آپ کے پسندیدہ اشعار!

[محمد عدنان اکبری نقیبی]

دوستی کا دعویٰ کیا، عاشقی سے کیا مطلب
میں ترے فقیروں میں، میں ترے غلاموں میں
شعیب بن عزیز

واہ واہ ۔بہت خوب ،
ماشاءاللہ

 

[عبد الرحمٰن]

رت بدلی تو زمیں کے چہرے کا غازہ بھی بدلا
رنگ مگر خود آسمان نے بدلے کیسے کیسے

اکبر حیدرآبادی

 

[سین خے]

جل گئے پھر سے کچھ حسیں رشتے
طنزیہ گفتگو کی بھٹی میں

ملک زادہ جاوید

 

[فرقان احمد]

ﭼﻠﻮ ﺍﭼﮭﺎ ﮨﻮﺍ ﮐﮧ ____ ، ﺩُﮬﻨﺪ ﭘﮍﻧﮯ ﻟﮕﯽ ..
ﺩﻭﺭ ﺗﻠﮏ ﺗﮑﺘﯽ ﺗﮭﯿﮟ __ ، ﻧﮕﺎﮨﯿﮟ ﺗُﺠﮫ ﮐﻮ ..!

 

[محمد وارث]

ہم پہ بیٹھے ہیں ہاتھ دھوئے حریف
جیسے مردہ کے مال پر وارث
حالی

 

[عبد الرحمٰن]

حیات خضر دے یا رب مرے تحمل کو
شب فراق اگر مختصر نہیں نہ سہی
محرم لکھنوی

 

[عبد الرحمٰن]

سرچشمۂ بقا سے ہرگز نہ آب لاؤ
حضرت خضر کہیں سے جا کر شراب لاؤ
نظر اکبر آبادی

 

[عبد الرحمٰن]

اے ذوق کسی ہمدمِ دیرینہ کا ملنا
بہتر ہے ملاقاتِ مسیحا و خضر سے

 

[عبد الرحمٰن]

اے ذوق کسی ہمدمِ دیرینہ کا ملنا
بہتر ہے ملاقاتِ مسیحا و خضر سے

مکمل کلام اردو محفل پر
ذوق - زخمی ہوں میں اُس ناوکِ دزدیدہ نظر سے

 

[فہد اشرف]

مکمل کلام اردو محفل پر
ذوق - زخمی ہوں میں اُس ناوکِ دزدیدہ نظر سے

میرے خیال سے ایک شعر کی مدد سے پوری غزل تلاش کی جا سکتی(بشرطیکہ کہ غزل نیٹ پہ موجود ہو) اتنی سہولت نہ دیں کہ لوگ کاہل ہو جائیں۔

سرگوشی

اصل میں یہ لڑی پسندیدہ اشعار کی ہے اس میں صرف شعر اچھے لگتے ہیں، بیچ بیچ میں جو آپ لنک دیا کرتے ہیں اس سے لڑی کا حسن متاثر ہوتا ہے۔ امید ہے برا نہیں مانیں گے

 

[سین خے]

میں ہی اپنی قید میں تھا اور میں ہی ایک دن
کر کے اپنے آپ کو آزاد لے جانے لگا

فاضل جمیلی

 

[سین خے]

بہروپ نہیں بھرا ہے میں نے
جیسا بھی ہوں سامنے کھڑا ہوں

انور شعور

 

[محمد وارث]

ایک ہم ہیں کہ ہوئے ایسے پشیمان کہ بس
ایک وہ ہیں کہ جنھیں چاہ کے ارماں ہوں گے
مومن

 

[فہد اشرف]

پگھلا ھُوا سیسہ تیرے کانوں میں گیا ھے
تکلیف تو ھو گی کہ مَیں سچ بول رھا ھُوں
رفیع رضا

 

[حذیفہ انصاری]

دھیمے دھیمے دبے قدموں سے مرے غم کی طرح
چاندنی رینگ رہی ہے کسی ویرانے میں
ہائے لیکن دل ناشاد کو سمجھائے کوئی
کیوں تڑپ اٹھتا ہے رہ رہ کے مرے سینے میں

نشاط شاہدوی

 

[عبد الرحمٰن]

شیخ صاحب مقابلہ کیسا؟
ہمسری کیا شراب نوشوں سے
ایک عصمت فروش بہتر ہے
آپ جیسے خدا فروشوں سے
(عدم)

 

[عبد الرحمٰن]

چراغوں کے بدلے مکاں جل رہے ہیں
نیا ہے زمانہ، نئی روشنی ہے
خمار بارہ بنکوی

 

[کاشفی]

انہیں بھی جینے کے کچھ تجربے ہوئے ہوں گے
جو کہہ رہے ہیں کہ مر جانا چاہتے ہیں ہم
(والی آسی)

 

[کاشفی]

سب اک چراغ کے پروانے ہونا چاہتے ہیں
عجیب لوگ ہیں دیوانے ہونا چاہتے ہیں
(اسعد بدایونی)

 

[کاشفی]

یہ دشت وہ ہے جہاں راستہ نہیں ملتا
ابھی سے لوٹ چلو گھر ابھی اجالا ہے
(اختر سعید خان)