آپ کے پسندیدہ اشعار!

[نظام الدین]

تری تلاش میں جب سے ہوئے ہیں سرگرداں
خود اپنے آپ میں گم ہوگئے ہیں بھنور کی طرح

 

[ادب دوست]

کتنی آسانی سے تم نے کہہ دیا
زخم کھا کر مسکرانہ چاہیے
(فیاض علی فیاض)

 

[ادب دوست]

ایک اہلِ درد نے سنسان جو دیکھا قفس
یوں کہا آتی نہیں اب کیوں صدائے عندلیب؟

 

[عندلیب]

سنبھل سنبھل کے بڑھو روشنی کے دیوانو
تہہ چراغ اندھیرا تمہاری گھات میں ہے

 

[ادب دوست]

قفس میں مجھ سے رودادِ چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو

 

[عندلیب]

بس اتنی سی روداد ہے آدمی کی
کبھی رہنمائی کبھی رہزنی کی
ہے انساں کے سر میں دھماکوں کا سودا
خرد تو فنا ہوچکی ہے کبھی کی

 

[ادب دوست]

اِدھر سے بھی سوا ہے کچھ اُدھر کی مجبوری
کہ ہم نے آہ تو کی، ان سے آہ بھی نہ ہوئی۔

 

[عندلیب]

چپ چاپ بس اک روز جدا ہوگئے ہم بھی
اور اس کے علاوہ کوئی چارہ بھی نہیں تھا

 

[ادب دوست]

اقرار میں کہاں ہے انکار کی سی خُوبی
ہوتا ہے شوق غالب، اُس کی نہیں نہیں پر

 

[فاروق احمد بھٹی]

وہ مزا دیا تڑپ نے کہ یہ آرزو ہے یارب
مرے دونوں پہلوؤں میں دل بیقرار ہوتا
امیر مینائی

 

[ادب دوست]

جو تمہاری طرح تم سے کوئی جھوٹے وعدے کرتا
تمہیں منصفی سے کہہ دو، تمہیں اعتبار ہوتا

 

[عندلیب]

بن گیا بت جسے چاہا ہم نے
عشق مٹی میں ملا آخر کار

 

[فاروق احمد بھٹی]

یہ مزہ تھا دل لگی کا، کہ برابر آگ لگتی
نہ تمھیں قرار ہوتا، نہ ہمیں قرار ہوتا
داغ

 

[فاروق احمد بھٹی]

شبِ وصل جھٹ سے گزری شبِ غم مگر نہ گزرے
وہاں طول گر جو ہوتا یہاں اختصار ہوتا !
فاروق احمد بھٹی

 

[عندلیب]

شک بھری آنکھوں میں اپنی وہ ہمیں تولتا ہے
اپنے دل کا تو کوئی بھید نہیں کھولتا ہے

 

[ادب دوست]

نگاہِ ناز کے ناوک جگر کے پار جاتے ہیں
نہ کوئی زخم لگتا ہے نہ خالی وار جاتے ہیں

 

[فاروق احمد بھٹی]

گو نہ سمجھوں اس کی باتیں، گونہ پاؤں اس کا بھید
پر یہ کیا کم ہے ؟ کہ مجھ سے وہ پری پیکر کھلا

 

[عندلیب]

ہر غم پہ نکل آتے ہیں آنسو لیکن
اچھا نہیں ہر غم پہ بہت سا رونا

 

[عندلیب]

مطمئن ایسے ہیں اس سے مل کر
جیسے دنیا میں خدا کچھ نہ ہوا

 

[ادب دوست]

نہ ستائش کی تمنّا نہ صلے کی پروا
گر نہیں ہیں مرے اشعار میں معنی نہ سہی