آپ کے پسندیدہ اشعار!

[عندلیب]

کسی کا حال دنیا میں کبھی یکساں نہیں رہتا!
زمانے میں تغیر ہی تغیر کی حکومت ہے

 

[ادب دوست]

عاشقی صبر طلب اور تمنا بے تاب
کون جیتا ہے تری زلف کے سر ہونے تک

 

[اوشو]

ان کی امیدِ ناز کا ہم سے یہ مان تھا کہ آپ
عمر گزار دیجیے ، عمر گزار دی گئی
جون ایلیا

 

[اوشو]

ہے جنابِ شیخ کا فلسفہ بھی عجیب سارے جہان سے
جو وہاں پیو تو حلال ہے ، جو یہاں پیو تو حرام ہے

 

[عندلیب]

حسرتوں سے دل کا دامن بھر چلے
ہائے اس دنیا میں ہم کیا کر چلے

 

[عندلیب]

بیٹھے بٹھلائے رو دئیے اختر
دھیان اس وقت آگیا کس کا

 

[ادب دوست]

میں شکوہ بلب تھا مجھے یہ بھی نہ رہا یاد
شائد کہ میرے بھولنے والے نے کیا یاد

 

[نظام الدین]

تم اپنے دل میں کبھی جھانک کیوں نہیں لیتے

یہیں کہیں مرا چہرہ دکھائی دے گا تمہیں

(فاخرہ بتول)

 

[عندلیب]

روئیے تو ہو نہ اپنے حال کا پرساں کوئی
اور اگر فریاد کیجیے ہم زباں کوئی نہ ہو

 

[ادب دوست]

نوع بشر میں تھے نہاں آتش و باد و آب و خاک
عشق نے کر دیئے عیاں آتش و باد و آب و خاک
انشا اللہ خان انشا

 

[عندلیب]

مرا شور سن کے جو لوگوں نے ، کیا پوچھنا ہے تو کہے ہے کیا
جسے میر کہتے ہیں صاحبو ، یہ وہی تو خانہ خراب ہے

 

[ادب دوست]

تو مجھے بھول گیا ہو تو پتا بتلا دوں
کبھی فتراک میں تیرے کوئی نخچیر بھی تھا

 

[عندلیب]

جو اپنے پاس تھا اوروں میں کردیا تقسیم
ہمیں پتہ نہیں گٹھری میں کچھ بچا بھی ہے

 

[طارق شاہ]

داورِ حشر کا اِنصاف اِشارے اُن کے
بس یہی ہے کسی بندے کا خُدا ہوجانا

حفیظ جالندھری

 

[عندلیب]

بچی ہے آخری صورت دعا کی
دوا سے زخم گہرا ہو رہا ہے

 

[ادب دوست]

ہوا ہے حال یہ بارش کی مہربانی سے
زمیں کے زخم ہرے ہو گئے ہیں پانی سے
(اعجاز رحمانی)

 

[عندلیب]

وہ کیسے جان پاتے جو عادی ہیں چھاؤں کے
کیوں مطمئن ہیں دھوپ کے اس سائیباں سے ہم

 

[ادب دوست]

ہجوم اک ساتھ چلنے کو ہمارے ساتھ تھا پہلے
مگر ہر ایک نے صحرا میں شرطِ سائباں رکھ دی

 

[عندلیب]

یہ کیسی دھوپ کی بستی ہے بھاگئی ہے مجھے
پگھل پگھل کے بھی رہتا ہوں موم کے گھر میں

 

[ادب دوست]

گر دیانت کا یہ عالم ہے تو کل کا تاجر
برف کے باٹ لیے دھوپ میں بیٹھا ہوگا