آپ کے پسندیدہ اشعار!

[صائمہ شاہ]

میں اسے روانی میں کچھ ایسے پڑھ گیا

فیس بک پہ ٹوٹ گیا چارہ گری سے پہلے
دِلِ بیمار نے ہم سے کوئی خِدمت نہیں لی

لگتا ہے کسی فیس بکی حادثے کا اثر ہے آپ کی آنکھوں پر

 

[قیصرانی]

لگتا ہے کسی فیس بکی حادثے کا اثر ہے آپ کی آنکھوں پر

نہیں، مجھے تو شاعر پر شبہ ہو رہا تھا، آپ نے الٹا مجھ ہی پر الزام دھر دیا

 

[سید فصیح احمد]

جھنجھلائے ہیں، لجائے ہیں پھر مسکرائے ہیں
کس اہتمام سے انہیں ہم یاد آئے ہیں

خمار بارہ بنکوی

 

[سید فصیح احمد]

انسان جیتے جی کریں توبہ خطاؤں سے
مجبوریوں نے کتنے فرشتے بنائے ہیں

خمار بارہ بنکوی

 

[شیزان]

یہ کیا جگہ ہے دوستو، یہ کون سا دیار ہے
حدِ نگاہ تک جہاں غبار ہی غبار ہے

یہ کس مقام پر حیات مجھ کو لے کے آ گئی
نہ بس خوشی پہ ہے جہاں، نہ غم پہ اِختیار ہے

تمام عمر کا حساب مانگتی ہے زندگی!
یہ میرا دل کہے تو کیا ، کہ خود سے شرمسار ہے

بُلا رہا ہے کون مجھ کو چلمنوں کے اُس طرف
میرے لیے بھی کیا کوئی اداس و بے قرار ہے

نہ جس کی شکل ہے کوئی نہ جس کا نام ہے کوئی
اک ایسی شئے کا کیوں ہمیں ازل سے انتظار ہے


شہریار

 

[شیزان]

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے

سب کا احوال وہی ہے جو ہمارا ہے آج
یہ الگ بات کہ شکوہ کیا تنہا ہم نے

خود پشیماں ہوئے اسے شرمندہ نہ کیا
عشق کی وضع کو کیا خوب نبھایا ہم نے

عمر بھر سچ ہی کہا سچ کے سوا کچھ نہ کہا
اجر کیا اس کا ملے گا یہ نہ سوچا ہم نے

کون سا قہر یہ آنکھوں پہ ہوا ہے نازل
ایک مدت سے کوئی خواب نہ دیکھا ہم نے

شہریار

 

[سید فصیح احمد]

اس کی امیدِ ناز کا ہم سے یہ مان تھا کہ آپ
عمر گزار دیجئے، عمر گزار دی گئی

جون

 

[قیصرانی]

اس کی امیدِ ناز کا ہم سے یہ مان تھا کہ آپ
عمر گزار دیجئے، عمر گزار دی گئی

جون

جولائی شروع ہو گیا ہے اب تو، جولائی کا شعر لگائیے

 

[سید فصیح احمد]

جولائی شروع ہو گیا ہے اب تو، جولائی کا شعر لگائیے

مگر موسم کا فرق اتنا نہیں دونوں میں تو جولائی میں بھی جون کے اشعار سُنیئے بھائی جان ۔۔۔

 

[قیصرانی]

مگر موسم کا فرق اتنا نہیں دونوں میں تو جولائی میں بھی جون کے اشعار سُنیئے بھائی جان ۔۔۔

جون میں ایک روزہ تھا، جولائی میں 28 یا 29، اتنا بھی فرق نہیں کیا؟

 

[سید فصیح احمد]

جون میں ایک روزہ تھا، جولائی میں 28 یا 29، اتنا بھی فرق نہیں کیا؟

یہ ٹھیک نہیں بھائی جان یوں تو فرق در فرق نکل پڑیں گے ۔۔ موسم کی بابت ہے شاعری اور بس ۔۔۔

 

[اوشو]

زبان یار من ترکی و من ترکی نمی دانم
چہ خوش بودے اگر بودے زبانش در دہانِ من

 

[سید فصیح احمد]

زبان یار من ترکی و من ترکی نمی دانم
چہ خوش بودے اگر بودے زبانش در دہانِ من

میرے خیال میں اگر ترکی زبان سیکھ لی گئی تو لطفِ رمز چلا جائے گا ، اور سب مزہ ہی پردے کا ہے ، سب کہانی تلاشِ راز کی ہے

 

[کاشفی]

میری بکھری ہوئی زلفوں کو سجانے والا
ہے کوئی ایسا میرے ناز اُٹھانے والا

میری آنکھوں میں محبت کا عجب جادو ہے
شام ڈھلتے ہیں چلا آئے گا جانے والا

یوں تو چہرے ہیں بہت ساتھ نبھانے والے
کوئی ملتا ہی نہیں دل میں بسانے والا
(رخسار بلرامپوری)

 

[اوشو]

میرے خیال میں اگر ترکی زبان سیکھ لی گئی تو لطفِ رمز چلا جائے گا ، اور سب مزہ ہی پردے کا ہے ، سب کہانی تلاشِ راز کی ہے

کون کہتا ہے محبت کی زباں ہوتی ہے
یہ حقیقت تو نگاہوں سے عیاں ہوتی ہے

 

[کاشفی]

خون آنسو بن گیا آنکھوں میں بھر جانے کے بعد
آپ آئے تو مگر طوفاں گزر جانے کے بعد

زندگی کے نام پر ہم عمر بھر جیتے رہے
زندگی کو ہم نے پایا بھی تو مر جانے کے بعد

شام ہوتے ہی چراغوں سے تمہاری گفتگو
ہم بہت مصروف ہوجاتے ہیں گھر جانے کے بعد

چاند کا دُکھ بانٹنے نکلے ہیں اب اہلِ وفا
روشنی کا سارا شیرازہ بکھر جانے کے بعد

زخم جو تم نے دیا وہ اس لیئے رکھا ہرا
زندگی میں کیا بچے گا زخم بھر جانے کے بعد
(عظم شاکری)

 

[کاشفی]

خیریت کی چاہ میں سب اپنے بیگانے گئے
شاخ پھل دینے لگی تب پیڑ پہچانے گئے

شہر میں تو رخصتی دہلیز تک محدود ہے
گاؤں میں پکی سڑک تک لوگ پُہچانے گئے
(کلیم قیصر)

 

[کاشفی]

کیا سچ ہے، جھوٹ کیا ہے، ہر شخص جانتا ہے
ایک آدمی کے اندر ایک آدمی چھپا ہے

تاریخ کہہ رہی ہے سب کچھ کہا سُنا ہے
اور ہم یہ سوچتے ہیں یہ شعر کچھ نیا ہے
(کلیم قیصر)

 

[شیزان]

ہاں میرے غم تو اٹھا لیتا ہے، غم خوار نہیں
دل پڑوسی ہے مگر میرا طرفدار نہیں​

جانے والے کو کہاں روک سکا ہے کوئی
گھر میں دروازہ تو ہے، پیچھے کی دیوار نہیں​

آپ کے بعد یہ محسوس ہوا ہے ہم کو
جینا مشکل نہیں، مرنا کوئی دشوار نہیں

کانچ کے گھر ہیں یہاں سب کے، بس اتنا سوچیں
عرض کرتے ہیں فقط آپ سے ، تکرار نہیں

گلزار​

 

[کاشفی]

لگاؤ دیر نہ اب دل کو صاف کرنے میں
بھلائی سب کی ہے یاروں معاف کرنے میں

اُن ہی کو قتل کریں گی یہ ساری تلواریں
لگے ہوئے ہیں جو تلوار صاف کرنے میں
(منظر بھوپالی)