آپ کے پسندیدہ اشعار!

[طارق شاہ]

ہوگا غلط ، اگر یہ کہیں کارِعشق میں
عقل و ہُنر نے دل کی حمایت کبھی نہ کی

بھرتا ہُوں دَم میں اب بھی اُسی دلنواز کا
ترسیلِ غم میں جس نے کفایت کبھی نہ کی

شفیق خلش

 

[طارق شاہ]

اِس جُرمِ عاشقی میں برابر کے ہو شریک
تم بھی خلش، کہ دل کو ہدایت کبھی نہ کی

شفیق خلش

 

[طارق شاہ]

مِل ہی جائے گا کبھی دِل کو یقیں رہتا ہے ​

وہ اِسی شہر کی گلیوں میں کہیں رہتا ہے ​

​

جس کی سانسوں سے مہکتے تھے در و بام تِرے ​

اے مکاں بول کہاں اب وہ مکیں رہتا ہے ​

​

احمد مشتاق​

​

 

[طارق شاہ]

دِل فُسردہ تو ہُوا دیکھ کے اُس کو لیکن ​

عمر بھر کون جواں، کون حسِیں رہتا ہے​

​

احمد مشتاق​

 

[طارق شاہ]

اُداسیوں کا سبب کیا کہیں بجُز اِس کے
کہ زندگی ہے پریشانیاں تو ہوتی ہیں

فرازؔ بُھول چکا ہے تِرے فراق کے دُکھ
کہ شاعروں میں تن آسانیاں تو ہوتی ہیں

احمد فراز

 

[اوشو]

وفا کیسی، کہاں کا عشق، جب سر پھوڑنا ٹھہرا!
تو پھر اے سنگ دل تیرا ہی سنگِ آستاں کیو ں ہو؟
غالب

 

[طارق شاہ]

بُرا نہ مان اگر یار کچُھ بُرا کہہ دے !
دِلوں کے کھیل میں خود داریاں نہیں چلتیں

کیف بھوپالی

 

[طارق شاہ]

جنابِ کیف! یہ دِلّی ہے میر و غالب کی
یہاں کسی کی طرف داریاں نہیں چلتیں

کیف بھوپالی

 

[طارق شاہ]

فرصت مِلے تو آ مِرے خلوت کدے میں سُن
دیوان میں کہاں جو سخن چیدہ چیدہ ہیں

ہم اہلِ دل سے اہلِ جہاں کے تعلّقات
ہیں تو سہی فراز، مگرخط کشیدہ ہیں

احمد فراز

 

[طارق شاہ]

اب نظر خاک اُٹھے، عزمِ نظر کے ہمراہ
دِل دھڑکتا ہے کہ وہ شوخ اِدھر دیکھ نہ لے

جگرمُراد آبادی

 

[طارق شاہ]

یہ ہرایک سمت مُسافتوں میں گنُدھی پڑی ہیں جو ساعتیں!​

تِری زندگی، مِری زندگی، اِنهی موسموں کی شمیم ہے​

​

کہِیں محْملوں کا غبار اُڑے، کہیں منزلوں کے دِیے جلیں​

خَمِ آسماں، رہِ کارواں ! نہ مُقام ہے، نہ مقیم ہے ​

​

مجید امجد​

 

[طارق شاہ]

رہا جو جوش تو رِندی ومیکشی کیا ہے
ذرا خبر جو ہوئی، پھر وہ آگہی کیا ہے

کِسی طرح تو دلِ زار کو قرار آئے
جو غم دیا ہے، تو سعئ دلدہی کیا ہے

اصغر گونڈوی

 

[طارق شاہ]

سب اپنے عذابوں میں، سب اپنے حِسابوں میں
دُنیا یہ، قیامت کی تصوِیر نظر آئی

عبیدالله علیم

 

[طارق شاہ]

اک طبْع رنگ رنگ تھی، سو نذرِ گلُ ہوئی​

اب یہ کہ، اپنے ساتھ بھی رہتا نہیں ہُوں میں​

​

عبیداللہ علیم​

 

[طارق شاہ]

کوئی عزیز نہیں، ما سِوائے ذات ہمیں​

اگرہُوا ہے تو یوں جیسے زندگانی ہوئی ​

میں اُس کو بُھول گیا ہُوں، وہ مجھ کو بُھول گیا ​

تو پھریہ، دل پہ کیوں دستک سی ناگہانی ہوئی​

​

عبیداللہعلیم ​

 

[طارق شاہ]

سجدہ ریزی پائے ساقی پر کبھی ہم نے نہ کی ​

اپنے اشکوں سے علاجِ تشنگی کرتے رہے​

​

اپنے ہاتھوں آرزوؤں کا گلا گھونٹا کئے​

زندہ رہنے کے لئے ہم خودکُشی کرتے رہے ​

​

پروفیسراقبال عظیم​

 

[طارق شاہ]

تاکیدِ ضبط ، عہدِ وفا، اذنِ زندگی ​

کتنے پیام اک نگہہ مُختصر میں ہیں​

​

پروفیسراقبال عظیم​

​

 

[طارق شاہ]

​

یہ نگاہِ شرم جُھکی جُھکی، یہ جبینِ ناز دُھواں دُھواں ​

مِرے بس کی اب نہیں داستاں، مِرا کانپتا ہے رُواں رُواں​

​

یہ تخیّلات کی زندگی، یہ تصوّرات کی بندگی ​

فقط اِک فریبِ خیال پر، مِری زندگی ہے رواں دواں​

​

اقبال عظیم​

 

[طارق شاہ]

جان دیتے دیر کیا لگتی ہے تیری راہ میں
دل سلامت ہے تو، یہ بھی امتحاں ہوجائے گا

دیکھ لو حُسنِ یگانہ دُور سے بیگانہ وار
پاس جاؤگے تو پردہ درمیاں ہوجائے گا

یاس یگانہ چنگیزی

 

[طارق شاہ]

کوئی تو کام ہو ایسا، کہ زندگی ہو حَسِیں ​

نہیں جو پیارمقدّر، توجُستجو ہی سہی​

​

یہی خیال لئے، ہم چمن میں جاتے ہیں​

وہ گُل مِلے ںہ مِلے اُس کے رنگ و بُو ہی سہی​

​

شفیق خلش​

​