آپ کے پسندیدہ اشعار!

[عبد الرحمٰن]

آغاز بھی رسوائی، انجام بھی رسوائی

لاجواب لگتا ہے کچھ زیادہ ہی تجربات کا نتیجہ ہے

 

[محمد وارث]

لاجواب لگتا ہے کچھ زیادہ ہی تجربات کا نتیجہ ہے

آپ بھی کسی بڑے سے پوچھ لیجیے یا پھر انتظار فرمائیے!

 

[محمد وارث]

دلِ مرحوم کو خدا بخشے
ایک ہی غم گسار تھا، نہ رہا
فانی بدایونی

 

[فرقان احمد]

گم ہو چلے ہو تم تو بہت خود میں اے منیر
دنیا کو کچھ تو اپنا ۔۔۔۔۔۔۔۔ اتا پتا دینا چاہیے!

منیر نیازی

 

[ا۔س۔د]

تیری آنکھوں سے خماری کیوں نہیں جاتی
تری باتوں سے رمز پیاری کیوں نہیں جاتی

نکلے ہے آہ۔ روح جسم پہ ترس کیوں نہیں کھاتی
شراب ملے ہے عام باری چرس کی کیوں نہیں آتی۔

ا۔س۔د

 

[طاہر راجپوت ملتان]

ناُزک جو کہا اُنکو تو اس بات پہ بگڑے

کہتے ہیں کمر میں کوئی خنجر نہ ہوا آج

فخر الدین حسین دہلوی سخنؔ
1839-1892دہلی
✍دیوان سخن

 

[طاہر راجپوت ملتان]

جو وہ بعد بوسہ کے ناز سے ذرا جھڑکی ہی تو نظیر کو
کبھی مصری ہے کبھی قند یے کبھی شہد ہے کبھی راب یے

نظی۔۔۔۔رؔ اکب۔۔۔۔ر آبادی
1740-1830 دیوان ✍

 

[طاہر راجپوت ملتان]

شبِ وعدہ اول تو آتے نہیں تھے جو آئے بھی تو رات ایسی گنوائی
کبھی رات کو تم نے گیسو سنوارے کبھی رات کو تم نے مہندی لگائی

محمد حسین قمر جلالوی
1887-1968کراچی

 

[طاہر راجپوت ملتان]

کیا جلائے گا ۔۔۔۔۔۔۔۔۔ جہنم حشر میں
خود میں سوزِ دل سے آتشخانہ ہوں
امیر اللہ تسلیم لکھنوی

 

[ا۔س۔د]

اک داستان اب بھی سناتے ہیں فرش و بام


وہ کون تھی جو رقص کے عالم میں مر گئی

ثروت حسین

 

[محمد وارث]

کوئے حرَم سے نکلی ہے کوئے بُتاں کی راہ
ہائے کہاں پہ آ کے ملی ہے، کہاں کی راہ
جعفر طاہر

 

[ا۔س۔د]

بہت مصر تھے خدایان ثابت و سیار


سو میں نے آئنہ و آسماں پسند کیے

ثروت حسین

 

[لاریب مرزا]

رکھیو غالبؔ مجھے اس تلخ نوائی میں معاف
آج کچھ درد مرے دل میں سوا ہوتا ہے

(مرزا غالب)

 

[فرقان احمد]

تِرے کوچے ہربہانے مجھے دن سے رات کرنا
کبھی اِس سے بات کرنا، کبھی اُس سے بات کرنا

مصحفی

 

[فرقان احمد]

یوں تو ہر شام امیدوں میں گزر جاتی ہے
آج کچھ بات ہے ۔۔۔ جو شام پہ رونا آیا

کبھی تقدیر کا ماتم ۔۔۔ کبھی دنیا کا گلہ
منزلِ عشق میں ۔۔۔۔ ہر گام پہ رونا آیا

شکیل بدایونی

 

[محمد وارث]

جب نام ترا لیجیے تب چشم بھر آوے
اس زندگی کرنے کو کہاں سے جگر آوے
میر

 

[لاریب مرزا]

جب نام ترا لیجیے تب چشم بھر آوے
اس زندگی کرنے کو کہاں سے جگر آوے
میر

خوب!!

 

[لاریب مرزا]

پینا پلانا عین گنہ ہے جی کا لگانا عین ہوس
آپ کی باتیں سب سچی ہیں لیکن بھری بہار کے بیچ

(ابن انشاء)

 

[لاریب مرزا]

جس چیز سے تجھ کو نسبت ہے جس چیز کی تجھ کو چاہت ہے
وہ سونا ہے وہ ہیرا ہے وہ ماٹی ہو یا کنکر ہو

ابن انشاء

 

[محمد وارث]

دوستی کا دعویٰ کیا، عاشقی سے کیا مطلب
میں ترے فقیروں میں، میں ترے غلاموں میں
شعیب بن عزیز