آپ کے پسندیدہ اشعار!

[طارق شاہ]

خود میں احساس اب لِئے اُن کا ​

لمحہ لمحہ دِکھائی دیتا ہے ​

دسترس میں ہے کچُھ نہیں پھر بھی ​

اُونچا اُونچا سُجائی دیتا ہے​

​

شفیق خلش​

 

[طارق شاہ]

شہر میں آئے، توجنگل کی ہَوا سرمیں بھری
لائی صحرا میں جو وحشت، تو وطن یاد آیا

جوش ملیح آبادی

 

[طارق شاہ]

ہُوئے جَوان تو مرنے لگے حسِینوں پر
ہمیں تو، موت ہی آئی شباب کے بدلے

جوش ملیح آبادی

 

[طارق شاہ]

کچھ نہ ہم کو سُجائی دیتا ہے​

ہر طرف وہ دِکھائی دیتا ہے​

ہوگئے خیر سے جواں ہم بھی ​

گُل بھی اب گُل دِکھائی دیتا ہے​

شفیق خلش​

 

[طارق شاہ]

ہائے آغازِ محبّت کا وہ دَورِ سرشار
کون سا اشک تھا، جوساغرِسرجوش نہ تھا

دِن جوانی کے جگر بے خبری میں گزُرے
ہوش کا وقت جب آیا، تو مُجھے ہوش نہ تھا

جگرمُراد آبادی

 

[طارق شاہ]

محبّت کیا ہے، تاثیرِ محبّت کِس کو کہتے ہیں ؟
تِرا مجبُور کردینا، مِرا مجبُور ہو جانا

یکایک دِل کی حالت دیکھ کرمیرا تڑپ اُٹھنا
اُسی عالم میں، پھر کچھ سوچ کرمسرُور ہوجانا

جگرمُراد آبادی

 

[طارق شاہ]

فصلِ گُل کیا ہے؟ یہ معراج ہے آب و گِل کی
میری رگ رگ کو مُبارک رگِ سودا ہونا

اصغر گونڈوی

 

[طارق شاہ]

تیری شوخی، تِری نیرنگ ادائی کے نِثار
اِک نئی جان ہے تجدِید تمنّا ہونا

حُسن کے ساتھ ہے بیگانہ نِگاہی کا مزہ
قہْر ہے قہْر مگر عرضِ تمنّا ہونا

اصغر گونڈوی

 

[طارق شاہ]

مائلِ شعر و غزل پھر ہے طبیعت اصغر
ابھی کچُھ اور مُقدّر میں ہے رُسوا ہونا

اصغر گونڈوی

 

[طارق شاہ]

دیکھنا بھی تو اُنہیں دُور سے دیکھا کرنا
شیوۂ عِشق نہیں حُسن کو رُسوا کرنا

حسرت موہانی​

 

[طارق شاہ]

کچھ سمجھ میں نہیں آتا، کہ یہ کیا ہے حسرت !
اُن سے مِل کر بھی نہ اِظہارِ تمنّا کرنا

حسرت موہانی

 

[طارق شاہ]

آگے بڑھے نہ قصۂ عشقِ بُتاں سے ہم
سب کچھ کہا، مگر نہ کھُلے رازداں سے ہم

الطاف حسین حالی

 

[طارق شاہ]

کر چُکے صحرا میں وحشت، پھرچُکے گلیوں میں ہم
دیکھیئے اب کام ہم کو عشق کیا فرمائے گا

نوگرفتاری کے باعِث مُضطِرب صیّاد ہُوں !
لگتے لگتے جی قفس میں بھی مِرا لگ جائے گا

میرحسن

 

[طارق شاہ]

عشق کب تک آگ سینہ میں مِرے بھڑکائے گا
راکھ تو میں ہوچُکا، کیا خاک اب سُلگائے گا

میرحسن

 

[طارق شاہ]

آئینہ تصویر کا تیرے نہ لے کر رکھ دیا
بوسے لینے کے لئے کعبے میں پتّھر رکھ دیا

زندگی میں پاس سے دم بھر نہ ہوتے تھے جُدا
قبر میں تنہا مُجھے یاروں نے کیونکر رکھ دیا

داغ دہلوی

 

[طارق شاہ]

داغ کی شامت جو آئی اضطِرابِ شوق میں !
حالِ دل کمبخت نے سب اُن کے مُنہ پر رکھ دیا

داغ دہلوی

 

[طارق شاہ]

جِینا وہ کیا، کہ دل میں نہ ہو تیری آرزو
باقی ہے موت ہی، دلِ بے مُدّعا کے بعد

مولانا محمدعلی جوہر

 

[طارق شاہ]

لذّت ہنوز مایدۂ عشق میں نہیں
آتا ہے لُطفِ جُرمِ تمنّا، سزا کے بعد

مولانا محمدعلی جوہر

 

[طارق شاہ]

شاید اِس راہ پہ کچھ اور بھی راہی آئیں
دُھوپ میں چلتا رہوں سائے بِچھائے جاؤں

اہلِ دل ہوں گے تو سمجھیں گے سُخن کومیرے
بزم میں آ ہی گیا ہُوں، تو سُنائے جاؤں

عبید اللّہ علیم

 

[طارق شاہ]

للچائے کیوں نہ جی ہر اِک اچھی سی چیز پر
شامِل ہے یہ سرِشت میں، ہُوں آدمی جناب

شفیق خلش