آپ کے پسندیدہ اشعار!

[محدثہ]

کبھی کبھی آرزو کے صحرا میں، آ کے رکتے ہیں قافلے سے
وہ ساری باتیں لگاؤ کی سی، وہ سارے عنواں وصال کے سے

 

[طارق شاہ]

اِک جو لے دے کے ہمیں شیوۂ یاری آیا
وہ بھی کُچھ کام نہ خِدمت میں تمھاری آیا

حسرت موہانی

 

[طارق شاہ]

صُبحِ جمالِ یار کے جادُو کو دیکھ کے
ہم نے نظر سے اپنی چُھپائی ہُوئی ہے رات

پروین شاکر

 

[طارق شاہ]

آنکھوں کو سب کی نیند بھی دی ، خواب بھی دئے
ہم کو شُمار کرتی رہی دُشمنوں میں رات

شہریار

 

[طارق شاہ]

وہ فاصلوں میں بھی رکھتا ہے رنگ قُربت کے
نظر سے دُور سہی، دِل کے پاس رہتا ہے

اعجاز رحمانی

 

[طارق شاہ]

میں وحشتوں کےسفرمیں بھی، ہُوں کہاں تنہا
یہی گماں ہے کوئی آس پاس رہتا ہے

اعجاز رحمانی

 

[طارق شاہ]

پسِیج دِل کو اب اُن کے فروتنی سے خلِش
آنا کو چھوڑ لُٹا عِجز کے خزانے جا

شفیق خلش

 

[طارق شاہ]

نہ چاہتے ہیں مزید اب وہ رسم و راہ کوئی
غرض بِنا نہیں اُلفت تو پھر منانے جا

شفیق خلش

 

[طارق شاہ]

۔
رہا میں کم نہیں عاجِز بَدستِ دِل بھی خلِش
گلی میں اُن کی بضد ہے کسی بہانے جا

شفیق خلش

 

[عندلیب]

رات دن کب تک ستائے جائے گا
بس کر اے غم اب تو ہم گھبرا چلے

 

[عندلیب]

راحتیں دیکھیں جہاں میں رنج بھی
خار و گل سے اپنا دامن بھر چلے

 

[عندلیب]

روتا ہے بات بات پہ یوں زار زار کیوں؟
اختر، خبر نہیں دل ناداں کو کیا ہوا؟

 

[طارق شاہ]

پُھول سا کوئی ہم زباں اچّھا
پُھول اچّھے نہ گُلسِتاں اچّھا

سید خورشید علی ضیاء

 

[طارق شاہ]

دِل کی خواہش کے بتانے پہ جواباّ اُس کا
ہم سے یہ کہنا کہ، تیری یہ مجال اچّھا ہے

شفیق خلش

 

[طارق شاہ]

کچھ تسلّی کے لئے اِس دلِ مُضطر کی خلِش !
رات بھر سونے کی راحت کا خیال اچّھا ہے

شفیق خلش

 

[طارق شاہ]

مجھ کو یہ ضبطِ مُسلسل ہی مِٹا دے نہ کہیں
سانس رُک رُک کے نفَس ہی کو جَلا دے نہ کہیں

آنند نرائن مُلّا

 

[عندلیب]

تیرے کاسے میں فقط ہمدردیاں ڈالیں گے لوگ
داستانِ غم زمانے کو سنانا چھوڑ دے

 

[ادب دوست]

آرہی تھی دل دھڑکنے کی صدا
وہ بھی اب بارِ سماعت ہو گئی

فیاض علی فیاض

 

[محمد تابش صدیقی]

ہم جو کچھ ہیں ہم جیسے ہیں ، ویسے ہی دکھائی دیتے ہیں
چہرے پہ بھبوت نہیں مَلتے، ہم کالے بال نہیں کرتے

والی عاصی

 

[عندلیب]

فاصلہ کیا تھا فقط دو چار قدموں پر محیط
وہ کہ بد ظن تھے اسی کو فاصلہ کہتے رہے