آپ کے پسندیدہ اشعار!

[عندلیب]

تم سلسلہء غم کو مرے سہل نہ جانو
منسوب کئی درد کے رشتے ہیں مرے ساتھ

 

[ادب دوست]

آگئی ہے ترے بیمار کے منہ پر رونق
روح کیا جسم سے نکلی کوئی ارماں نکلا

 

[عندلیب]

تیز لہجہ رلا گیا ہے مگر
مصلحت تھی کہ چپ رہی آواز

 

[ادب دوست]

بزدلی کا نام رکھ دیں مصلحت
جیسے چالاکی ذہانت ہو گئی
(فیاض علی فیاض)

 

[عندلیب]

ہند کے شاعر و صورت گر و فسانہ نویس
آہ بیچاروں کے اعصاب پہ عورت ہے سوار

 

[ادب دوست]

کیا عشق نے سمجھا ہے کیا حسن نے جانا ہے
ہم خاک نشینوں کی ٹھوکر میں زمانہ ہے

 

[عندلیب]

زندگی گزرے محبت کے بغیر
اس سے بڑھ کر تو غضب کوئی نہیں

 

[عندلیب]

کیا ستم ہے کہ اب تری صورت
غور کرنے پہ یاد آتی ہے

 

[عندلیب]

یہ مجھے چین کیوں نہیں پڑتا
ایک ہی شخص تھا جہان میں کیا

 

[عندلیب]

زندگی کس طرح بسر ہوگی
دل نہیں لگ رہا محبت میں

 

[عندلیب]

شاید مجھے کسی محبت نہیں ہوئی
لیکن یقین سب کو دلاتا رہا ہوں میں

 

[عندلیب]

مر مٹا ہوں خیال پر اپنے
وجد آتا ہے حال پر اپنے

 

[ادب دوست]

کچھ تو اندازه ہو تیرے ظرف کا
اے سکوتِ جاں ذرا کچھ بات کر

 

[عندلیب]

کس سے اظہار مدعا کیجیے
آپ ملتے نہیں ہیں کیا کیجیے

 

[عندلیب]

اس قحط دوستی میں مجھ سے کوئی کیا ملے
خود اپنے آپ کو بھی میسر نہیں ہوں میں

 

[نظام الدین]

یہ رکے رکے سے آنسو، یہ دبی دبی سی آہیں
یونہی کب تلک خدایا، غمِ زندگی نبھائیں
(مجروح سلطان پوری)​

 

[ادب دوست]

میں لمحہِ موجود سے باہر نکل آیا
اب گردشِ دوراں تجھے ٹھوکر میں رکھوں گا

 

[عندلیب]

اس کی گلی میں داد وفا ڈھونڈ رہا ہوں
ناداں ہوں پتھر میں خدا ڈھونڈ رہا ہوں

 

[نظام الدین]

غم کے سنجوگ اچھے لگتے ہیں
مستقل روگ اچھے لگتے ہیں
کوئی وعدۂ وفا نہ کر، کہ مجھے
بے وفا لوگ اچھے لگتے ہیں
(محسن نقوی)​

 

[عندلیب]

خدارا خواب غفلت چھوڑ کر بیدار ہوجاؤ
کہ اب تو دھوپ آنگن میں اتر آئی ہے زینوں سے