آپ کے پسندیدہ اشعار!

[کاشفی]

یہ سوچ کر کوئی عہدِ وفا کرو ہم سے
ہم اک وعدے پر عمرے گزار دیتے ہیں
(وسیم بریلوی)

 

[کاشفی]

اکیلے ہوں تو کیسی محفلوں کی یاد آتی ہے
مگر محفل میں جاتے ہیں تو تنہاہی ستاتی ہے

کوئی رشتہ بنا کر مطمئن ہونا نہیں اچھا
محبت آخری دم تک تعلق آزماتی ہے
(وسیم بریلوی)

 

[کاشفی]

نہیں چلنے لگی یوں میرے پیچھے
یہ دنیا میں نے ٹھکرائی بہت ہے
(وسیم بریلوی)

 

[کاشفی]

محبت میں بچھڑنے کا ہُنر سب کو نہیں آتا
کسی کو چھوڑنا ہو تو ملاقاتیں بڑٰی کرنا
(وسیم بریلوی)

 

[کاشفی]

کیا دُکھ ہے سمندر کو، بتا بھی نہیں سکتا
آنسو کی طرح آنکھ تک آ بھی نہیں سکتا

تو چھوڑ رہا ہے تو خطا اس میں تیری کیا
ہر شخص میرا ساتھ نبھا بھی نہیں سکتا

ویسے تو ایک آنسو ہی بہا کر مجھے لے جائے
ایسے کوئی طوفان، ہلا بھی نہیں سکتا
(وسیم بریلوی)

 

[کاشفی]

اُسے غریبی نے شاید بہت ستایا ہے
منی پلانٹ کہیں سے چُرایا لایا ہے
(ملِک زادہ جاوید)

 

[کاشفی]

اُسے غرور بہت ہے امیر ہونے پر
ہمیں بھی ناز ہے اپنے فقیر ہونے پر

ضمیر رکھ کے حکومت سے کچھ نہ پاؤ گے
خطاب ملتا ہے یہاں بےضمیر ہونے پر
(ملِک زادہ جاوید)

 

[کاشفی]

اب تمنّا نہ کوئی حسرت ہے، لطفِ ساقی، نہ جام، نہ مے کی
جلوہ فرما ہوتم تصور میں، اب ضرورت نہیں کسی شے کی
(جناب آنند موہن گلزار دہلوی)

 

[کاشفی]

حُسنِ توحید کا خزینہ ہیں، خاتمِ علم کا نگینہ ہیں
ہر طرف تو خُدا کا جلوہ ہے، میرے دل میں شہ مدینہ ہیں
(جناب آنند موہن گلزار دہلوی)

 

[کاشفی]

زندگی تیرے دم قدم سے ہے
زیست کا لطف تیرے غم سے ہے

مجھ کو فردوس کی ضرورت کیا
میری جنت تو تیرے دم سے ہے
(جناب آنند موہن گلزار دہلوی)

 

[صائمہ شاہ]

مُلّا بنا دیا ہے اِسے بھی محاذِ جنگ
اِک صُلح کا پیام تھی اُردو زباں کبھی

آنند نارائن مُلّا

 

[کاشفی]

پتھر کو موم کرنے کے اوصاف کے بغیر
یہ شہر اک دشت ہے الطاف کے بغیر
(اقبال اشہر - ہندوستان)

 

[کاشفی]

یہ وہ دُکھ ہے جو تعلق کو ہوا دیتا ہے
فاصلہ قرب کا احساس بڑھا دیتا ہے
(اقبال اشہر - ہندوستان)

 

[کاشفی]

جسے اُجالے کی جستجو ہو، اُسے ٹھہرنا کہاں گوارا
یہ وہ سفر ہے کہ جس کی منزل نہ یہ کنارا نہ وہ کنارا
(اقبال اشہر - ہندوستان)

 

[کاشفی]

یہ بات الگ ہے کہ تم نہ بدلو، مگر زمانہ بدل رہا ہے
گلاب پتھر پر کھل رہے ہیں، چراغ آندھی میں جل رہا ہے
(اقبال اشہر - ہندوستان)

 

[خالد محمود چوہدری]

 

[صائمہ شاہ]

پھر ایک مرتبہ اندر پڑے پڑے ہی ' ظفر !
مَیں اپنے آپ سے باہَر دِکھائی دینے لگا

ظفر اِقبال

 

[صائمہ شاہ]

تِرے دھیان سے تو نکل گیا ہُوں کبھی کا مَیں
کوئی اور ہے جو ' مجھے رِہا نہیں کر رہا

فیصل عجمی

 

[صائمہ شاہ]

یک بَہ یک ٹوٹ گیا چارہ گری سے پہلے
دِل ِ بیمار نے ہم سے کوئی خِدمت نہیں لی

اختر عثمان

 

[قیصرانی]

یک بَہ یک ٹوٹ گیا چارہ گری سے پہلے
دِل ِ بیمار نے ہم سے کوئی خِدمت نہیں لی

اختر عثمان

میں اسے روانی میں کچھ ایسے پڑھ گیا

فیس بک پہ ٹوٹ گیا چارہ گری سے پہلے
دِلِ بیمار نے ہم سے کوئی خِدمت نہیں لی