آپ کے پسندیدہ اشعار!

[نظام الدین]

کوئی پل خوشی کا نہیں زندگی میں

اداسی ہے اتنی کہ گھبرا گئی ہوں

محبت کے موتی تجھ ہی کو مبارک

لئے خالی کاسہ میں گھر آگئی ہوں

(شگفتہ شفیق)​

 

[طارق شاہ]

وہ تو جاں لے کے بھی ویسا ہی سُبک نام رہا
عشق کے باب میں سب جُرم ہمارے نِکلے

پروین شاکر

 

[طارق شاہ]

دُھوپ کی رُت میں کوئی چھاؤں اُگاتا کیسے
شاخ پُھوٹی تھی کہ ہمسایوں میں آرے نکلے

پروین شاکر

 

[نظام الدین]

سب کچھ خدا سے مانگ لیا تم کو مانگ کر
اٹھتے نہیں ہیں ہاتھ مرے اس دعا کے بعد
(آغا حشر کاشمیری)

 

[نظام الدین]

کبھی برسات میں شاداب بیلیں سوکھ جاتی ہیں
ہرے پیڑوں کے گرنے کا کوئی موسم نہیں ہوتا
بہت سے لوگ دل کو اس طرح محفوظ رکھتے ہیں
کوئی بارش ہو یہ کاغذ ذرا بھی نم نہیں ہوتا
(امجد اسلام امجد)​

 

[نور وجدان]

علیم صبا نویدی کے کلام سے انتخاب

ایک عالم میں رہا میرا وجود
سات عالم میں رہا میرا سفر

ظاہراً روشن تھے سب کے سب یہاں
اپنے باطن میں منور کون تھا

کہیں ظاہر میں وہ نہیں موجود
پھر یہ باطن میں شان کس کی ہے

لہو لہو ہوا ہے جب سے یہ آسمانی سفر
نظر میں رشتہء فکرِ سُراغ جاگا ہے

میں نہ تھا تو میرے اندر کون تھا
قطرہ قطرہ اک سمندر کون تھا

میں تو باہر ہوں ہر طرف موجود
پھر یہ اندر کا سلسلہ کیا ہے؟

جو سماں باہر ہے میرے، وہ سماں اندر نہیں
لامکاں باہر ہوں لیکن لامکاں اندر نہیں

ایک قطرے میں ہیں سمندر کے بھید
آخری حد چھو گیا پہلا سفر

وہ قطرہ جو وسعت میں تھا کائنات
سمندر کے سینے کی دھڑکن ہوا

میں اندھیرا تھا تو پس منظر میں پھر
ضو فشاں، اندر یہ منظر کون تھا

میرا رشتہ، ان مٹ رشتہ
میں ہی میں ہوں، ازل ابد میں

جسم مٹی کا ڈھیر ہے لیکن
ذات کا دائرہ منور ہے

میں نے دیکھی جو کائناتِ دل
میرے اندر بھی آسماں نکلا

زبردست ۔۔۔۔۔۔۔۔۔۔۔!
کمال کی شاعری ہے ۔

 

[فرقان احمد]

شور برپا ہے خانہء دل میں
کوئی دیوار سی گری ہے ابھی!

 

[نظام الدین]

نہ یہ غم نیا، نہ ستم نیا، کہ تری جفا کا گلہ کریں
یہ نظر تھی پہلے بھی مضطرب، یہ کسک تو دل میں کبھو کی ہے
(فیض احمد فیض)

 

[فرقان احمد]

جو ہم پہ گزری سو گزری مگر شب ہجراں
ہمارے اشک ۔۔۔ تری عاقبت سنوار چلے!!!

 

[نظام الدین]

ستم اُٹھانے کی طاقت نہیں ہے اب اُس کو
جو دل میں آوے تو ٹک رحم میر پر کریے
)میر تقی میر(

​

 

[طارق شاہ]

سکون ذہنِ پریشاں کو کیا کہیں آئے
خیال دِل کے ستانے کو کب نہیں آئے

ہم ایسے غارِمُصیبت میں بند ہیں کہ خلش
جہاں کہیں سے کوئی روشنی نہیں آئے

شفیق خلش

 

[نظام الدین]

ایک لمحہ کی توجہ نہیں حاصل اس کی

اور یہ دل کہ اسے حد سے سوا چاہتا ہے

(پروین شاکر)

 

[طارق شاہ]

دُنیا ہی میں کر پُرسِشِ مظلوُم، الہٰی
بُت حشْر میں اُٹّھیں گے تو پتّھر کے اُٹھیں گے

داغ دہلوی

 

[نظام الدین]

کچھ وقت کی روانی نے ہمیں یوں بدل دیا محسن
وفا پر اب بھی قائم ہیں، مگر محبت چھوڑ دی ہم نے
(محسن نقوی)

 

[عندلیب]

جزائے خیر دے اللہ اس دیرینہ دشمن کو
بلائے زندگی لپٹی ہے اب تک نیم بسمل سے

 

[عندلیب]

ہر شام ہوئی صبح کو اک خوابِ فراموش
دنیا یہی دنیا ہے تو کیا یاد رہے گی

 

[کاشفی]

غالب بُرا نہ مان جو واعظ بُرا کہے
ایسا بھی کوئی ہے کہ سب اچھا کہیں جسے

 

[نظام الدین]

ایسا گم ہوں تری یادوں کے بیابانوں میں
دل نہ دھڑکے تو سنائی نہیں دیتا کچھ بھی
(احمد فراز)

 

[کاشفی]

جانِ جاں یوں نہ ستم ڈھاؤ، دفع ہو جاؤ
میرے جذبات نہ بھڑکاؤ، دفع ہو جاؤ

ہم تو پہلے ہی بہکے ہوئے ہیں شیطانو
اب ہمیں اور نہ بہکاؤ، دفع ہوجاؤ

مجھ کو غالب نے بتایا ہے کہ جنت کیا ہے
واعظو مجھ کو نہ پھسلاؤ، دفع ہوجاؤ

 

[طارق شاہ]

ہم سہْل طلب کون سے فرہاد تھے، لیکن
اب شہْرمیں تیرے، کوئی ہم سا بھی کہاں ہے

فیض احمد فیض