آپ کے پسندیدہ اشعار!

[طاہر راجپوت ملتان]

جب تن نے مجکو زندان میں دیا
آگ اس تن کو لگاؤ ں کیا کروں

میر سوزؔ
دیوان ✍

 

[طاہر راجپوت ملتان]

بس جی کھاؤ نہ قسم ہم جانتے ہیں
جیسے تم ہو جانتے ہیں

وہ بھی کیا لوگ ہیں اللہ اللہ
ناز کو تیرے ستم جانتے ہیں

میر سوزؔ
دیوان ✍

 

[طاہر راجپوت ملتان]

کس کس کو روؤں میں یاد کر کر
ہے چشم ہے اشک ہے آہ ہے دل

میر سوزؔ
دیوان ✍

 

[فاخر رضا]

اب نامعلوم سے میر سوز کے الٹی آرہی ہے
اب بخش دے بھائی اب سو جانے دے مجھکو
میر نامعلوم

 

[محمد وارث]

لُطفِ مے تجھ سے کیا کہوں زاہد
ہائے کم بخت تُو نے پی ہی نہیں
داغ

 

[طاہر راجپوت ملتان]

خود تہ تیغ رکھیں قتل کی خاطر خود کو

وہ مجھے قتل کرے اور مرا قاتل ہو جائے

اڑتا پھرتاہے جو آوارہ پرندے سا یہ عشق

حسن کی نظروں کے اک تیر سے بسمل ہو جائے

علینا عترتؔ
سورج تم جاؤ ✍

 

[abdul qayyum BWP]

دیدہ و دل نے درد کی اپنے بات بھی کی تو کس سے کی


وہ تو درد کا بانی ٹھہرا وہ کیا درد بٹائے گا

ابن انشاؔ

 

[abdul qayyum BWP]

پہلو میں میرے دل کو نہ اے درد کر تلاش


مدت ہوئی غریب وطن سے نکل گیا

• امیر مینائی

 

[abdul qayyum BWP]

لُطفِ مے تجھ سے کیا کہوں زاہد
ہائے کم بخت تُو نے پی ہی نہیں
داغ ۔۔۔۔ واہ بہت خوب جی
محمد وارث صاحب ۔ واہ

 

[abdul qayyum BWP]

آسماں تک جائے گی خوشبو میرے افکار کی
جب تعفن جسم کا زیر زمین ہو جائے گا

 

[ام اویس]

دل کو جہاں کے درد سے بیگانہ کر گیا
تیری نظر کا شوخ تبسم بلا کا تھا

 

[طاہر راجپوت ملتان]

آسماں تک جائے گی خوشبو میرے افکار کی
جب تعفن جسم کا زیر زمین ہو جائے گا

شاعر کا نام بھی لکھ دیں تو نوازش ہو گی محترم

 

[طاہر راجپوت ملتان]

دل کو جہاں کے درد سے بیگانہ کر گیا
تیری نظر کا شوخ تبسم بلا کا تھا

شاعر کا نام بھی لکھ دیں جی

 

[لاریب مرزا]

دل کو صد لخت کیا سینے کو صد پارہ کیا
اور ہمیں چاک گریباں نہیں کرنے دیتے

(فیض احمد فیض)

 

[محمد وارث]

یہ بڑا عیب مجھ میں ہے اکبر
دل میں جو آئے کہہ گزرتا ہوں
اکبر الہٰ آبادی

 

[فہد اشرف]

آئین جہاں بدل رہا ہے
بدلیں گے اوامر و نواہی
(غیر مصدقہ ذرائع کے مطابق یہ شعر میر صاحب کا ہے لیکن تابش بھائی کے ایپ میں یہ شعر نہیں ہے)

 

[طاہر راجپوت ملتان]

دیوانے کچھ تیرے شہر میں آگ اگلتے پھرتے ہیں

لاوا عشق جلا ناڈالے آتش فشاں ابلتے پھرتے ہیں

طاہرؔ رضا

 

[فرحان محمد خان]

کہتے ہیں عمرِ رفتہ کبھی لوٹتی نہی!
جا میکدے سے میری جوانی اٹھا کے لا
عدم

 

[محمد وارث]

ہو چکا روزِ اوّلیں ہی جگر
جس کو جتنا خراب ہونا تھا
جگر مراد آبادی

 

[طاہر راجپوت ملتان]

آرزوئے زیست بھی یاں آرزوئے دید ہے
تو نہ پیارا ہو تو مجھ کو ہو نہ پیاری زندگی

سید غلام بھیک نیرنگ غلام بھیک نیرنگ
1876-1952دیوان✍