آپ کے پسندیدہ اشعار!

[نظام الدین]

میں ہوں بھی، اور نہیں بھی، عجیب بات ہے
یہ کیسا جبر ہے، میں کس کے اختیار میں ہوں؟
(منیر نیازی)

 

[عندلیب]

بھلا یہ شہر صداقت کے لوگ کیسے ہیں
انھیں تو سچ بھی بتانا عجیب لگتا ہے

 

[عندلیب]

آنسو کی اک بوند بھی باقی نہیں تو کیا
رونے کا یہ کمال تو نوحہ گروں میں ہے

 

[عندلیب]

عمارتیں نئی اونچائیوں کو چھوتی ہیں
مگر مکینوں کے قد ہیں کہ گھٹتے جاتے ہیں

 

[عندلیب]

ذرا قریب سے دیکھو تو جان جاؤ گے
وہ دور سے تو بڑا معتبر نظر آئے

 

[عندلیب]

عجیب شہر کا منظر میری نظر میں ہے
جسے بھی دیکھیے بس حالت سفر میں ہے

 

[طارق شاہ]

جو لاگ، بیر کسی سے بھی کُچھ نہیں رکھتے
وہی تو دہر میں سب سے نِروگ ہوتے ہیں

شفیق خلش

 

[عندلیب]

خلش زمانے سے شکوہ کروں بھی کیا، جس نے
مرے دبے ہوئے لہجے میں ہچکیاں رکھ دیں

 

[عندلیب]

قلم چلے تو اصولوں کا احترام ہوا
پھر ایسی جنگ چھڑی، سب کا قتل عام ہوا

 

[عندلیب]

دونوں انا کی ضد میں برابر کے ہیں شریک
کچھ بدگماں سے آپ ہیں ، کچھ بدگماں سے ہم

 

[عندلیب]

چلے تھے اعتماد آسائشوں کی آرزو لے کر
نہ جانے کون سا صحرا مقدر بن گیا اپنا

 

[طارق شاہ]

نہ دِل میں رکھتے ہیں سنجوگ کا خلِش جوخیال
ہرایک بستی میں، ایسے بھی لوگ ہوتے ہیں

شفیق خلش

 

[عندلیب]

بام پر اڑ کے جا نہیں سکتے
اور ٹوٹے ہوئے ہیں زینے بھی

 

[چوہدری لیاقت علی]

جانے کتنے سورجوں کا فیض حاصل ہے اسے
اس مکمل روشنی سے جو ملا روشن ہوا
عزیز نبیل

 

[عندلیب]

سب کھلونوں کی طرح ٹوٹ رہے ہیں پل پل
اور یہ منظر مجھے ڈستا ہوا آئینے میں

 

[ادب دوست]

میں بچ کے گردشِ گرداب سے گزر بھی گیا
بہت چڑھا تھا یہ دریا مگر اُتر بھی گیا

 

[ادب دوست]

میں آبِ خنجرِ قاتل پہ چل بھی سکتا ہوں
میں قتل گاہ کا منظر بدل بھی سکتا ہوں
(عدیل احمد عدیل)

 

[عندلیب]

کتنی ماؤں کے کلیجوں کو عطا کی شبنم
کتنی بہنوں کی جبینوں کر ردا دی میں نے

 

[ادب دوست]

بے دماغی بے قراری بے کسی بے طاقتی
کیا جیئے وہ جس کے جی کو روگ یہ اکثر لگے
میرؔ

 

[ادب دوست]

آئینہ توڑ تو دیا تو نے
یہ بتا کس کا اعتبار گیا
(خیام قادری)