آپ کے پسندیدہ اشعار!

[طارق شاہ]

تو کب تئیں مجھ ساتھ مِری جان مِلے گا
ایسا بھی کبھو ہوگا، کہ پھر آن مِلے گا

یوں وعدے تِرے، دل کی تسلّی نہیں کرتے
تسکیں تبھی ہووے گی، تُوجس آن مِلے گا

خواجہ میر درد

 

[طارق شاہ]

کرے کیا فائدہ ، ناچیز کو تقلید اچھّوں کی ؟
کہ جم جانے سے کچھ ، اولا تو گوہر ہو نہیں سکتا

خواجہ میر درد

 

[طارق شاہ]

آخر کو ہنس پڑیں گے کسی ایک بات پر
رونا تمام عمر کا، بے کار جائے گا

خورشید رضوی

 

[طارق شاہ]

غضب ہوگیا اُن کی محفل سے آنا
گِھرا جا رہا ہُوں، تماشائیوں میں

کیف بھوپالی

 

[طارق شاہ]

دل کِھلتا ہے واں، صحبتِ رِندانہ جہاں ہو
میں خوش ہُوں اُسی شہر سے، میخانہ جہاں ہو

میر تقی میر

 

[طارق شاہ]

دِکھاوے آنکھ کبھو، زُلف کھولے منھ پہ کبھو
کبھو خرام سے، رستے کے رستے بند کرے

میر تقی میر

 

[طارق شاہ]

ہرچند میں نے شوق کو پنہاں کیا ولے
ایک آدھ حرف پیار کا، منہ سے نِکل گیا

میر تقی میر

 

[طارق شاہ]

دین و دنیا سے گیا تُو یہ سمجھ لے، اے داغ !
غضب آیا، اگر اُس بُت پہ تِرا دل آیا

داغ دہلوی

 

[طارق شاہ]

نہیں ہے چاہ بھلی اِتنی بھی، دُعا کر میر !
کہ اب جو دیکھوں اُسے میں، بہت نہ پیار آوے

میر تقی میر

 

[طارق شاہ]

میکدہ بند ، مقفّل ہیں درِ دیر و حرم !
دیکھنا ہے کہ ، شکیل آج کدھر جاتے ہیں ؟

شکیل بدایونی

 

[طارق شاہ]

غیر ہی موردِ عِنایت ہے !
ہم بھی تو تم سے پیار رکھتے ہیں

میر تقی میر

 

[طارق شاہ]

عشق کیا کیا ہمیں دِکھاتا ہے
آہ تم بھی تو اِک نظر دیکھو

میر تقی میر

 

[طارق شاہ]

مُدّت ہوئی کہ چشمِ تحیّر کو ہے سُکوت
اب جُنبِشِ نظر میں کوئی داستاں نہیں

وہ بہترینِ دَورِ محبّت گزُر گیا !
اب مُبتلائے کشمکشِ اِمتحاں نہیں

اصغر گونڈوی

 

[خالد محمود چوہدری]

پہلا مصرع بالا لکھے میں صحیح نہیں ، شعر شاہد کچھ یوں ہے !
کھیت کو بد دُعا لگی ہوگی !
یہ جو کالی کپاس دیکھتا ہوں

کھیت کو بد دعا لگ گئی ہوگی
یہ جو کالی کپاس دیکھتا ہوں

 

[طارق شاہ]

کام اب کوئی نہ آئے گا، بس اِک دل کے سِوا
راستے بند ہیں سب ، کوچۂ قاتل کے سِوا

علی سردار جعفری

 

[طارق شاہ]

ہم نے دُنیا کی ہراِک شے سے اُٹھایا دل کو
لیکن اُس شوخ کے ہنگامۂ محفل کے سِوا

علی سردار جعفری

 

[طارق شاہ]

جانے کس رنگ سے آئی ہے گلستاں میں بہار
کوئی نغمہ ہی نہیں، شورِ سلاسل کے سِوا

علی سردار جعفری

 

[طارق شاہ]

ﺑچھﮍ ﮐﮯ ﻣﺠھ ﺳﮯ ﻭﮦ ﻣﯿﺮﮮ ﻟﺌﮯ ﺍُﺩﺍﺱ ﺑﮭﯽ ﮨﮯ
ﻭﮦ ﺯﻭﺩ ﺭﻧﺞ ﺗﻮ ﮨﮯ، ﻭﮦ ﻭﻓﺎ ﺷﻨﺎﺱ ﺑﮭﯽ ﮨﮯ

ﺗﻘﺎﺿﮯ ﺟِﺴﻢ ﮐﮯ ﺍﭘﻨﮯ ، ﻣﺰﺍﺝِ ﺩﻝ ﺍﭘﻨﺎ
ﻭﮦ ﻣﺠھ ﺳﮯ ﺩُﻭﺭ ﺑﮭﯽ ﮨﮯ، ﺍﻭﺭ ﻣﯿﺮﮮ ﭘﺎﺱ ﺑﮭﯽ ﮨﮯ

ﻧﺪﯾﻢ ﺍُﺳﯽ ﮐﺎ ﮐﺮﻡ ﮨﮯ ﮐﮧ، ﺍُﺱ ﮐﮯ ﺩﺭ ﺳﮯ ﻣِﻼ !
ﻭﮦ ﺍﯾﮏ ﺩﺭﺩِ ﻣُﺴﻠﺴﻞ، ﺟﻮﻣﺠھ ﮐﻮ ﺭﺍﺱ ﺑﮭﯽ ﮨﮯ

ﺍﺣﻤﺪ ﻧﺪﯾﻢ ﻗﺎﺳﻤﯽ

 

[طارق شاہ]

اب تو ہر درد کا درماں ہے نئے درد کی ٹیس
اب تو ہر زخم کسی زخم کا ہے درد شناس

اب تو کہلاتا ہُوں میں، مُملکتِ دِل کا رئیس
جام خالی ہے، مگر دولتِ احساس ہے پاس

رہ گئی تشنگیِ لب ، تو حقیقت یہ ہے !
علم بڑھتا ہے تو بڑھ جاتی ہے ہرچیز کی پیاس

ﺍﺣﻤﺪ ﻧﺪﯾﻢ ﻗﺎﺳﻤﯽ

 

[طارق شاہ]

اپنی اپنی اُلجھن سب کی ، اپنی اپنی رائے !
سب نے آنسو روک رکھے ہے کون کسے بہلائے

ﺍﺣﻤﺪ ﻧﺪﯾﻢ ﻗﺎﺳﻤﯽ