آپ کے پسندیدہ اشعار!

[طارق شاہ]

ہم اُس کےطرزِعمل سے ہوئے نہ یُوں عاجز ​

کہ جان جاں تو ہے اپنا، وہ تُند خُو ہی سہی​

​

خلِش یہ دل نہ ہو مائل کسی بھی مہوش پر ​

مشابہت میں ہواُس کی وہ ہُوبَہُو ہی سہی​

​

شفیق خلش ​

 

[طارق شاہ]

چراغِ دل تو ہو روشن، رسد لہو ہی سہی ​

' نہیں وصال میسّر تو آرزو ہی سہی '​

​

شفیق خلش ​

​

 

[طارق شاہ]

پڑی تھیں عنْبریں زُلفیں کِسی کے شانے پر!
کِسی کی زُلف میں ہاتھوں کا اپنے شانا تھا

گھُلِی ہوئی تھیں صداؤں میں کچھ مدُھر تانیں
ہنْسی کے لحْن میں پایل کا چھنچھنانا تھا

ہم اہلِ ہوش کی انجُم جو لے اُڑا نیندیں!
کسی حَسِین کا غفلت میں کسمسانا تھا

حُسین انجُم

 

[طارق شاہ]

یونہی حیراں پریشاں روز صبح و شام کرتے ہیں
جنونِ عِشق کے مارے کہیں آرام کرتے ہیں

ہجومِ آرزُو، شوقِ فراواں، دردِ بیتابی
وہ جس پہ چاہتے ہیں اُس پہ یوں اکرام کرتے ہیں

جگرمُراد آبادی

 

[طارق شاہ]

اِک جگہ بیٹھ کے پی لوُں، مِرا دستوُر نہیں
میکدہ تنگ بنا دُوں، مُجھے منظوُر نہیں

قیدِ آدابِ محبّت مُجھے منظوُر نہیں
عِشق دستوُر ہے خود، عِشق کا دستوُر نہیں

برقِ غیرت مِری ہستی کو جَلادے، تسلیم!
چُھپ کے پردہ میں رہے حُسن، یہ منظوُر نہیں

کیا انالحق کا ترانہ کہ اب اِس دُنیا میں
رسن و دار رہیں شِبلی و منصُور نہیں

جگرمُراد آبادی

 

[طارق شاہ]

تمنّاؤں اور حسرتوں میں رواں ہے ​

یہ عمرِ دو روزہ بھی اِک کارواں ہے​

کوکب آفندی​

 

[طارق شاہ]

ترکِ مُدّعا کردے، عینِ مُدّعا ہوجا
شانِ عبد پیدا کر، مظہرِ خُدا ہوجا

اُس کی راہ میں مِٹ کر بے نیازِ خلقت بَن
حُسن پر فِدا ہوکر حُسن کی ادا ہوجا

اصغرگونڈوی

 

[طارق شاہ]

برگِ گُل کے دامن پر رنگ بن کر جمنا کیا
اِس فضائے گُلشن میں موجۂ صبا ہوجا

تُو ہے جب پیام اُس کا پھر پیام کیا تیرا
تُو ہے جب صدا اُس کی، آپ بے صدا ہوجا

اصغرگونڈوی

 

[طارق شاہ]

نہ کوئی نام ہے میرا، نہ کوئی صُورت ہے
کچھ اِس طرح ہمہ تن دِید ہوگیا ہُوں میں

تِرا جمال ہے، تیرا خیال ہے، تُو ہے!
مجھے یہ فرصتِ کاوش کہاں کہ، کیا ہُوں میں

اصغرگونڈوی

 

[طارق شاہ]

ہزار خوف ہو، لیکن زباں ہو دل کی رفِیق
یہی رہا ہے ازل سے قلندروں کا طرِیق

علامہ محمد اقبال

 

[طارق شاہ]

اگر ہو، عِشق تو ہے کفُر بھی مُسلمانی
نہ ہو، تو مردِ مُسلماں بھی کافر و زندِیق

علامہ محمد اقبال

 

[طارق شاہ]

خودی کی شوخی و تندی ميں کبر و ناز نہيں
جو ناز ہو بھی، تو بے لذّتِ نياز نہيں

نِگاہِ عِشق دلِ زندہ کی تلاش ميں ہے
شِکارِ مُردہ سزاوارِ شاہباز نہيں

علامہ محمد اقبال

 

[طارق شاہ]

ہُوئی نہ عام جہاں ميں کبھی حکومتِ عِشق
سبب يہ ہے کہ محبّت زمانہ ساز نہيں

اِک اِضطراب مُسلسل غياب ہو، کہ حضُور
ميں خود کہوں تو مِری داستاں دِراز نہيں

علامہ محمد اقبال

 

[طارق شاہ]

خواب ہی خواب کب تلک دیکھوں !
کاش تُجھ کو بھی، اِک جَھلک دیکھوں

عبیداللہ علیم

 

[طارق شاہ]

میں اُس کا لمحۂ موجُود ہُوں، مگروہ شخص
فضُول وقت سمجھ کر گزُارتا ہے مجھے

عباس تابش

 

[طارق شاہ]

تا دیر آسمان و زمیں گوُنجتے رہے​

پا زیب اِس لٹک سے بَجا کر چَلی گئی​

دانِش کدے کی مشعَلِ عالم فروز کو​

اِک لرزِشِ نَظر سے بُجھا کر چلی گئی​

​

جوش ملیح آبادی​

 

[طارق شاہ]

دُنیا میں قتِیل اُس سا مُنافِق نہیں کوئی
جو درد تو سہتا ہے بغاوت نہیں کرتا

قتیل شفائی

 

[طارق شاہ]

ہے دُعا بات خُدا تیری بنائے رکھّے
دل میں ساجن کے تِرے، تُجھ کو بسائے رکھّے

قرۃالعین، ہو شادی یوں مبارک بہنا !
رب تِری زیست کو پُھولوں سے سجائے رکھّے

راقم

 

[طارق شاہ]

رشتے باہم بڑھتے ہیں، کم چلنے والی گلیوں میں
شہر میں جتنی بِھیڑ بھروگے اُتنی ہی تنہائی ہوگی

ضمیر جعفری

 

[طارق شاہ]

بادشاہوں کو کہیں، بے شک نظر آیا نہیں
کونسے رستے میں درویشوں کا گھر آیا نہیں

ضمیر جعفری