آپ کے پسندیدہ اشعار!

[محمد وارث]

مستانہ طے کروں ہوں رہِ وادیِ خیال
تا باز گشت سے نہ رہے مدّعا مجھے
غالب

 

[لاریب مرزا]

میں بلاتا تو ہوں اس کو مگر اے جذبۂ دل
اس پہ بن جائے کچھ ایسی کہ بِن آئے نہ بنے

(غالب)

 

[لاریب مرزا]

مستانہ طے کروں ہوں رہِ وادیِ خیال
تا باز گشت سے نہ رہے مدّعا مجھے
غالب

واہ!! لاجواب!!

 

[عائشہ صدیقہ]

میں بلاتا تو ہوں اس کو مگر اے جذبۂ دل
اس پہ بن جائے کچھ ایسی کہ بِن آئے نہ بنے

(غالب)

واہ خوب

 

[فرقان احمد]

واہمہ ہوگا یہاں کوئی نہ آیا ہوگا
میرا سایہ ہی مرے جسم سے لپٹا ہوگا

چاند کی طرف نگاہوں میں لئے خواب طرب
اور اک عمر ابھی خاک پہ سونا ہوگا

اشک آئے ہیں تو یہ سیر چراغاں بھی سہی
اس سے آگے تو وہی خون کا دریا ہوگا

گر کبھی ٹوٹی بدلتی ہوئی رت کی زنجیر
ایک اک پھول یہاں خود کو ترستا ہوگا

ہم تو وابستہ رہے تجھ سے کہ ہے خوئے وفا
تو نے کیا سوچ کے اے غم ہمیں چاہا ہوگا

شوق تعمیر بسائے گا خرابے کیا کیا
آدمی ہے تو ہر اک شہر میں صحرا ہوگا

سائے مہکے ہوئے گوشوں میں سمٹ جائیں گے
چاند نکلے گا تو یہ شہر اکیلا ہوگا

یاد آئیں گی بہت نیند سے بوجھل پلکیں
شام کے ساتھ یہ دکھ اور گھنیرا ہوگا

اس کو آنکھوں میں چھپاؤگے بتاؤ کب تک
کیا کرو گے جو وہی دیکھنے والا ہو گا

(توصیف تبسم)

 

[محمد وارث]

دِلا یہ درد و الم بھی تو مغتنم ہے کہ آخر
نہ گریۂ سحری ہے نہ آہِ نیم شبی ہے
غالب

 

[لاریب مرزا]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
(میاں داد خان سیاح)

 

[فرقان احمد]

وحشتیں بڑھتی گئیں ہجر کے آزار کے ساتھ
اب تو ہم بات بھی کرتے نہیں غمخوار کے ساتھ

 

[فرقان احمد]

تِرے کوچے ہربہانے مجھے دن سے رات کرنا
کبھی اِس سے بات کرنا، کبھی اُس سے بات کرنا

غلام ہمدانی مصحفی

 

[کاشف اختر]

مرض ِ عشق کی شاید ہو پس مرگ شفا
زندگی میں تو یہ آزار نہیں جانے کا

مصحفی غلام ہمدانی

 

[محمد وارث]

دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا
غالب

 

[کاشف اختر]

ہم تماشائیِ دیر و حرم و دار بھی ہیں
ہم سخن فہم بھی غالب کے طرفدار بھی ہیں
(فرخ منظور )

 

[لاریب مرزا]

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا
(ذوق)

 

[فرقان احمد]

اے گردشِ ایام ذرا تُو تو ٹھہر جا!
کیوں اُس نے پکارا ہے مجھے، دیکھ تو آؤں

 

[عبد الرحمٰن]

پہلے ہنس کے ملتے ہیں پھر نظر چراتے ہیں
آشنا صفت ہیں لوگ اجنبی دیاروں کے

 

[فرقان احمد]

رہے وہ جانِ جہاں ، یہ جہاں رہے نہ رہے !
مکیں کی خیر ہو یا رب، مکاں رہے نہ رہے

امیر مینائی

 

[لاریب مرزا]

کہاں میخانے کا دروازہ غالب! اور کہاں واعظ
پر اتنا جانتے ہیں، کل وہ جاتا تھا کہ ہم نکلے
(غالب)

 

[فرقان احمد]

آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے

(غالب)

 

[کاشف اختر]

‏کسی کا عہد جوانی میں پارسا ہونا
قسم خدا کی یہ توہین ہے جوانی کی

جوش ملیح آبادی

 

[کاشف اختر]

فقط اِک تم نہیں جاناں ، یہ زاہد ، شیخ ، مولانا
سبھی کے سب ہی شامل ہیں مجھے کافر بنانے میں

نامعلوم