آپ کے پسندیدہ اشعار!

[مخلص انسان]

کوئی صلح کرادے زندگی کی الجھنوں سے
بڑی طلب لگی ہے ہمیں بھی آج مسکرانے کی

 

[محمد وارث]

بیدادِ عشق سے نہیں ڈرتا مگر اسد
جس دل پہ ناز تھا مجھے وہ دل نہیں رہا
غالب

 

[فرحان محمد خان]

دور چشمِ بد تری بزمِ طرب سے واہ واہ
نغمہ ہو جاتا ہے واں گر نالہ میرا جائے ہے
غالب

 

[فرحان محمد خان]

تم اب تک منافق دلوں میں رہی ہو
مِرے دل کی آب و ہوا مختلف ہے !
علی زریون

 

[فرحان محمد خان]

وہ روتے ہوئے ہنس پڑا،اور بولا
خدا آدمی سے بڑا مختلف ہے !
علی زریون

 

[فرحان محمد خان]

یہ لوگ جا تو رہے ہیں تری زیارت کو
پتا کسی کو نہیں ہے کہ اب وہاں میں ہوں
علی زریون

 

[فرحان محمد خان]

غضب تو یہ ہے کہ وحشت پہ شعر کہتے ہیں
سِرے سے جن کا محبّت سے واسطہ کوئی نئیں
علی زریون

 

[مخلص انسان]

ہر زخم کی آغوش میں ہے درد تمھارا
ہر درد میں تسکین کا احساس بھی تم ہو

 

[فرحان محمد خان]

کس نے کہا کہ داغِ وفا دار مر گیا
وہ ہاتھ مل کے کہتے ہیں کیا یار مر گیا
داغ دہلوی

 

[محمد وارث]

بِک جاتے ہیں ہم آپ، متاعِ سخن کے ساتھ
لیکن عیارِ طبعِ خریدار دیکھ کر
غالب

 

[لاریب مرزا]

ہاں وہ نہیں خُدا پرست، جاؤ وہ بے وفا سہی
جس کو ہوں دین و دل عزیز، اُس کی گلی میں جائے کیوں

(غالب)

 

[محمد وارث]

تم کو بھی ہم دکھائیں کہ مجنوں نے کیا کِیا
فرصت کشاکشِ غمِ پنہاں سے گر ملے
غالب

 

[ام اویس]

چاروں طرف سے صورت جاناں ہو جلوہ گر
دل صاف ہو تیرا تو ہے آئینہ خانہ کیا

 

[محمد وارث]

پرتوِ خور سے ہے شبنم کو فنا کی تعلیم
میں بھی ہوں ایک عنایت کی نظر ہونے تک
غالب

 

[ام اویس]

ایک سی شوخی خدا نے دی ہے حسن و عشق میں
فرق بس اتنا ہے وہ آنکھوں میں ہے یہ دل میں ہے

 

[محمد وارث]

تنگیِ دل کا گلہ کیا، یہ وہ کافر دل ہے
کہ اگر تنگ نہ ہوتا تو پریشاں ہوتا
غالب

 

[فرحان محمد خان]

سیدی عشق تیری شان کہ مجھ سا بے راہ
تو نے یوں راہ پہ ڈالا ہے کہ سبحان الله
علی زریون

 

[La Alma]

ہم بھی دیکھیں گے کوئی اہل نظر ہے کہ نہیں
یاں سے جب ہم روش تیر نظر جائیں گے

 

[محمد وارث]

فنا تعلیمِ درسِ بے خودی ہوں اُس زمانے سے
کہ مجنوں لام الف لکھتا تھا دیوارِ دبستاں پر
غالب

 

[فہد اشرف]

نکلتا ہے سحر خورشید ہر روز اس کے گھر پر سے
مقابل ہو گیا اس سے تو اس سادہ کی شامت ہے
میر تقی میر