آپ کے پسندیدہ اشعار!

[طارق شاہ]

انجُمن میں اب خلافِ مصلحت ہوگا کہ آپ !
میری جانب دیکھ کر اِظہارِ حیرانی کریں

شاد عارفی

 

[طارق شاہ]

کتنی خلّاق ہے یہ نیستیِ عِشق فِراق !
اِس سے ہستی ہے عِبارت مجھے معلُوم نہ تھا

فراق گورکھپوری

 

[طارق شاہ]

ہم وہی بد نصیب ہیں جن کا
اِک ٹِھکانہ نہیں ٹِھکانے کا

باقر زیدی

 

[طارق شاہ]

زرخیزئ شباب سے پہنچیں نہ عرش پر
زیرِ قدم خُدا کرے اُن کے زمِیں رہے

شفیق خلش

 

[طارق شاہ]

آرائشِ جمال کو مشّاطہ چاہیئے
بے باغباں کے رہ نہیں سکتا چمن دُرست

خواجہ حیدر علی آتش

 

[طارق شاہ]

کم شاعری بھی نسخۂ اکسِیر سے نہیں !
مُستَغنی ہوگیا، جسے آیا یہ فن دُرست

خواجہ حیدر علی آتش

 

[طارق شاہ]

گو پُر ہے، عِشق و محبّت کی اِک اثر سے آگ
لگے نہ سِینے میں اُس کے جہاں کی ڈر سے آگ

شفیق خلش

 

[نظام الدین]

مار دو جان سے کوئی غم نہیں، پر یہ سزا مت دو
کہ ہمارے سامنے بیٹھ کر ہم کو تم اجنبی سے لگو
(پروین شاکر)

 

[طارق شاہ]

عاشِق کے لب پہ حُسن کی تعریف میں وہی
ہو گفتگوئے ناز ، جو عرشِ برِیں رہے

شفیق خلش

 

[طارق شاہ]

مرہونِ مِنّت اُن سبھی احباب کا ہُوں، جو !
ہو مُعترِف سُخن کے مِری نکتہ چیں رہے

شفیق خلش

 

[طارق شاہ]

نہ ڈگمگائے کبھی ہم وفا کے رستے میں
چراغ ہم نے جَلائے ہَوا کے رستے میں

حبیب جالب

 

[طارق شاہ]

صُبْح پُھوٹی، تو آسماں پہ تِرے
رنگِ رُخسار کی پُھوہار گِری

رات چھائی، تو رُوئے عالَم پر
تیری زُلفوں کی آبشار گِری

فیض احمد فیض

 

[طارق شاہ]

مِٹ چَلے میری اُمیدوں کی طرح حرف، مگر
آج تک تیرے خطوں سے تِری خوشبو نہ گئی

اختر شیرانی

 

[طارق شاہ]

جن کا حسرت میں بَدل جانا یقینی ہو خلش !
دِل میں ایسے بھی تو ارمان ہُوا کرتے ہیں

شفیق خلش

 

[طارق شاہ]

قسمت میں نہیں خاک خلش، آپ یہ سمجھیں
پتھر سے بنی شمع کے پروانے ہوئے ہیں

شفیق خلش

 

[محدثہ]

آ کے مل جا کسی بھی نسبت سے
تجھ سے میرے بہت سے ناطے ہیں

 

[طارق شاہ]

جب وہ پُرسانِ حال ہوتا ہے
بات کرنا مُحال ہوتا ہے

صبا اکبرآبادی

 

[طارق شاہ]

ایک لُطفِ خیال کا لمحہ
حاصلِ ماہ وسال ہوتا ہے

صبا اکبرآبادی

 

[طارق شاہ]

بات کیا ہے کہ بات بھی ہم سے
آپ کو دیکھ کر نہیں ہوتی

صبا اکبرآبادی

 

[طارق شاہ]

دِل پہ قابُو ہو، تو ہم بھی سرِمحفِل دیکھیں
وہ خمِ زُلف ہے کیا، صُورتِ زیبا کیا ہے

توصیف تبسّم