آپ کے پسندیدہ اشعار!

[طارق شاہ]

مِری ہرغزل کو یہ آرزو تجھے سج سجا کے نِکالئے
مِری فکر ہو تِرا آئنہ ، مِرے نغمے ہوں تِرے پیرہن

فراق گورکھپوری

 

[طارق شاہ]

نِگاہِ یار جسے آشنائے راز کرے
وہ اپنی خوبیِ قِسمت پہ کیوں نہ ناز کرے

خِرد کا نام جنُوں پڑ گیا، جنُوں کا خِرد
جو چاہے آپ کا حُسنِ کرشمہ ساز کرے

تِرے کرم کا سزاوار تو نہیں حسرت !
اب آگے تیری خوشی ہے جو سرفراز کرے

حسرت موہانی

 

[طارق شاہ]

ہجر میں پاس مِرے اور تو کیا رکھّا ہے !
اِک تِرے درد کو پہلُو میں چھپا رکھّا ہے

حسرت موہانی

 

[طارق شاہ]

یہ وقت کِس کی رعونت پہ خاک ڈال گیا
یہ کون بول رہا ہے خُدا کے لہجے میں

افتخارعارف

 

[طارق شاہ]

راحت سِوائے ایذا، اہلِ وطن نہ دیں گے
مرجاؤں گا تو مجھ کو دوگزکفن نہ دیں گے

سید محمد خان رند

 

[طارق شاہ]

داستانِ حیات کیا کہیے
الغرض غم ہی غم ارے توبہ

قمر امروہوی

 

[صائمہ شاہ]

تھے بھٹکتے ہوئے کچھ لوگ میرے اندر بھی
تو نے کیوں کوئی پیمبر نہ اُتارا مجھ میں

شاہد ذکی

 

[طارق شاہ]

امانت کے تحمّل میں وہ ناکامی معاذاللہ !
خلش رکھتا نہ کیوںکر تاقیامت آسماں ہم سے

بیخود موہانی

 

[طارق شاہ]

جسے ارماں کا خُوں دے کر بنامِ آرزُو سینچا
خُدا جانے کہاں ہے وہ جہانِ زندگی آرا

ساغر صدیقی

 

[طارق شاہ]

نامِ وصال لینے سے ہوتا ہے مضطرب
کیوںکر کہوں اُسے مِرے مرنے کا غم نہیں

مومن خان مومن

 

[طارق شاہ]

فریاد نالہ ہائے عزا بار پر اُنھیں
آیا ہے رحم کب کہ ذرا مُجھ میں دَم نہیں

مومن خان مومن

 

[طارق شاہ]

حُسن کا جادُو جگائے، اِک زمانہ ہوگیا
اے سکوت شامِ غم! پھر چھیڑ اُن آنکھوں کی بات

فراق گورکھپوری

 

[طارق شاہ]

پیش خیمہ نظمِ نو کا، ہے یہ دَورِ کُشت وخُوں
موت کے ہاتھوں سجائی جائے گی بزمِ حیات

فراق گورکھپوری

 

[طارق شاہ]

دِلوں کا سوز تِرے رُوئے بے نِقاب کی آنچ
تمام گرمئی محفل! تِرے شباب کی آنچ

فراق گورکھپوری

 

[طارق شاہ]

اشکوں کا مچلنا ٹھیک نہیں
بے چین دُعائیں پی جاؤ

احساس کے ٹُوٹے ساغر میں
یاروں کی وفائیں پی جاؤ

ساغر صدیقی

 

[طارق شاہ]

گردن زنی پہ میری تھا قاتل کا عُذر یہ !
کچھ ساتھ حُکم کے تِرے اِلزام بھی تو ہو

شفیق خلش

 

[طارق شاہ]

ہے سفر شرط مُجھے پانے کی
میں کہ اِک لالۂ صحرائی ہُوں

میں پہاڑوں کی خموشی ہُوں ندیم
اور میں، بحر کی گویائی ہُوں

احمد ندیم قاسمی

 

[طارق شاہ]

ہم نہیں ہوں گے تو پھر کِس کام کی تحسینِ شعر
روشنی اِک روز اِن لفظوں سے پُھوٹے گی تو کیا

احمد ندیم قاسمی

 

[طارق شاہ]

ہوشیاری دلِ نادان بہت کرتا ہے
رنج کم سہتا ہے اعلان بہت کرتا ہے

عرفان صدیقی

 

[طارق شاہ]

مِرے خُدا تِرے مراسم اُن سے کِس طرح کے ہیں
وہ لوگ جو خُدا بنے ہوئے ہیں زیرِ آسماں

ڈاکٹر پیرزادہ قاسم