آپ کے پسندیدہ اشعار!

[طاہر راجپوت ملتان]

ظالم کیا ہے قتل تو بسمل کا رقص دیکھ

جاتا کدھر ہے دم لے ذرا ذبح کر کے پاس

حقیرؔ
سید ہمایوں مرزا حقیرؔ
دیوان ✍

 

[طاہر راجپوت ملتان]

جمےہیں خون مژگاں میں خون کے لختے

یہ شانہ اب نہ رہا زلف یار کے قابل

حقیرؔ
سید ہمایوں مرزا حقیرؔ
دیوان ✍

 

[طاہر راجپوت ملتان]

اف پوچھتے ہیں غیر سے یہ کس کی قبر ہے

افسوس میرے حال سے کیا بے خبر ہیں آپ

حقیرؔ
سید ہمایوں مرزا حقیرؔ
دیوان ✍

 

[طاہر راجپوت ملتان]

بچھرے ہوئے ہیں یارسے ہم بھی تری طرح

اے صورت عندلیب نہ کر دل میرا کباب

حقیرؔ
سید ہمایوں مرزا حقیرؔ
دیوان ✍

 

[محمد وارث]

تھی وہ اک شخص کے تصور سے
اب وہ رعنائیِ خیال کہاں
غالب

 

[فرقان احمد]

ﺍﺑﮭﯽ ﺍﺑﮭﯽ ﻭﮦ مِلا ﺗﮭﺎ ﮨﺰﺍﺭ ﺑﺎﺗﯿﮟ ﮐﯿﮟ
ﺍﺑﮭﯽ ﺍﺑﮭﯽ ﻭﮦ ﮔﯿﺎ ۔۔۔۔۔۔ ﻣﮕﺮ ﺯﻣﺎﻧﮧ ﮨﻮﺍ

احمد فراز

 

[فہد اشرف]

کیا اس سے ملاقات کا اِمکاں‌ بھی نہیں اب
کیوں ان دنوں میلی تری پوشاک بہت ہے
جمال احسانی

 

[محمد وارث]

واجب القتل اس نے ٹھہرایا
آیتوں سے روایتوں سے مجھے
اُستاد ذوق

 

[فرحان محمد خان]

پیالہ عدمؔ آنکھ ہے میکدے کی!
صراحی جواں آہوؤں کی نظر ہے
عبد الحمید عدم

 

[طاہر راجپوت ملتان]

ابھی تلوار رہنے دے گلو پر کھینچتا کیوں ہے
ذرا تو دم لے اے قاتل کہ آب تیغ ہم پی لیں

محمّد نصیر الدین شاہ نصیرؔ
1756-1838دہلی
دیوان حصہ دوم ✍

 

[محمد وارث]

نہ ہوئے تیری خاکِ پا، ہم نے
خاک میں آپ کو ملا دیکھا
بہادر شاہ ظفر

 

[عبد الرحمٰن]

کعبہ نشِیں سُنے تو ، کہوں حالِ دل امیرؔ
کعبہ میں جا کے , اِینٹ اور پتھّر سے کیا کہوُں
امیر مینائی

 

[فاخر رضا]

نہ ہوئے تیری خاکِ پا، ہم نے
خاک میں آپ کو ملا دیکھا
بہادر شاہ ظفر

شیرِ حق ایں خاک را تسخیر کرد
ایں گِلِ تاریک را اکسیر کرد

 

[فرحان محمد خان]

میں نے کہا ضبط نگارش کا خوف ہے
اس نے کہا کہ صفہِ جاں پر رقم کرو
رئیس امروہوی

 

[La Alma]

حاصل کن ہے یہ جہان خراب
یہی ممکن تھا اتنی عجلت میں

 

[لاریب مرزا]

بندے سے ہے کیوں پرسشِ اعمال الہٰی؟
انسان کو رہتی ہے کہاں اپنی خطا یاد؟

(داغ دہلوی)

 

[محمد وارث]

اتنا مانوس ہوں فطرت سے، کلی جب چٹکی
جھک کے میں نے یہ کہا، مجھ سے کچھ ارشاد کیا
جوش

 

[سید عاطف علی]

تو اور آرائش خم کاکل!
میں اور اندیشہ ہائے دور دراز
غالب

 

[طاہر راجپوت ملتان]

رنگ اپنا ہوا سنتے ہے ملتانی کی مٹی

تو کیجئو سفر جانب ملتان سمجھ کر

یا رب میں کہاں جاؤں کہ ہر دم بت کافر

ایذا مجھے دیتا ہے مسلمان سمجھ کر

عبد الرحمان احسؔان دہلوی

✍کلیات احسان

 

[طاہر راجپوت ملتان]

آئی قیامت کہہ کےبانہوں میں بھریں گے شوخ کو

اک قیامت پہلو میں ہو گی قیامت کے دن

انجلینا شریواستر
مہاڑاشٹر