آپ کے پسندیدہ اشعار!

[طارق شاہ]

رہا نہ دل میں وہ بے درد، اور درد رہا
مُقِیم کون ہُوا ہے ، مُقام کِس کا تھا

داغ دہلوی

 

[طارق شاہ]

گُزر گیا وہ زمانہ، کہوُں تو کِس سے کہوُں
خیال دِل کو مِرے صُبح و شام کِس کا تھا

داغ دہلوی

 

[طارق شاہ]

زندگی ہے یا کوئی طوفان ہے
ہم تو اِس جینے کے ہاتھوں مرچلے

خواجہ میر درد

 

[طارق شاہ]

اُس کے دل پر بھی ، کڑی عِشق میں گُزری ہوگی
نام جس نے بھی محبّت کا سزا رکھا ہے

حکیم ناصر

 

[طارق شاہ]

سب کا احوال وہی ہے جو ہمارا ہے آج
یہ الگ بات، کہ شکوہ کِیا تنہا ہم نے

شہریار

 

[طارق شاہ]

عمر بھر سچ ہی کہا، سچ کے سِوا کُچھ نہ کہا
اجْر کیا اِس کا مِلے گا، یہ نہ سوچا ہم نے

شہریار

 

[طارق شاہ]

تجھ کو جب تنہا کبھی پانا، تو از راہِ لحاظ
حالِ دل ، باتوں ہی باتوں میں جتانا یاد ہے

حسرت موہانی

 

[طارق شاہ]

چلنے کا حوصلہ نہیں، رُکنا مُحال کردِیا
عِشق کے اِس سفر نے تو مُجھ کو نِڈھال کردِیا

مُمکنہ فیصلوں میں ایک ہجر کا فیصلہ بھی تھا
ہم نے تو ایک بات کی، اُس نے کمال کردِیا

چہرہ و نام ایک ساتھ ، آج نہ یاد آ سکے
وقت نے کِس شبیہ کو خواب و خیال کردیا

مُدّتوں بعد اُس نے آج، مجھ سے کوئی گِلہ کِیا
منصبِ دلبری پہ کیا، مجھ کو بحال کردیا

پروین شاکر

 

[طارق شاہ]

نہ شب کو چاند ہی اچھا، نہ دن کو مہراچھا
یہ ہم پہ بیت رہی ہیں قیامتیں کیسی

وہ ساتھ تھا، تو خُدا بھی تھا مہرباں کیا کیا
بچھڑگیا تو ہُوئی ہیں عداوتیں کیسی

عبیداللہ علیم

 

[طارق شاہ]

دِن گُزارا تھا بڑی مُشکل سے
پھر تِرا وعدۂ شب یاد آیا

ناصر کاظمی

 

[طارق شاہ]

وقت اچھّا بھی آئے گا، ناصر !
غم نہ کر زندگی پڑی ہے ابھی

ناصر کاظمی

 

[طارق شاہ]

دُور سے آئے تھے ساقی، سُن کے میخانے کو ہم
بس ترستے ہی چلے، افسوس پیمانے کو ہم

مے بھی ہے مینا بھی ہے ساغر بھی ہے ساقی نہیں
دل میں آتا ہے لگادیں ، آگ میخانے کو ہم

باغ میں لگتا نہیں، صحرا میں گھبراتا ہے دل
اب کہاں لے جا کے بیٹھیں ایسے دیوانے کو ہم

نظیر اکبر آبادی

 

[طارق شاہ]

بُھولے سے، مُسکرا تو دِیے تھے وہ آج، فیض
مت پُوچھ ولولے دلِ نا کردہ کار کے

فیض احمد فیض

 

[طارق شاہ]

دیر لگی آنے میں تُم کو، شُکر ہے پھر بھی آئے تو
آس نے دِل کا ساتھ نہ چھوڑا ، ویسے ہم گھبرائے تو

شفق دھنک مہتاب گھٹائیں ، تارے نغمے بجلی پُھول !
اُس دامن میں کیا کیا کچھ ہے، دامن ہاتھ میں آئے تو

جُھوٹ ہے سب تاریخ ہمیشہ اپنے کو دُہراتی ہے
اچھا میرا خوابِ جوانی تھوڑا سا دُہرائے تو

عندلیب شادانی

 

[طارق شاہ]

جو بہار مِلتی تو پُوچھتا، کہ کہاں وہ کیفِ نظر گیا
وہ صبا کی شوخِیاں کیا ہُوئیں، وہ چَمن کا حُسن کِدھر گیا

جوش ملِیح آبادی

 

[طارق شاہ]

یُوں اُٹھے، آہ ! اُس گلی سے ہم
جیسے کوئی جہاں سے اُٹھتا ہے

میر تقی میر

 

[طارق شاہ]

لڑتی ہے اُس کی چشمِ شوخ جہاں !
ایک آشوب واں سے اُٹھتا ہے

میر تقی میر

 

[طارق شاہ]

اِس کا سوچا بھی نہ تھا اب کے جو تنہا گُزری
وہ قیامت ہی غنیمت تھی، جو یکجا گُزری

احمد فراز

 

[طارق شاہ]

کیا بتائیں، پیار کی بازی وفا کی راہ میں
کون جیتا کون ہارا، یہ کہانی پھر سہی

مسرُور انور

 

[طارق شاہ]

اِنہی خوش گُمانیوں میں، کہیں جاں سے بھی نہ جاؤ
وہ جو چارہ گر نہیں ہے ، اُسے زخم کیوں دکھاؤ

احمد فراز