آپ کے پسندیدہ اشعار!

[طارق شاہ]

نالاں کریں احباب کو کب میرے ارادے
بس دل میں تِرے، میرا اُترنے کا تہیّہ

شفیق خلش

 

[طارق شاہ]

آرسی پر، کچُھ نہیں موقوف ، اے آئینہ رُو !
جو تُجھے دیکھے گا وہ میرا عدو ہو جائے گا

امیرمینائی

 

[طارق شاہ]

ہر سُو ہے اِک ملال کی دُنیا بسی ہُوئی
رُوئے خیال، آہ کدھر ہو کدھر نہ ہو

بیخود موہانی

 

[اوشو]

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو مگر اتنا تو نہیں

مظفر وارثی

 

[نبیل احمد خاں بھٹی]

اے سجدہ فروش کوئے بتاں ہر سر کے لیے اک چوکھٹ ہے
یہ بھی کوئی شان عشق ہوئی جس در پے گئے سر پھوڑ لیا

جمیل مظہری

 

[طارق شاہ]

پتّھر برس رہے ہوں کہ، ہو موت منتظر !
اُن کا، گلی میں آنے کا پیغام بھی تو ہو

شفیق خلش

 

[طارق شاہ]

کرلُوں گا طے میں عِشق کی پُر پیچ رہگُزر
اُس پار منتظر وہ خوش اندام بھی تو ہو

شفیق خلش

 

[طارق شاہ]

آپ کے فیضِ قدم سے، یہ خرابہ بس گیا
غیرتِ خلدِ بریں ہے شیخ جی میخانہ آج

حفیظ جالندھری

 

[طارق شاہ]

یار پہلو میں نہیں ویرانہ ہے میخانہ آج
گردشِ قسمت بنی ہے گردشِ پیمانہ آج

حفیظ جالندھری

 

[طارق شاہ]

مجھے ڈر ہے گُلوں کے بوجھ سے مرقد نہ دب جائے
انھیں عادت ہے جب آنا ضرور احسان دھر جانا

حفیظ جالندھری

 

[طارق شاہ]

حباب آسا مِٹے سب ولولے جوشِ جوانی کے
غضب تھا قلزمِ اُمّید کا ، چڑھ کر اُتر جانا

حفیظ جالندھری

 

[صائمہ شاہ]

پیمبروں کو اُتارا گیا تھا قوموں پر
خُدا نے مجھ پہ مگر قوم کو اُتارا ہے

انور شعور

 

[صائمہ شاہ]

ہے کوئی ناز اُٹھانے والا
ایک ٹوٹا ہوا پندار ہوں میں

رضی اختر شوق

 

[صائمہ شاہ]

لوگ یوں بچ کے گُذر جاتے ہیں
جیسے گرتی ہوئی دیوار ہوں میں

رضی اختر شوق

 

[صائمہ شاہ]

دفن ہوں احساس کی صدیوں پُرانی قبر میں
زندگی اِک زخم ہے اور زخم بھی تازہ نہیں

مُظفر وارثی

 

[صائمہ شاہ]

چاہتے ہیں جو مُظفر غمِ ہستی سے فرار
بیٹھ جائیں وہ گڑھا کھود کے سادھو کی طرح

مُظفر وارثی

 

[صائمہ شاہ]

جس کی خواہش میں کسی بات کی خواہش نہ رہے
ایسی جنت کے دکھائے نہ کوئی خواب مجھے

مُرتضٰی برلاس

 

[صائمہ شاہ]

میں اسکو سطح سے محسوس کر کے بھی خوش ہوں
وہ مطمن ہی نہیں میری تہہ کو پا کر بھی

ریاض مجید

 

[صائمہ شاہ]

جسے سمجھا نہیں شائد کسی نے
میں اپنے عہد کا وہ سانحہ ہوں

رسا چغتائی

 

[اوشو]

خواب ہا خواب جس کو چاہا تھا
رنگ ہا رنگ اسی کو بھول گیا
جون ایلیا