آپ کے پسندیدہ اشعار!

[محمد اطھر طاھر]

ﺍﺗﻨﺎ ﺗﻮ ﺩﻭﺳﺘﯽ ﮐﺎ ﺻﻠﮧ ﺩﯾﺠﺌﮯ ﻣﺠﮭﮯ
ﺍﭘﻨﺎ ﺳﻤﺠﮫ ﮐﮯ ﺯﮨﺮ ﭘﻼ ﺩﯾﺠﺌﮯ ﻣﺠﮭﮯ
ﺍﭨﮭﮯ ﻧﮧ ﺗﺎ ﮐﮧ ﺁﭖ ﮐﯽ ﺟﺎﻧﺐ ﻧﻈﺮ ﮐﻮﺋﯽ
ﺟﺘﻨﯽ ﺑﮭﯽ ﺗﮩﻤﺘﯿﮟ ﮨﯿﮟ ﻟﮕﺎ ﺩﯾﺠﺌﮯ ﻣﺠﮭﮯ
ﮐﯿﻮﮞ ﺁﭖ ﮐﯽ ﺧﻮﺷﯽ ﮐﻮ ﻣﺮﺍ ﻏﻢ ﮐﺮﮮ ﺍﺩﺍﺱ
ﺍﮎ ﺗﻠﺦ ﺣﺎﺩﺛﮧ ﮨﻮﮞ ﺑﮭﻼ ﺩﯾﺠﺌﮯ ﻣﺠﮭﮯ
ﺻﺪﻕ ﻭ ﺻﻔﺎ ﻧﮯ ﻣﺠﮫ ﮐﻮ ﮐﯿﺎ ﮨﮯ ﺑﮩﺖ ﺧﺮﺍﺏ
ﻣﮑﺮ ﻭ ﺭﯾﺎ ﺿﺮﻭﺭ ﺳﮑﮭﺎ ﺩﯾﺠﺌﮯ ﻣﺠﮭﮯ

 

[محمد اطھر طاھر]

ﺗﺤﺮﯾﺮ ﺧﻮﻥ ﮐﯽ ﮨﮯ ﺗﻮ ﺟﻤﻠﮯ ﮐﻤﺎﻝ ﮐﮯ،
ﮐﺎﻏﺬ ﭘﺮ ﺭﮐﮫ ﺩﯾﺎ ﮨﮯ ﮐﻠﯿﺠﮧ ﻧﮑﺎﻝ ﮐﮯ
ﺍﺱ ﮐﺎ ﺧﻮﻑ ﺩﻝ ﺳﮯ ﻧﮧ ﺟﺎﺋﮯ ﮔﺎ ﮐﺒﮭﯽ
ﮐﯿﻮﮞ ﺁﺳﺘﯿﮟ ﻣﯿﮟ ﺭﮐﮭﺎ ﮨﮯ ﺳﺎﻧﭙﻮﮞ ﮐﻮ ﭘﺎﻝ ﮐﮯ۔۔
ﭘﺘﮭﺮ ﮔﺮ ﮨﻤﺎﺭﺍ ﺩﻝ ﮨﮯ ﺗﻮ ﺍﻟﺰﺍﻡ ﮨﯽ ﺳﮩﯽ،
ﻧﺎﺯﮎ ﺗﻤﮩﺎﺭﺍ ﺩﻝ ﮨﮯ ﺗﻮ ﺭﮐﮭﯿﮯ ﺳﻨﺒﮭﺎﻝ ﮐﮯ۔۔
ﮐﻮﺋﯽ ﮨﻢ ﺟﯿﺴﺎ ﻻﭼﺎﺭ ﻣﻠﮯ ﮔﺎ ﻧﮩﯿﮟ ﺗﻤﮩﯿﮟ،
ﺩﯾﻨﺎ ﮨﮯ ﺩﻝ ﺗﻮ ﺩﯾﺠﯿﮯ ﻣﮕﺮ ﺩﯾﮑﮫ ﺑﮭﺎﻝ ﮐﮯ۔۔
اطہر طاھر

 

[نظام الدین]

درد کا کہنا چیخ اٹھو‘ دل کا تقاضہ وضع نبھاؤ
سب کچھ سہنا‘ چُپ چُپ رہنا کام ہے عزت داروں کا
(ابن انشا)

​

 

[طارق شاہ]

کہا ہے دِل کی تسلّی کو بارہا خود سے!
ہم اُن کو بُھول چُکے ہیں، مگرکہاں بالکل

شفیق خلش

 

[طارق شاہ]

جَھلک نہ دُور سے کوئی، نہ روشنی کا سُراغ
سِرا سُرنگ کا، آنکھوں سے ہے نہاں بالکل

شفیق خلش

 

[نظام الدین]

مرے دل کو شوق فغاں نہیں، مرے لب تک آتی دعا نہیں

وہ دہن ہوں جس میں زباں نہیں، وہ جرس ہوں جس میں صدا نہیں

(آتش)

 

[فرقان احمد]

پوچھتے ہیں کہ کیا ہُوا دل کو
حُسن والوں کی سادگی نہ گئی

 

[نظام الدین]

سر جھکاؤ گے تو پتھر دیوتا ہوجائے گا

اتنا مت چاہو اسے وہ بے وفا ہوجائے گا

کتنی سچائی سے مجھ سے زندگی نے کہہ دیا

تو نہیں میرا تو کوئی دوسرا ہوجائے گا

(بشیر بدر)​

 

[طارق شاہ]

اِک تمنّا، کہ سَحر سے کہیں کھو جاتی ہے
شب کو، آکر مِری آغوش میں سو جاتی ہے

شان الحق حقّی

 

[طارق شاہ]

یہ نِگاہوں کے اندھیرے نہیں چَھٹنے پاتے
صُبح کا ذکر نہیں، صُبح تو ہو جاتی ہے

شان الحق حقّی

 

[طارق شاہ]

دِل کی توفِیق سے مِلتا ہے سُراغِ منزِل
آنکھ تو صِرف تماشوں ہی میں کھو جاتی ہے

شان الحق حقّی

 

[طارق شاہ]

فسانۂ شبِ فُرقت میں، برسبیلِ کلام !
فریب دے کے نِگارِ سَحر کا نام تو لو

سیدعابدعلی عابد

 

[فرقان احمد]

آنکھوں سے خواب، دل سے تمنا تمام شد
تم کیا گئے ۔۔۔۔۔۔ کہ شوقِ نظارا تمام شد

شہرِ دل تباہ میں پہنچوں تو کچھ کھُلے!!!
کیا بچ گیا ہے راکھ میں، اور کیا تمام شد

 

[میاں محمد عمر حیدر صابری]

بندگی نے ہزار رخ بدلے
جو خدا تھا وہی خدا ہے ہنوز
‏(‏سیماب اکبر آبادی)

 

[فرقان احمد]

شعلہ تھا، جل بجھا ہوں، ہوائیں مجھے نہ دو
میں کب کا جا چکا ہوں، صدائیں مجھے نہ دو

 

[ادب دوست]

ایک اہلِ درد نے سنسان جو دیکھا قفس
یوں کہا آتی نہیں اب کیوں صدائے عندلیب
بال و پر دو چار دکھلا کر کہا صیّاد نے
یہ نشانی رہ گئی ہے اب بجائے عندلیب

 

[عندلیب]

ایسے عالم میں ہوں دنیا کا نہیں ہوش مجھے
کر رہا ہے یہ اثر بے خود و خاموش مجھے

 

[میاں محمد عمر حیدر صابری]

آ عندلیب مل کر کریں آہ و زاریاں
تو ہائے گل پکار میں چلاؤں ہائے دل

 

[ادب دوست]

ہے بہاراں میں، خزاں حاصل، خیالِ عندلیب
رنگِ گل ، آتش کدہ ہے ، زیر بالِ عندلیب

 

[میاں محمد عمر حیدر صابری]

اجڑ گیا ہے چمن لوگ دلفگار چلے
کوئی صبا سے کہو اب نہ بار بار چلے