آپ کے پسندیدہ اشعار!

[عندلیب]

مجھے پتا ہے کہ ہوں برف کی زمیں پر میں
جلائے رکھتا ہوں اک آگ اپنے اندر میں

 

[ادب دوست]

آتشِ دوزخ میں یہ گرمی کہاں؟
سوزِ غم ہائے نہانی اور ہے

 

[عندلیب]

جنوں کے ساتھ بھی ہے ہوشمندی
یہ اپنے طرز کی دیوانگی ہے

 

[ادب دوست]

بات سادہ ہی سہی، لیکن حکیمانہ بھی ہے
یعنی ہر انساں بقدرِ ہوش دیوانہ بھی ہے

 

[نظام الدین]

شکریہ! اے قبر تک پہنچانے والو شکریہ

اب اکیلے ہی چلے جائیں گے اس منزل سے ہم

(استاد قمر جلالوی)

 

[ادب دوست]

ممکن نہیں تعینِ منزل پہ اتفاق
تم آسماں سے دیکھ رہے ہو زمیں سے ہم

 

[عندلیب]

ڈھونڈ لیتا ہے راہ کہرے میں
جس کو جتنا سجھائی دیتا ہے

 

[محمد وقاص یگانه]

اب کنج لحد میں ہوں میسر نہیں آنسو

آیا ہے شب ہجر کا رونا مرے آگے
‏(منور بدایونی)

 

[عندلیب]

اس کی بدلی ہوئی نظر توبہ!
یوں بدلتا ہے رخ زمانے کا

 

[نظام الدین]

ان آبلوں سے پاؤں کے گھبرا گیا تھا میں
جی خوش ہوا ہے راہ کو پرخار دیکھ کر
(مرزا غالب)

 

[طارق شاہ]

سبھی کو سہل نِگّاری ہُنر لگنے لگی ہے
سَروں پر اب غُبارِ راہگزر شاید نہ آئے

اِفتخار عارِف
۔۔۔۔۔۔۔۔۔۔۔۔۔۔۔۔۔۔۔۔۔

 

[طارق شاہ]

ہجرت کہاں سے لاتی کُچھ آسودگی خلش
غم، فاصلوں نے کم کبھی ہونے نہیں دِیا

شفیق خلِش

 

[نظام الدین]

آنسو کو کبھی اوس کا قطرہ نہ سمجھنا
ایسا تمہیں چاہت کا سمندر نہ ملے گا
(بشیر بدر)

​

 

[طارق شاہ]

ہجرتوں سے بھی کہیں پایا نہ ہو جس نے سُکوں
کیا علاجِ غم خلِش ہو اُس دلِ ناشاد کا

شفیق خلش

 

[نظام الدین]

سفر سے آکر خبر ہوئی ہے کہ میرا دامن تہی نہیں ہے
سمیٹ لایا ہوں راستوں سے میں خار کتنے، گلاب کتنے
(احسان اللہ ثاقب)

 

[طارق شاہ]

میری ہمزاد ہے تنہائی مِری
ایسے رشتے بھی کہاں تھے پہلے

کشور ناہید

 

[اوشو]

ہ چاہتا تو میری خاک ہی اڑا دیتا
یہ کوزہ گر کی عنایت! بنا کے مارے گا

 

[طارق شاہ]

اب ہمیں سارے یاد بھی تو نہیں !
سِلسِلے دِل کے کب کہاں سے رہے

شفیق خلش

 

[اکمل زیدی]

پھول کی پتیّ سے کٹ سکتا ہے ہیرے کا جگر
کلامِ نرم و نازک مردِ ناداں پہ بے اثر

 

[عندلیب]

ہم نے دنیا ہی الگ اپنی بنا رکھی تھی
ہم خلش جانچنے والوں کی کی نظر میں کب تک