آپ کے پسندیدہ اشعار!

[طارق شاہ]

خُدا کرے صفِ سردادگاں نہ خالی ہو
جو میں گِروں، تو کوئی دوسرا نکل آئے

عرفان صدیقی

 

[طارق شاہ]

ہمیں کسی نہ کسی کا ہدف تو ہونا تھا
بہت سے یار تھے اغیار کے علاوہ بھی

احمد فراز

 

[طارق شاہ]

سو دیکھ کر تِرے رُخسار و لب یقیں آیا
کہ پُھول کِھلتے ہیں گلزار کے علاوہ بھی

احمد فراز

 

[طارق شاہ]

اُجاڑ گھر میں یہ خوشبو کدھر سے آئی ہے
کوئی تو ہے، در و دیوار کے علاوہ بھی

احمد فراز

 

[طارق شاہ]

چلا تھا ذکر زمانے کی بے وفائی کا
سو آ گیا ہے تمہارا خیال ویسے ہی

احمد فراز

 

[طارق شاہ]

سفر سے لوٹا ہُوں جس سال بھی ، مِرے گھر میں
سوائے غربتِ آئندہ سال کوئی نہ تھا

ظہُور نظر

 

[طارق شاہ]

بھرے وہ زخم بھی سفاّک وقت نے میرے
نظر میں جن کا مِری ، اندمال کوئی نہ تھا

ظہُور نظر

 

[سید فصیح احمد]

کل جہاں سے کہ اٹھا لائے تھے احباب مجھے
لے چلا آج وہیں پھر دلِ بے تاب مجھے

ذوق

 

[سید فصیح احمد]

ہم کو معلوم ہے جنّت کی حقیقت لیکن
دل کے خوش رکھنے کو غالبؔ یہ خیال اچّھا ہے

 

[سید فصیح احمد]

جلا ہے جسم جہاں، دل بھی جل گیا ہو گا
کریدتے ہو جو اب راکھ جستجو کیا ہے

غالب

 

[محمد یوسف صدیقی]

ترک دنیا کر نہ ہر لذت کو چھوڑ

معصیت کو ترک کر غفلت کو چھوڑ​

نفس و شیطاں لاکھ در پے ہوں

تو نہ ہر گز ذکر اور طاعت کو چھوڑ​

 

[محمد یوسف صدیقی]

جس کی فطرت ہو عیب شر سے مَملُو

صُحبت سے وہ اچھوں کی نہ ہوگا خُوش خُو​

رہتی ہے اگرچہ رات دن پانی میں

جاتی نہیں مچھلی کے بدن سے بد بو​

 

[محمد یوسف صدیقی]

جو صاحبِ علم وفضل کہلاتے ہیں

ہر جراتِ بے جا پہ وہ پچھتاتے ہیں ​

جو اہل نہ ہوں ،وہ مانگتے ہیں منصب

منصب کے جو اہل ہوں ،وہ کتراتے ہیں​

 

[محمد یوسف صدیقی]

اچھا ہے رہے دل یونہی ناکامِ تمنا

بنتے ہوئے دیکھا ہے محبت کو ہوس بھی​

 

[قیصرانی]

وہ دل ہی کیا ترے ملنے کی جو دعا نہ کرے
میں تجھ کو بھول کے زندہ رہوں خدا نہ کرے

رہے گا ساتھ ترا پیار زندگی بن کر
یہ اور بات مری زندگی وفا نہ کرے

یہ ٹھیک ہے نہیں مرتا کوئی جدائی میں
خدا کسی سے کسی کو مگر جدا نہ کرے

زمانہ دیکھ چکا ہے پرکھ چکا ہے اسے
قتیل جان سے جائے پر التجا نہ کرے

 

[طارق شاہ]

خود سے مِل جاتے، تو چاہت کا بَھرم رہ جاتا
کیا مِلے آپ، جو لوگوں کے مِلانے سے مِلے

کیف بھوپالی

 

[طارق شاہ]

تیری مانند، تِری یاد بھی ظالم نِکلی
جب بھی آئی ہے، مِرا دِل ہی دُکھانے آئی

کیف بھوپالی

 

[طارق شاہ]

کیف کے بُھولنے والے! یہ خبر ہو کہ اُسے
صدمۂ ترکِ مُلاقات نے جِینے نہ دیا

کیف بھوپالی

 

[طارق شاہ]

کُڑھنے پہ مِرے جی نہ کُڑھا، تیری بَلا سے
اپنا تو نہیں غم مجھے، غمخوار ہُوں تیرا

خواجہ میر درد

 

[صائمہ شاہ]

ھم نے ہرکارے سے بھجوا دئیے سب خواب تمہیں
اِن کے بدلے ھمیں کچھ نقدِ نظر دے سکو ھو

شاھنواز زیدی