آپ کے پسندیدہ اشعار!
- صاحب لڑی فرقان احمد
- تاریخ ابتداء
طارق شاہ
محفلین
یادِ یاراں سے مہکتا رہے باغِ گُلِ سُرخ
لو دیے جائیں اندھیرے میں چراغِ گُلِ سُرخ
فصلِ گل آئے گی، ٹھہرے گی، چلی جائےگی
اپنے دامن میں چھپائے ہُوئے داغِ گُلِ سُرخ
دل کی وحشت کا اثر کم ہو تو شاید ہاتھ آئے
خس و خاشاک کے موسم میں سُراغِ گُلِ سُرخ
روشِ سبزۂ نورستہ کی شادابی پر
چشمِ خُوں بستہ کا اِنعام ہے باغِ گُلِ سُرخ
کوئی دن اور کہ آتی ہے اِدھر بادِ شُمال
پھرتو یہ رنگِ ہَوا ہے، نہ چراغِ گُلِ سُرخ
نظمِ سہراب سپہری سے ہُوئی دل کی کشود
ورنہ اِس فصل میں کِس کو تھا دماغِ گُلِ سُرخ
افتخارعارف
خالد محمود چوہدری
محفلین
زندہ رہیں تو کیا ہے جو مر جائیں ہم تو کیا
دنیا سے خامشی سے گزر جائیں ہم تو کیا
ہستی ہی اپنی کیا ہے زمانے کے سامنے
اِک خواب ہے جہاں میں بِکھر جائیں ہم تو کیا
اب کون منتظر ہے ہمارے لیے وہاں
شام آ گئی ہے لوٹ کے گھر جائیں تو ہم کیا
دل کی خلِش تو ساتھ رہے گی تمام عمر
دریائے غم کے پار اتر جائیں ہم تو کیا
منیرؔ نیازی
خالد محمود چوہدری
محفلین
جی میں تدوین نہیں کر سکتااب کون مُنتظر ہے ہمارے لئے وہاں
شام آ گئی ہے لوٹ کے گھر جائیں ہم تو کیا
ٹائپو درست کرلیں گے تو عنایت ہوگی