آپ کے پسندیدہ اشعار!

[طارق شاہ]

زبان سنگ کو مِلتی تو بات تھی یارو !
صنم تراشنا، ایسا بڑا ہُنر بھی نہ تھا

محشر بدایونی

 

[طارق شاہ]

گُلوں کو بھیجتے کِس طرح نامۂ تعظِیم
بجُز ہوائے خِزاں کوئی نامہ بر بھی نہ تھا

محشر بدایونی

 

[طارق شاہ]

یہ قافلے تو یہیں مُنسلک ہُوئے ہم سے
چلے تھے موج میں تو، ایک ہمسفر بھی نہ تھا

محشر بدایونی

 

[طارق شاہ]

سوادِ شہرسے، ہم دشت میں بھی ہو آئے
سلامتی کا، کوئی راستہ اُدھر بھی نہ تھا

محشر بدایونی

 

[طارق شاہ]

شب سِیہ کو اُنھیں کی ہے اب لگن، محشر !
عجب چراغ تھے جن کو ہَوا کا ڈر بھی نہ تھا

محشر بدایونی

 

[صائمہ شاہ]

کیوں دل کو یہ حسرت ہے کسی اور کو پالے
اس شہر میں مجھ سا کوئی پہلے تھا نہ اب ہے

شمیم حنفی

 

[صائمہ شاہ]

میں نے چاہا تھا کہ لفظوں میں چُھپا لوں خود کو
خامشی لفظ کی دیوار گرا دیتی ہے

شمیم حنفی

 

[عبد الرحمن]

کبھی سوچا نہ تھا کہ اس طرح دنیا بدلتی ہے
جو پہلے ڈھونڈتے پھرتے تھے، اب وہ چھپتے پھرتے ہیں​

 

[عبد الرحمن]

بدن کی آگ کو کہتے ہیں لوگ جھوٹی آگ
اس آگ نے مرے دل کو مگر گداز کیا

 

[صائمہ شاہ]

خوشبو کی طرح گونج اُٹھا حرفِ آگہی
اے دل ذرا حصارِنفس کا زوال دیکھ

شمیم حنفی

 

[عبد الرحمن]

تو نے سو سو رنگ سے پردا کیا
دیکھنے والا تجھے دیکھا کیا
ان کے جاتے ہی یہ حیرت چھا گئی
جس طرف دیکھا کیا دیکھا کیا

جگر مرحوم

 

[عبد الرحمن]

اب تو جاتے ہیں مے کدے سے میر
پھر ملیں گے اگر خدا لایا​

 

[صائمہ شاہ]

بدن میں _ آنکھ داخل ہو گئ ہے
کوئ اندر سے پڑھنے لگ گیا ہے

سید حسین احسن

 

[طارق شاہ]

وعدہ بھی کرلو، وعدہ پہ یاں آ بھی جاؤ تم
یہ سب سہی تمھاری نہیں کا جواب کیا

فانی بدایونی

 

[طارق شاہ]

بیش از گمانِ خواب نہیں فرصتِ حیات !
فانی تم اِس خیال کو سمجھے ہو خواب کیا

فانی بدایونی

 

[طارق شاہ]

لگ گئی بھیڑ یہ دیوانہ جدھر سے گُذرا
ایک عالم کو ہے سودا تِرے سودائی کا

فانی بدایونی

 

[طارق شاہ]

پھر اُسی کافرِ بے مہر کے در پر فانی
لے چلا شوق مجھے ناصیہ فرسائی کا

فانی بدایونی

 

[طارق شاہ]

محشر میں بھی وہ عہدِ وفا سے مُکر گئے !
جس کی خوشی تھی اب وہ قیامت نہیں رہی

فانی بدایونی

 

[خالد محمود چوہدری]

اک اور بتِ کافر تراش تو لیتا مگر
آزر ترے خیالوں میں اتنا مگن نہیں ہوتا
اے دوست کسی دوست کو نہ کبھی آزمانا
کسی بھی دوست کا پورا وزن نہیں ہوتا
انجم نہ کھونا خود کو ڈھونڈ نہ پاؤ گے
کہ خانہ بدوش لوگوں کا وطن نہیں ہوتا

سحر نوید انجم

 

[طارق شاہ]

کسی نے پُوچھا نہ ظُلمت زدوں کو جیتے جی
دِنوں سے کٹ گئے تو اُن کے دِن منائے گئے

محشر بدایونی