آپ کے پسندیدہ اشعار!

[محمد وارث]

رہی نہ طاقتِ گُفتار اور اگر ہو بھی
تو کس اُمید پہ کہیے کہ آرزو کیا ہے
غالب

 

[La Alma]

ستم کے بہت سے ہیں رد عمل
ضروری نہیں چشم تر کیجئے

 

[ام اویس]

رونے سے نہیں کچھ حاصل اے دلِ سودائی
آنکھوں کی بھی بربادی دامن کی بھی رسوائی
ہم لوگ سمندر کے بچھڑے ہوئے ساحل ہیں
اس پار بھی تنہائی اُس پار بھی تنہائی

 

[محمد عدنان اکبری نقیبی]

امجد کسی طرف بھی سہارا نہ تھا کوئی​

جب بھی گرے تو خود ہی سنبھلنا پڑا ہمیں​

امجد اسلام امجد​

 

[فرحان محمد خان]

بہ پیشِ یار ، سرِ بزم بس عقیدت ہو
وہ عشق ہی نہیں دامن جو چاک چاہتا ہے
شاد مردانوی

 

[فرحان محمد خان]

عشق جب تک نہ آس پاس رہا
حسن تنہا رہا اداس رہا
ظہیر کاشمیری

 

[فرحان محمد خان]

وہ درد ہے کہ درد سراپا بنا دیا
میں وہ مریض ہوں جسے عیسیٰ بھی چھوڑ دے
سحر عشق آبادی

 

[عبد الرحمٰن]

کہتے ہیں تری زلف کوں دیکھ اہل شریعت
قربان ہے اس کفر پر ایمان ہمارا
سراج اورنگ آبادی

 

[عبد الرحمٰن]

مت کرو شمع کوں بد نام جلاتی وہ نہیں
آپ سیں شوق پتنگوں کو ہے جل جانے کا
سراج اورنگ آبادی

 

[عبد الرحمٰن]

اس ادب گاہ کوں توں مسجد جامع مت بوجھ
شیخ بے باک نہ جا گوشۂ مے خانے میں
سراج اورنگ آبادی

 

[ام اویس]

کسی مکاں کے دریچے کو وا تو ہونا تھا
مجھے کسی نہ کسی دن صدا تو ہونا تھا

راحت

 

[محمد وارث]

خانہ زادِ زُلف ہیں زنجیر سے بھاگیں گے کیوں
ہیں گرفتارِ وفا، زنداں سے گھبرائیں گے کیا
غالب

 

[فرحان محمد خان]

عشق صاحب نے دل پہ دستک دی
آئیے مرشدی و مولائی
سلیم احمد

 

[فرحان محمد خان]

وہ تو وہ ہے، تمہیں ہوجائے گی الفت مجھ سے
اک نظر تم مرا محبوبِ نظر تو دیکھو
فیض احمد فیض

 

[محمد وارث]

اک کھیل ہے اورنگِ سلیماں مرے نزدیک
اک بات ہے اعجازِ مسیحا مرے آگے
غالب

 

[فرقان احمد]

کیا قیامت ہے منیر اب یاد بھی آتے نہیں
وہ پرانے آشنا، جن سے ہمیں اُلفت بھی تھی

(منیر نیازی)

 

[فرقان احمد]

کوئی فریاد ترے دل میں دبی ہو جیسے
تو نے آنکھوں سے کوئی بات کہی ہو جیسے

جاگتے جاگتے اک عمر کٹی ہو جیسے
جان باقی ہے مگر سانس رکی ہو جیسے

ہر ملاقات پہ محسوس یہی ہوتا ہے
مجھ سے کچھ تیری نظر پوچھ رہی ہو جیسے

راہ چلتے ہوئے اکثر یہ گماں ہوتا ہے
وہ نظر چھپ کے مجھے دیکھ رہی ہو جیسے

ایک لمحے میں سمٹ آیا ہے صدیوں کا سفر
زندگی تیز ۔۔۔۔۔۔۔۔۔۔۔۔۔ بہت تیز چلی ہو جیسے

اس طرح پہروں تجھے سوچتا رہتا ہوں میں
میری ہر سانس ۔۔۔ ترے نام لکھی ہو جیسے

شاعر: فیض انور

 

[محمد عدنان اکبری نقیبی]

وہ جس نے مجھ کو ترے ہجر میں بحال رکھا
تو آ گیا ہے تو کیا اس سے بے وفا ہو جاؤں

 

[ام اویس]

ان نینوں کا یہی بسیکھ
وہ بھی دیکھا یہ بھی دیکھ​

 

[محمد وارث]

لیے جاتی ہے کہیں ایک توقع غالب
جادۂ رہ کششِ کافِ کرم ہے ہم کو
غالب