عبدالقیوم چوہدری
محفلین
شاہ جی، اس شعر کا باقی کلام مل سکے گا ؟
آپ کے پسندیدہ اشعار!
- صاحب لڑی فرقان احمد
- تاریخ ابتداء
طارق شاہ
محفلین
میں تمہارے عکس کی آرزو میں بس آئینہ ہی بنی رہی !
کبھی تم نہ سامنے آ سکے، کبھی مجھ پہ گرد پڑی رہی
وہ عجیب شام تھی، آج تک مِرے دل میں اُس کا ملال ہے
مِری طرح جو تِری منتظر، تِرے راستے میں کھڑی رہی
کبھی وقف ہجرمیں ہوگئی، کبھی خوابِ وصل میں کھوگئی
میں فقیرِ عِشق بنی رہی، میں اسیرِ یاد ہُوئی رہی
بڑی خامشی سے سَرک کے پھر ، مِرے دل کے گرد لپٹ گئی
وہ ردائے ابرِ سپید جو ، سرِ کوہسار تنی رہی
ہُوئی اُس سے جب مِری بات بھی، تھی شریکِ درد وہ ذات بھی
تو نہ جانے کون سی چیز کی، مِری زندگی میں کمی رہی
ثمینہ راجہ
طارق شاہ
محفلین
مُسلسل رابطہ رکھّا ہُوا ہے
مگر اِک فاصلہ رکھّا ہُواہے
سفر طے کر چُکا حرفِ تمنّا
زباں پر آبلہ رکھّا ہُوا ہے
جُنوں کو پھر وہیں جانے کی ضد ہے !
جہاں اِک حادثہ رکھّا ہُوا ہے
وہ آنکھیں موند کر بیٹھے ہُوئے ہیں
مُقابِل آئِنہ رکھّا ہُوا ہے
فِضائے بے یقینی میں بھی عاجز !
دُعا کا حوصلہ رکھّا ہُوا ہے
مُشتاق عاجِز
طارق شاہ
محفلین
چراغِ عشق تو جانے کہاں رکھّا ہُوا ہے
سرِمحرابِ جاں بس اِک گماں رکھّا ہُوا ہے
ہوائے شام اُڑتی جا رہی ہے راستوں پر
سِتارہ ایک زیرِآسماں رکھّا ہُوا ہے
یہی غم تھا کہ جس کی دُھوم دُنیا میں مچی تھی
یہی غم ہے کہ جس کو بے نِشاں رکھّا ہُوا ہے
ہٹے، تو ایک لمحے میں بَہم ہوجائیں دونوں
گِلہ ایسا، دِلوں کے درمیاں رکھّا ہُوا ہے
تِری نظریں، تِری آواز، تیری مُسکراہٹ
سفر میں کیسا کیسا سائباں رکھّا ہُوا ہے
لرزتا ہے بدن اُس تُند خواہش کے اثر سے
کہ اِک تِنکا، سرِآبِ رَواں رکھّا ہُوا ہے
مُصر ہے، جس کو میرا باغباں ہی کاٹنے پر
اِک ایسی شاخ پر، یہ آشیاں رکھّا ہُوا ہے
کہیں، کوئی ہے انبارِ جہاں سر پر اُٹھائے
کہیں، پاؤں تلے سارا جہاں رکھّا ہُوا ہے
الاؤ جل رہا ہے مُدّتوں سے داستاں میں
اور اُس کے گِرد کوئی کارواں رکھّا ہُوا ہے
رُکی جاتی ہے، ہرگردش زمین و آسماں کی !
مِرے دل پر، وہ دستِ مہرباں رکھّا ہُوا ہے
ثمینہ راجہ
آخری تدوین:
عبدالقیوم چوہدری
محفلین
شکریہ شاہ جی۔
طارق شاہ
محفلین
آئِنہ رکھ دِیا گیا عکسِ جمال کے لیے
پُورا جہاں بنا دِیا، ایک مِثال کے لیے
خاک کی نیند توڑ کر ، آب کہیں بنا دِیا !
ارض و سما کے درمیاں خواب کہیں بنا دِیا
خوابِ نمود میں کبھی آتش و باد مِل گئے
شاخ پرآگ جل اُٹھی، آگ میں پُھول کِھل گئے
سازِ حیات تھا خموش، سوز و سَرود تھا نہیں
اُس کا ظہُور ہوگیا، جس کا وجود تھا نہیں
خاک میں جتنا نُور ہے، ایک نِگاہ سے مِلا
سنگِ بدن کو اِرتعاش، دل کی کراہ سے مِلا
دشتِ وجود میں بہار، اِس دلِ لالہ رنگ سے
رنگِ حیات و کائنات، اِس کی بس اِک اُمنگ سے
قِرنوں کے فاصلوں میں یہ دل ہی مِرے قریب تھا
قصۂ ہست و بُود میں، کوئی مِرا حبیب تھا
تِیرہ و تار راہ میں، ایک چراغ تھا مِرا
کوچۂ بے تپاک میں، کوئی سراغ تھا مِرا
ہو کے دیارِ خواب سے ، کیسی عَجب ہَوا گئی
شیشۂ تابدار پر، گرد ہی گرد آ گئی
بُھول چُکا ہے اپنی ذات، بُھول گیا ہے اُس کا نام
سوز و گُداز کے بغیر، لب پہ درُود اور سلام
مُدّتِ عمر ہوگئی اِس کو عجیب حال میں!
فرق ہی کچھ رہا نہیں، شوق میں اور ملال میں
دل کی جگہ رکھا ہے اب، سنگِ سِیاہ اُس طرف
ہجر و وصال کے خدا! ایک نِگاہ اُس طرف
ثمینہ راجہ
طارق شاہ
محفلین
عِشق کی زمزمہ سنجی، ہے ہے !
ولولہ ناک میں دم لاتا ہے
پھر کُھجائے ہے ہتھیلی، دیکھوں !
سیم تن کون سا ہاتھ آتا ہے
مدد اے کشمکشِ شوق کہ پھر !
دِل کہیں کھینچے لِئے جاتا ہے
پھر ہُوں دیوانۂ بیخود کِس کا ؟
خار تلوے مِرے سہلاتا ہے
پھر دِل اِک بُت کو دِیا مومن نے
کب وہ اِن باتوں سے باز آتا ہے