آپ کے پسندیدہ اشعار!

[طارق شاہ]

کریں، خلش کی دُعائے حصُول میں شامل
اُسے، جو دُور ہے اُن سے قرارِ جاں کی طرح

شفیق خلش

 

[طارق شاہ]

حیائے حُسن اُنھیں ہے حجابِ عشق مجھے
غرض! وہ آ نہیں سکتے میں جا نہیں سکتا

اکبر الٰہ آبادی

 

[عندلیب]

آدمیت ہی جب اس دور میں پامال ہوئی
اپنی اک ذات کے لٹنے کا مجھے غم کیوں ہو

 

[نظام الدین]

وہ بات بھی کہہ دی کہ جو مقصود نہیں تھی

بہت خوب۔۔۔۔۔۔۔ زبردست

 

[نظام الدین]

جو آشنا تھا مجھ سے بہت دور رہ گیا

جو ساتھ چل رہا تھا، مرا آشنا نہ تھا

(واصف علی واصف)​

 

[عندلیب]

دانائیوں پہ اپنی خرد کو بہت تھا ناز
پر اس سے حل جنوں کے مسائل نہ ہوسکے

 

[عندلیب]

اس شخص نے آنکھوں سے تبلیغ ہی یوں کی
کہ میں بنا سوچے سمجھے عشق پہ ایمان لے آیا

 

[عندلیب]

آج سوچا تو آنسو بھر آئے
مدتیں ہو گئیں مسکرائے
ہر قدم پر ادھر مڑ کے دیکھا
ان کی محفل سے ہم اٹھ تو آئے
رہ گئی زندگی درد بن کے
درد دل میں چھپائے چھپائے
دل کی نازک رگیں ٹوٹتی ہیں
یاد اتنا بھی کوئی نہ آئے

کیفی اعظمی

 

[عندلیب]

ﮨﻮﺍ ﭼﺮﺍﻍ ﺑﺠﮭﺎﻧﮯ ﻟﮕﯽ ﺗﻮ ﮨﻢ ﻧﮯ ﺑﮭﯽ
ﺩﯾﮯ ﮐﯽ ﻟﻮ ﮐﯽ ﺟﮕﮧ ﺗﯿﺮﺍ ﺍﻧﺘﻈﺎﺭ ﺭﮐﮭﺎ

 

[عندلیب]

دل ویراں ہے، تیری یاد ہے، تنہائی ہے
زندگی درد کی بانہوں میں سمٹ آئی ہے
مرے محبوب زمانے میں کوئی تجھ سا کہاں
تیرے جانے سے میری جان پے بن آئی ہے
ایسا اجڑ ہے امیدوں کا چمن تیرے بعد
پھول مرجھائے،بہاروں پہ خزاں چھائی ہے
چھا گئے چاروں طرف اندھیرے سائے
میری تقدیر میرے حال پہ شرمائی ہے
دل ویراں ہے، تیری یاد ہے، تنہائی ہے

خواجہ پرویز

 

[عندلیب]

یک نظر ڈال کبھی میرے مسیحا مجھ پر
تیرا .... کیا جائے گا "بیمار" کو اچھا کر کے

 

[عندلیب]

آپ میرے ساتھ چلنے کا ارادہ تو کریں !
زندگی کے سب معمے خود سلجهتے جائیں گے

 

[ادب دوست]

اے گردشِ ایام زراتُو تو ٹھر جا
کیوں اس نے پکارا ہے مجھے دیکھ تو آوں

 

[عندلیب]

آتے جاتے سارے موسم اس سے نسبت رکھتے ہیں۔
اس کا ہجر خزاؤں جیسا اس کا قرب بہاروں سا۔..!!

 

[عندلیب]

کچھ حرف التجا تھے دعاؤں سے ڈر گئے
ارمان بندگی کے خداؤں سے ڈر گئے

اب کون دیکھتا ہے ترے شمس کی طرف
سورج مکھی کے پھول شعاعوں سے ڈر گئے

ہنس کر جو جھیلتے تھے زمانے کی تلخیاں
اے چشم یار تیری اداؤں سے ڈر گئے

رنگیں فضا میں جل گئیں خاموش تتلیاں
آنچل اڑے تو پھول ہواؤں سے ڈر گئے

آہوں کو اعتبار سماعت سمجھ لیا
نغموں کی بےقرار صداؤں سے ڈر گئے

تشنہ لبی نے ساغر و مینا کو ڈس لیا
زلفوں کی مست مست گھٹاؤں سے ڈر گئے

 

[نظام الدین]

میں نے اپنوں کے رویوں سے یہ محسوس کیا
دل کے آنگن میں بھی دیوار اٹھادی جائے
(محسن نقوی)

 

[عندلیب]

مجھے بھی لمحہء ہجرت نے کردیا تقسیم
نگاہ گھر کی طرف ہے،قدم سفر کی طرف

 

[عندلیب]

کہتا تھا جو کہ ساتھ جئیں گے مریں گے ہم
میں مر گیا تو مجھ سے بڑا ڈر لگا اسے

 

[فاروق احمد بھٹی]

کی میرے قتل کے بعد اس نے جفا سے توبہ
ہائے اس زود پشیماں کا پشیماں ہونا

 

[عندلیب]

آنکھ میں ڈوب کے گہرائی میں دل کی پہنچو
یہ جزیرہ ہی سمندر کا پتہ دیتا ہے