آپ کے پسندیدہ اشعار!

[La Alma]

اگر مقصود کل میں ہوں تو مجھ سے ماورا کیا ہے
مرے ہنگامہ ہائے نو بہ نو کی انتہا کیا ہے

 

[محمد وارث]

جاتے ہوائے شوق میں ہیں اِس چمن سے ذوق
اپنی بلا سے بادِ صبا اب کبھی چلے
اُستاد ذوق

 

[فرحان محمد خان]

مدت کے بعد ان سے باتیں ہوئی بھی تو کیا
ہم بے وفا تھے اچھا تم باوفا سے او ہو
راحیلؔ فاروق

 

[فہد اشرف]

چلو زمیں نہ سہی آسمان ہی ہوگا
محبتوں پہ بہرحال تنگ سا کچھ ہے
عرفان صدیقی

 

[عبد الرحمٰن]

مدت کے بعد ان سے باتیں ہوئی بھی تو کیا
ہم بے وفا تھے اچھا تم باوفا سے او ہو
راحیلؔ فاروق

اب دلوں میں کوئی گنجائش نہیں ملتی حیاتؔ
بس کتابوں میں لکھا حرف وفا رہ جائے گا

حیات لکھنوی

 

[عبد الرحمٰن]

کیا مصلحت شناس تھا وہ آدمی قتیلؔ
مجبوریوں کا جس نے وفا نام رکھ دیا

قتیل شفائی

 

[فرقان احمد]

راحیل فاروق کہاں گم ہو گئے؟

 

[فرقان احمد]

بڑا عجیب یہ آوارگی کا رشتہ ہے
غبارِ راہ سہی، ہم سفر ہے، کیا کیجیے

غلام ربانی تاباں

 

[عبد الرحمٰن]

بڑا عجیب یہ آوارگی کا رشتہ ہے
غبارِ راہ سہی، ہم سفر ہے، کیا کیجیے
غلام ربانی تاباں

تمام عمر کی آوارگی پہ بھاری ہے
وہ ایک شب جو تری یاد میں گزاری ہے
شبنم رومانی

 

[فہد اشرف]

راحیل فاروق کہاں گم ہو گئے؟

فیس بک سے بھی غائب ہی ہیں شاید

 

[عبد الرحمٰن]

تمام عمر کی آوارگی پہ بھاری ہے
وہ ایک شب جو تری یاد میں گزاری ہے
شبنم رومانی

وہ ایک شب جو تری یاد میں گزاری ہے
پورا کلام اردو محفل پر

 

[فرقان احمد]

فیس بک سے بھی غائب ہی ہیں شاید

کھوج لگانا ہی پڑے گا۔ معلوم ہوتا ہے، کسی بات پر خفا ہو گئے ہیں۔ حساس افراد کا المیہ!

 

[لاریب مرزا]

اپنی ہستی ہی سے ہو جو کچھ ہو
آگہی گر نہیں غفلت ہی سہی

غالب

 

[عائشہ صدیقہ]

وہ غریب مجھ کو عزیز ہے وہ فقیر میرا امام ہے
جسے غریب ہونے پہ ناز ہے جسے چشم تر پہ غرور ہے

 

[نعمان صدیقی]

ہر تمنا دل سے رخصت ہوگئ
اب تو آجا اب تو خلوت ہوگئ

ایک تمُ سے کیا محبت ہوگئ
ساری دنیا ہی سے نفرت ہوگئ

 

[نعمان صدیقی]

گھٹا اٹھی ہے تو بھی کھول زلفِ عنبریں ساقی
ترے ہوتے فلک سے کیوں ہو شرمندہ زمیں ساقی

 

[محمد وارث]

بادہ پھر بادہ ہے میں زہر بھی پی جاؤں قتیل
شرط یہ ہے کوئی بانہوں میں سنبھالے مجھ کو
قتیل شفائی

 

[خالد محمود چوہدری]

ضبط کہتا ہے خاموشی میں بسر ہو جائے
درد کی ضد ہے دنیا کو خبر ہو جائے

 

[عبد الرحمٰن]

ضبط کہتا ہے خاموشی میں بسر ہو جائے
درد کی ضد ہے دنیا کو خبر ہو جائے

درد سے ہمیں مرزا غالب کا ایک شعر یاد آ گیا
عشق سے طبیعت نے زیست کا مزا پایا
درد کی دوا پائی درد بے دوا پایا

 

[خالد محمود چوہدری]

اے کاش تُو بھی سنتا کبھی آہٹوں کی گونج
تُو بھی مری طرح سے کبھی ڈھونڈتا مجھے​