آپ کے پسندیدہ اشعار!

[صائمہ شاہ]

اس نے ٹیلی فون کیا ہے اور کسی کے ساتھ ہے
میرا اسکا سمجھوتہ ہے کون بڑھائے بات کو

شائد ساقی فاروقی کا شعر ہے

قیصرانی غمناک کیوں ؟ نئے دور کی محبت ہے شائد

 

[قیصرانی]

قیصرانی غمناک کیوں ؟ نئے دور کی محبت ہے شائد

جی، بجا فرمایا

 

[طارق شاہ]

افسُردہ خاطروں کی خِزاں کیا، بہار کیا
کُنجِ قفَس میں مر رہے، یا آشیانے میں

یاس، یگانہ، چنگیزی

 

[جاوید مرزا]

جس دن سے میں وصال کی آسودگی میں ہوں
اُس دن سے وہ فراق سے دو چار مجھ میں ہے

عرفان ستار

 

[جاوید مرزا]

وہ تری یاد تھی جو لے آئی
میں نہ جانے کہاں پڑا ہوتا

رسا چغتائی

 

[جاوید مرزا]

مجھ کو تخریب بھی نہیں آئی
توڑتا کچھ ہوں ٹوٹتا کیا ہے

مقصود وفا

 

[طارق شاہ]

اِک جہانِ بے نِشاں زیرِ زمیں آباد ہے
یاد آتی ہے مگر، دُنیا کی تنہائی بہت

رفعت القاسمی

 

[طارق شاہ]

ہم بھی کیا کرتے، کہ سیلِ اشکِ غم کے ساتھ ساتھ !
چشمِ گریاں ریزہ ہائے دِل بَہا لائی بہت

رفعت القاسمی

 

[طارق شاہ]

چُپ ہُوں ، کہ نہ ہوں نالاں وہ میرے تواتر سے
ایسا نہ ہو لہجے میں دُھتکار بھی آجائے

شفیق خلش

 

[جاوید مرزا]

آخر کو ہنس پڑیں گے کسی ایک بات پر
رونا تمام عمر کا بے کار جائے گا

ڈاکٹر خورشید رضوی

 

[جاوید مرزا]

کس قدر گونج ہے اس رات کے سناٹے میں
نہ یقیں آئے تو آواز لگا کر دیکھو

احمد مشتاق

 

[جاوید مرزا]

میں اپنی ذات کی تنہائی میں مقید تھا
پھر اِس چٹان میں اک پھول نے شگاف کیا

انس معین

 

[نیرنگ خیال]

بچوں کے ساتھ کل اسے دیکها تو دکھ ہوا
ان میں سے کوئی ایک بهی ماں پر نہیں گیا

حسن عباس

سچا شعر ہے۔۔۔

 

[صائمہ شاہ]

سچا شعر ہے۔۔۔

سچائی کا حوالہ مانگوں ؟ جہاں جن کے طفیل یہ شعر پڑھا تھا وہاں تو ثبوت سمیت سچائی ثابت تھی

 

[سید عاطف علی]

ہجوِ مے کر رہا تھا منبر پر
ہم جو پہنچے تو پی گیا واعظ
(شاعر ۔۔۔)

 

[طارق شاہ]

غمِ الفت مِرے چہرے سے عیاں کیوں نہ ہُوا
آگ جب دِل میں سُلگتی تھی، دُھواں کیوں نہ ہُوا

سیلِ غم رُکتا نہیں ضبْط کی دِیواروں سے
جوشِ گریہ تھا تو میں گِریہ کُناں کیوں نہ ہُوا

تُو وہی ہے جو مِرے دِل میں چُھپا بیٹھا ہے
اِک یہی راز کبھی مُجھ پہ عیاں کیوں نہ ہُوا

نارسائی تھی مِرے شوق کا حاصِل تو شکیب !
حائلِ راہ کوئی سنگِ گِراں کیوں نہ ہُوا

شکیب جلالی

 

[طارق شاہ]

اُن کو یہ شکایت ہے، کہ ہم کچھ نہیں کہتے
اپنی تو یہ عادت ہے کہ، ہم کچھ نہیں کہتے

مجبُور بہت کرتا ہے یہ دل، تو زباں کو !
کچھ ایسی ہی حالت ہے کہ ہم کچھ نہیں کہتے

کہنے کو بہت کُچھ تھا، اگر کہنے پہ آتے
دُنیا کی عِنایت ہے، کہ ہم کچھ نہیں کہتے

کُچھ کہنے پہ طُوفان اُٹھا لیتی ہے دُنیا
اب اِس پہ قیامت ہے، کہ ہم کچھ نہیں کہتے

راجندر کرشن

 

[جاوید مرزا]

بے وقت اگر جاوں گا سب چونک پڑیں گے
اک عمر ہوئی دن میں کبهی گهر نہیں دیکها

بشیر بدر

 

[جاوید مرزا]

ہائے وہ وقت جو جا کر نہیں آیا اب تک
ہائے وہ شام جو ہر شام چلی آتی ہے

لیاقت علی عاصم

 

[جاوید مرزا]

کل رات میں نے خود سے کوئی گفتگو نہ کی
ہمسائے نے بهی گهر میں چراغاں نہیں کیا

محسن اسرار