آپ کے پسندیدہ اشعار!

[طارق شاہ]

طبیب کہتے ہیں کچھ دوا کر، حبیب کہتے ہیں بس دُعا کر
رقیب کہتے ہیں اِلتجا کر ، غضب میں آیا ہُوں دل لگا کر

داغ دہلوی

 

[طارق شاہ]

تصویر کو بھی اُس کی یہاں تک غرور ہے
دیکھے کبھی نہ طالبِ دیدار کی طرف

داغ دہلوی

 

[طارق شاہ]

بیکسی! صدمۂ ہجراں کی مجھے تاب نہیں
کاش دُشمن ہی چلے آئیں جو احباب نہیں

داغ دہلوی

 

[طارق شاہ]

آنکھ لگتی ہے تو کہتے ہیں کہ نیند آتی ہے
آنکھ اپنی جو لگی، چین نہیں ، خواب نہیں

داغ دہلوی

 

[طارق شاہ]

وجہِ حیرت، اہلِ دُنیا میں ہے اپنا حالِ دل
ایسے بے دردوں میں یہ درد آشنا کیونکر ہُوا

امیر مینائی

 

[طارق شاہ]

پُوچھ لے قاتل زبانِ تیغ سے سب سرگزشت
کُشتے کِس منہ سے بتائیں کیا ہُوا، کیونکر ہُوا

امیر مینائی

 

[طارق شاہ]

کرکے یکجا رات کو دن بھر کے خواب
ایک بے گھر دیکھتا ہے گھر کے خواب

عنبر امروہوی

 

[طارق شاہ]

ہم مسافر جاگتے میں کھوگئے
پا گئے تعبیر ہر رہبر کے خواب

عنبر امروہوی

 

[طارق شاہ]

غیر کرتے ہیں تو پھر وہ غیر ہیں
قہر ہے اپنوں کی سازش کی تڑپ

عنبر امروہوی

 

[طارق شاہ]

منہ سے کہیے، یا نہ کہیے، مِل گیا ہم کو جواب !
آپ کے تیور کہے دیتے ہیں جو کچھ دل میں ہے

فانی بدایونی

 

[طارق شاہ]

دیکھا نہ اہلِ دل نے کسی دن اُٹھا کے آنکھ
دُنیا گُزر گئی غمِ دُنیا لِئے ہُوئے

فانی بدایونی

 

[طارق شاہ]

تُو نے قاصد جو کہی دل کی لگی
یہ اُسی کافر کے منہ کی بات ہے

داغ دہلوی

 

[طارق شاہ]

فرحت انگیز تو ہے ، ولولہ انگیز نہیں !
نگہتِ گُل بھی نہیں ہے، تِری خوشبو کی طرح

اکبر الہٰ آبادی

 

[طارق شاہ]

گُل میں وہ شوخئ رنگِ رُخِ محبُوب کہاں
سرو میں لوچ کہاں اُس قدِ دِلجُو کی طرح

اکبرالہٰ آبادی

 

[طارق شاہ]

افلاس میں مستی تو مجھے خوش نہیں آتی
ساقی کو یہ اصرار ہے، معلوم نہیں کیوں

اکبرالہٰ آبادی

 

[طارق شاہ]

انداز تو عُشّاق کے پائے نہیں جاتے
اکبرجگرافگار ہے معلوم نہیں کیوں ؟

اکبرالہٰ آبادی

 

[طارق شاہ]

الله، میں اب شعر کہوں تو، کیونکر
اِتنی ہے گُھٹن، کہ زندگی ہے دوبھر
چلتا ہے مِرا قلم ، تو اماں جانی!
کہتی ہیں، علی کی تیغ ٹوٹے تُجھ پر

جوش ملیح آبادی

 

[طارق شاہ]

ہر بات کو میری نا روا کہتی ہیں
مجھ کو 'چربانک ' برملا کہتی ہیں
امّاں ہی پہ یہ بات نہیں موقوف !
باجی بھی، اکیلے میں بُرا کہتی ہیں

جوش ملیح آبادی

 

[طارق شاہ]

گِن گِن کے دل نے پیٹے ساماں مِری خوشی کے
جینے کا اب مزہ کیا، اب کیا کروں گا جی کے

آرام چند لمحے ، آلام تا بہ مرقد
کیا تلخ ہیں نتیجے، دنیا کی دوستی کے

دولت پہ تُف نہ کرنا، ہر وقت مست رہنا
حاصل ہے لُطفِ شاہی، صدقے میں شاعری کے

جوش ملیح آبادی

 

[طارق شاہ]

میری حالت دیکھئے اور اُن کی صُورت دیکھئے
پھر نگاہِ غور سے قانونِ قدرت دیکھئے

جوش ملیح آبادی