آپ کے پسندیدہ اشعار!

[طارق شاہ]

رہتے ہیں ساکنانِ قفس مُنتظر تِرے
بادِ صَبا اِدھر بھی گُزر گاہ گاہ کر

غلام ہمدانی مصحفی

 

[طارق شاہ]

زندگی آج طلب گار ہے کچھ لمحوں کی !
جو کسی چشمِ پُراعجازمیں رکھے ہوئے ہیں

ثمینہ راجہ

 

[طارق شاہ]

جو ضبطِ چشم کے باعث نہ اشک بن پایا
اُس ایک قطرۂ خُوں کا فساد ہے دل میں

ثمینہ راجہ

 

[طارق شاہ]

ساقی مِری بھی دل کی طرف ٹک نِگاہ کر
لب تشنہ تیری بزم میں، یہ جام رہ گیا

خواجہ میر درد

 

[طارق شاہ]

سو بار سوزِ عشق نے دی آگ، پر ہنوز !
دل وہ کباب ہے کہ جگر خام رے گیا

خواجہ میر درد

 

[طارق شاہ]

ارض و سماں کہاں تِری وُسعت کو پا سکے
میرا ہی دل ہے وہ، کہ جہاں تُو سما سکے

خواجہ میر درد

 

[طارق شاہ]

اوّل تو، قفس کا مِرے در باز کہاں ہے
اورہو بھی تو یاں قوّتِ پرواز کہاں ہے

غلام ہمدانی مصحفی

 

[واسطی خٹک]

میں کرنے لگ گیا غالب عقل کو پر رہا یہ دل
میں جو بھی بات کرتا تھا مجھے وہ ٹهوکتا رہا

 

[طارق شاہ]

جب فصلِ گُل ، قفس میں گرفتار ہم ہُوئے !
وہ جی رُندھا، کہ زیست سے بیزار ہم ہُوئے

غلام ہمدانی مصحفی

 

[طارق شاہ]

ہمیں آگے ہی اپنا حوصلہ معلوُم ہے، سچ ہے !
بغیر از نالہ و فریاد و زاری، ہم سے کیا ہوگا

غلام ہمدانی مصحفی

 

[طارق شاہ]

ہُوئے تم نہ سیدھے جوانی میں حالی !
مگر اب مِری جان ہونا پڑے گا

الطاف حُسین حالی

 

[طارق شاہ]

دِلکش ہر ایک قطۂ صحرا ہے راہ میں !
مِلتے ہیں جا کے دیکھیے کب کارواں سے ہم

الطاف حُسین حالی

 

[طارق شاہ]

بہت جی خوش ہُوا حالی سے مِل کر
ابھی کچھ لوگ باقی ہیں جہاں میں

الطاف حُسین حالی

 

[عبدالقیوم چوہدری]

اے مُصحفی ! چل تُو بھی قطب کو، کہ کہیں ہیں !
آتا ہے بہت چھڑلوں میں میوات کا عالم

غلام ہمدانی مصحفی

آخری شعر بلکل بھی سمجھ نہیں آیا۔۔۔ تشریح فرما دی جیے شاہ صاحب

 

[طارق شاہ]

جی گئے ہم ، پہ رہے مُردوں سے بدتر حالی !
دیکھ لی ہم نے طبیبوں کی مسیحائی بھی

الطاف حُسین حالی

 

[عبدالقیوم چوہدری]

مجھ کوشاعرنہ کہومیر، کہ صاحب میں نے !
درد و غم کتنے کِئے جمع، تو دِیوان ہُوا
میر تقی میر

'کِیا '

 

[طارق شاہ]

آخری شعر
(اے مُصحفی ! چل تُو بھی قطب کو، کہ کہیں ہیں !
آتا ہے بہت چھڑلوں میں میوات کا عالم)

بلکل بھی سمجھ نہیں آیا۔۔۔ تشریح فرما دی جیے شاہ صاحب

شعر میں معنی آفرینی تو کوئی نہیں ، جس طرح جس کے سمجھ میں آئے والی بات بھی نہیں
قطب ، دلی کا علاقہ، مشہور جگہ کا ذکر ہے کہ مصحفی دلی سے ہی لکھنؤ آئے تھے
شاید وہیں جانے کا اشارہ ہے ، میوات (بہت سارے ، ڈھیروں پھل ) کا ذکر ہے (عالم بہ معنی ہونا ، ردیف کی وجہ سے ہے)
جھڑلوں، نور الغات وغیرہ میں دیکھ لیں ، شاید بمعنی ٹوکرے، پتھارے، چھابڑے یا ایسی کوئی چیز ہو ۔
بہت سے الفاظ جو سودا ، مصحفی کے زمانے میں رائج یا عام بول چال میں تھے شاید اب نہ ہوں ۔

 

[طارق شاہ]

اے عشق! تُو نے اکثر، قوموں کو کھا کے چھوڑا
جس گھر سے سر اُٹھایا، اُس کو بٹھا کے چھوڑا

فرہاد کوہکن کی ، لِی تُو نے جان شیریں
اور قیس عامری کو، مجنوں بنا کے چھوڑا

یعقوبٌ سے بشر کو، دی تُو نے ناصبُوری
یوسفٌ سے پارسا پر بُہتاں لگا کے چھوڑا

افسانہ تیرا رنگیں، رُوداد تیری دلکش
شعروسُخن کو تُو نے جادُو بنا کے چھوڑا

اِک، دسترس سے تیری، حالی بچا ہُوا تھا !
اُس کے بھی دل پہ آخر چرکا لگا کے چھوڑا

الطاف حُسین حالی

 

[طارق شاہ]

رنج اوررنج بھی تنہائی کا !
وقت پُہنچا مِری رُسوائی کا

الطاف حسین حالی

پہلا مصرع صوتی ابہام لئے ہے ۔
رنج، اورنج ( oranj ) ۔ شاید انگلش لفظ کے وجہ سے
معنویت پر غور نہیں کیا یا غور کرنا ضروری نہیں سمجھا گیا

 

[طارق شاہ]

مدد اےجذبۂ توفیق، کہ یاں
ہو چُکا کام توانائی کا

الطاف حسین حالی