آپ کے پسندیدہ اشعار!

[فرقان احمد]

اب تِرے ذکر پہ، ہم بات بدل دیتے ہیں!
کتنی رغبت تھی، تِرے نام سے پہلے پہلے!!!

 

[لاریب مرزا]

تری اُمید ترا انتظار جب سے ہے
نہ شب کو دن سے شکایت ، نہ دن کو شب سے ہے
کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے

(فیض احمد فیض)

 

[فرقان احمد]

تیرے قریب رہ کر بھی دل مطمئن نہ تھا
گزری ہے مجھ پہ یہ بھی قیامت کبھی کبھی

 

[فرقان احمد]

ہوں گی ابھی تو اور بھی برباد نکہتیں
گلشن میں حادثاتِ نمو کی کمی کہاں!

 

[عبد الرحمٰن]

رات پھیلی ہے تیرے ، سرمئی آنچل کی طرح​

چاند نکلا ہے تجھے ڈھونڈنے ، پاگل کی طرح
( کلیم عثمانی )

 

[عبد الرحمٰن]

ہے عشق کی پہلی منزل "لا"
لا حسب و نسب، لا داد و طلب، لا لہر و لہب، لا حرص و ھوس

 

[عبد الرحمٰن]

یہ قربتیں تو بہت امتحان لیتی ہیں فراز
کسی سے واسطہ رکھنا تو دور کا رکھنا....

 

[فرقان احمد]

میں ایک خشت سہی، جذب ہوں ترے اندر
مرے وجود سے ہٹ کر ۔۔۔۔۔۔ تری عمارت کیا

 

[عبد الرحمٰن]

حمام و کبوتر کا بھوکا نہیں میں
کہ ہے زندگی باز کی زاہدانہ

جھپٹنا ، پلٹنا، پلٹ کر جھپٹنا
لہو گرم رکھنے کا ہے اک بہانہ

یہ پورب ، یہ پچھم ، چکوروں کی دنیا
میرا نےلگوں آسماں بے کرانہ

پرندوں کی دنیا کا درویش ہوں میں
کہ شاہیں بناتا نہیں آشیا نہ؟

 

[عبد الرحمٰن]

ﻣﺤﺴﻦ ﻣﯿﺮﮮ ﻭﺟﻮﺩ ﮐﻮ ﺳﻨﮕﺴﺎﺭ ﮐﺮﺗﮯ ﻭﻗﺖ
ﺷﺎﻣﻞ ﺗﮭﺎ ﺳﺎﺭﺍ ﺷﮩﺮ ﺍﮎ ﺗﮩﻮﺍﺭ ﮐﯽ ﻃﺮﺡ

 

[فرقان احمد]

بڑے عجیب سے لہجے میں بات کرتے ہو؟
ہیں چھوڑ جانے کی ساری نشانیاں تم میں!

 

[فرقان احمد]

آشنا درد سے ہونا تھا کسی طور ہمیں
تُو نہ ملتا تو کسی اور سے بچھڑے ہوتے

 

[عبد الرحمٰن]

جہانِ عاشقی میں ضبط کے ساتھ
فغاں کرنے پہ بھی مجبور ہوں میں
بہزاد لکھنوی

 

[فرقان احمد]

میخانے کا نظام ہے محشر عجب نظام
کھلتا ہے شیشہ جوشِ قدح خوار دیکھ کر

 

[عبد الرحمٰن]

ایک ہی ذات کے ہو کر بھی مل نہیں سکتے
کس قدر تشنہ دریا کے کنارے ہوتے ہیں
ساز دہلوی

 

[عبد الرحمٰن]

وہم و گُماں سے علم و یقیں تک، سیکڑوں نازک موڑ آئے
روئے زمیں سے شمس و قمر تک، شمس و قمر سے آگے بھی
دل سے دعا نکلے تو یقیناً بابِ اثر تک پہنچے گی
آہ جو نکلے دل سے تو پہنچے، بابِ اثر سے آگے بھی
صوفی حنیف اخگر ملیح آبادی

 

[وقار..]

ہوتی نہیں اک شخص پہ موقوف زندگی​

یہ سچ ہے مگر زندگی اس کے سوا تو ہو​

 

[وقار..]

ضروری نہیں کہ میں کہہ دوں​

مگر لازم ہے کے تم سمجھو​

 

[وقار..]

تیرا شمار بڑھانے کو صفر ہو جاؤں​

مجھے بس اتنا بتا دے کہاں نہیں ہونا​

 

[عبد الرحمٰن]

‏عالم عالم عشق و جنوں ہے دنیا دنیا تہمت ہے۔۔!
دریا دریا روتا ہوں میں صحرا صحرا وحشت ہے
میر تقی میر ۔۔!!