ہمارے منہ میں تمھاری زبان تھوڑی ہے

راحت اندوری

 

[طارق شاہ]

ہے شرمساردلِ نیم جاں، ملامت کیا
اُمید ٹُوٹ گئی اب تِری شکایت کیا

بہل گئی ہے طبیعت یہ سوچ کر اکثر
سلوکِ مصلحت آمیز کی حقیقت کیا

ہے پُرکشِش تو بہت پیکرِ فریب نظر
گنوادوں اُس پہ، میں اِک عمر کی ریاضت کیا

سراب، پیاس کے صحرا میں کھینچتے ہیں قدم
بُجھا سکے یہ کبھی تشنگی کی شدّت کیا

سفینہ بچ کے نہ نِکلے تو کیا کرے آخر
بھنور کے سامنے، میں کیا، مِری بضاعت کیا

عنبرامروہوی

 

[طارق شاہ]

سُن لی تھی اِک روایتِ موسیٰ تو میرا دل !
تھی آگ جس طرف بھی، اُدھر کھینچتا رہا

کب اُس کو شمعِ عِشق کے شُعلے سے پیار تھا
پروانہ میرے دل سے اثر کھینچتا رہا

عنبرامروہوی

 

[اوشو]

کبھی یوں بھی آ میری آنکھ میں کہ میری نظر کو خبر نہ ہو
مجھے ایک رات نواز دے مگر اس کے بعد سحر نہ ہو
وہ بڑا رحیم و کریم ہے ، مجھے یہ صفت بھی عطا کرے
تجھے بھولنے کی دعا کروں تو میری دعا میں اثر نہ ہو

 

[طارق شاہ]

کبھی دن کی دُھوپ میں جھُول کے، کبھی شب کے پھُول کو چُوم کے
یونہی ساتھ ساتھ چلیں سدا ، کبھی ختم اپنا سفر نہ ہو

مِرے پاس مِرے حبیب آ، ذرا اور دل کے قریب آ
تجھے دھڑکنوں میں بسا لوں میں، کہ بچھڑنے کا کبھی ڈر نہ ہو

بشیر بدر

 

[طارق شاہ]

دل خود میں کسی طَور پنپنے نہیں دیتا
کچھ ہٹ کے کبھی عشق سے کرنے کا تہیّہ

شفیق خلش

 

[طارق شاہ]

ناصح کے سامنے کبھی سچ بولتا نہیں
میری زباں میں رنگ تمھاری زباں کے ہیں

داغ دہلوی

 

[طارق شاہ]

ناصح عبث کرے ہے منع مُجھ کو عشق سے
آ جائے وہ نظر، تو پھر انکار دیکھنا

ماہ لقا چندا

 

[طارق شاہ]

اِس عذابِ فراق میں جاناں !
جان و دل سے گزر گئے ہوتے

عشق اتنا ہی تھا اگر مجھ سے
زہر کھا کر ہی مر گئے ہوتے

قیس علی

 

[طارق شاہ]

دل کے اُلجھاؤ کو کیا تُجھ سے کہوں، اے ناصح !
تو کِسو زُلف کے پھندے میں گرِفتار نہیں

میر تقی میر

 

[طارق شاہ]

جو تُمھاری مان لیں ناصِحَ ، تو رہے گا دامنِ دل میں کیا
نہ کِسی عُدو کی عداوتیں، نہ کِسی صنم کی مروّتیں

فیض احمد فیض

 

[طارق شاہ]

گُزری ہے بڑی عمر اِسی حال میں ناصح
کامل نہ مِرا ہوگا سُدھرنے کا تہیّہ

شفیق خلش

 

[طارق شاہ]

نالۂ پیہم سے یاں فرصت نہیں
حضرتِ ناصح! کریں ارشاد کیا

مومن خاں مومن