آپ کے پسندیدہ اشعار!
- صاحب لڑی فرقان احمد
- تاریخ ابتداء
عبدالقیوم چوہدری
محفلین
جو کوئی آوے ہے نزدیک ہی بیٹھے ہے ترے
ہم کہاں تک ترے پہلو سے سرکتے جاویں
غیر کو راہ ہو گھر میں ترے، سبحان اللہ
اور ہم دور سے در کو ترے تکتے جاویں
میر حسن دہلوی
ہم کہاں تک ترے پہلو سے سرکتے جاویں
غیر کو راہ ہو گھر میں ترے، سبحان اللہ
اور ہم دور سے در کو ترے تکتے جاویں
میر حسن دہلوی
عبدالقیوم چوہدری
محفلین
گر عشق سے کچھ مجھ کو سروکار نہ ہوتا
تو خواب عدم سے کبھی بیدار نہ ہوتا
یارب میں کہاں رکھتا ترا داغِ محبت
پہلو میں اگر میرے دلِ زار نہ ہوتا
میر حسن دہلوی
تو خواب عدم سے کبھی بیدار نہ ہوتا
یارب میں کہاں رکھتا ترا داغِ محبت
پہلو میں اگر میرے دلِ زار نہ ہوتا
میر حسن دہلوی
طارق شاہ
محفلین
دلِ مہجُور کو تسکین کا ساماں نہ مِلا
شہرِ جاناں میں ہمیں مسکنِ جاناں نہ مِلا
کُوچہ گردی میں کٹیں شوق کی کتنی راتیں
پھر بھی اُس شمعِ تمنّا کا شبستاں نہ مِلا
یوں تو ہر راہ گزر پر تھے ستارے رقصاں
جِس کی حسرت تھی مگر وہ مہِ تاباں نہ مِلا
لالہ و گُل تھے بہت عام چمن میں، لیکن
ڈھونڈتے تھے جسے وہ سروِ خراماں نہ مِلا
کِس کے در پر نہ کیے سجدے نگاہوں نے مگر
ہائے تقدیر وہ غارت گرِ ایماں نہ مِلا
کون سے بام کو رہ رہ کے نہ دیکھا، لیکن
نگہِ شوق کو وہ ماہِ خراماں نہ مِلا
درِ جاناں پہ فدا کرتے، دل و جاں اختر !
وائے بر حالِ دل و جاں، درِ جاناں نہ ملا
اختر شیرانی
عبد الرحمن
لائبریرین
ہوئی جاتی ہے کیوں بے تاب منزل
مسلسل چل رہا ہوں آرہا ہوں
(جناب ماہر القادری)
مسلسل چل رہا ہوں آرہا ہوں
(جناب ماہر القادری)
کاشفی
محفلین
کدھر کو جائیں گے اہلِ سفر نہیں معلوم
وہ بدحواسی ہے اپنا ہی گھر نہیں معلوم
ہمارا صبر تجھے خاک میں ملا دے گا
ہمارے صبر کا تجھ کو اثر نہیں معلوم
ہم اپنے گھر میں بھی بےخوف رہ نہیں سکتے
کہ ہم کو نیتِ دیوار و در نہیں معلوم
ہمیشہ ٹوٹ کہ ماں باپ کی کرو خدمت
ہے کتنے روز یہ بوڑھے شجر نہیں معلوم
(منظر بھوپالی)
وہ بدحواسی ہے اپنا ہی گھر نہیں معلوم
ہمارا صبر تجھے خاک میں ملا دے گا
ہمارے صبر کا تجھ کو اثر نہیں معلوم
ہم اپنے گھر میں بھی بےخوف رہ نہیں سکتے
کہ ہم کو نیتِ دیوار و در نہیں معلوم
ہمیشہ ٹوٹ کہ ماں باپ کی کرو خدمت
ہے کتنے روز یہ بوڑھے شجر نہیں معلوم
(منظر بھوپالی)