آپ کے پسندیدہ اشعار!

[محمد عدنان اکبری نقیبی]

ہاں مجھ پہ ستم بھی ہیں بہت وقت کے لیکن
کچھ وقت کی ہیں مجھ پہ عنایات وہ تم ہو

ضیاؔ جالندھری

 

[فہد اشرف]

دور بہت بھاگو ہو ہم سے سیکھ طریق غزالوں کا
وحشت کرنا شیوہ ہے کیا اچھی آنکھوں والوں کا
میر تقی میر

 

[م حمزہ]

1990 ءکی بات ہے میں ساتویں جماعت میں پڑھ رہا تھا۔ پریئر کے فوراً بعد ہمارے ایک اُستاد کلاس روم میں آئے اور بورڈ پر یہ شعر لکھ کر چلے گئے۔ الفاظ دل میں اُتر گئے۔
سنو اے ساکنان ِارضِ کشمیر! ندا کیا آرہی ہے آسمان سے
کہ آزادی کا اک لمحہ ہے بہتر غلامی کی حیاتِ جاونداں سے

محترم استاد صاحب کے بقول یہ شعر علامہ اقبال کا ہے۔

 

[فرقان احمد]

کہا کہ آپ تو راغبؔ کو بھی بُھلا بیٹھے
وہ بولے وقت ہی نا مہربان ایسا ہے ۔۔۔!

افتخار راغب

 

[محمد وارث]

ہر کشمکش نہیں ہے امینِ سکونِ دل
ہر موت میں نہیں ہے بقا، دیکھ کر چلو
احسان دانش

 

[فہد اشرف]

اب تو جاتے ہیں بت کدے سے میرؔ
پھر ملیں گے اگر خدا لایا

(میر تقی میر)

لاریب مرزا اپی کہاں چلی گئیں آپ؟

 

[یاز]

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
احمد فراز

 

[محمد وارث]

پاداشِ جرمِ عشق سے کب تک مفَر بھلا
مانا کہ تم رہا کیے دار و رسَن سے دُور
مولانا محمد علی جوہر

 

[محمد عدنان اکبری نقیبی]

ہم غم زدہ ہیں لائیں کہاں سے خوشی کے گیت
دیں گے وہی جو پائیں گے اس زندگی سے ہم

ساحر لدھیانوی

 

[طاہر راجپوت ملتان]

لئے بیٹھے رہیں آپ آئینے کو شانے کو
ہم بھی آ جائیں ذرا زُلف کو سلجھانے کو

اب ٹھہرتا ہی نہیں سینے پر آنچل اُن کا
وہ جوانی میں بھرے اور ستم ڈھانے کو

سید ریاضؔ احمد خیرآبادی
1853-1934خیرآباد
کلیاتِ ریاضؔ ✍️

کلیات و انتخاب ریاض

 

[طاہر راجپوت ملتان]

لئے بیٹھے رہیں آپ آئینے کو شانے کو
ہم بھی آ جائیں ذرا زُلف کو سلجھانے کو

اب ٹھہرتا ہی نہیں سینے پر آنچل اُن کا
وہ جوانی میں بھرے اور ستم ڈھانے کو

سید ریاضؔ احمد خیرآبادی
1853-1934خیرآباد
کلیاتِ ریاضؔ ✍️

 

[طاہر راجپوت ملتان]

بڑی جمگھٹ وہاں رہتی ہیں انسان بھی فرشتے بھی
حرّم میں جا کے اب رکھنا پڑی مئے کی دکاں مجھ کو

ملے موقع سے میں بوسے تو لے لوں آج گن گن کر
یہ ایک اک منہ میں دیں گے اب تو سو سو گالیاں مجھ کو

سید ریاضؔ احمد خیرآبادی
1853-1934خیرآباد
کلیاتِ ریاضؔ ✍️

 

[طاہر راجپوت ملتان]

سو بوتلیں چڑھاؤں تو نشہ ذرا نہ ہو
پانی ہے یہ شراب جو کالی گھٹا نہ ہو

توبہ کے توڑنے میں بھی آتا نہیں ہے لطف
جب تک شریک بادہ کوئی پارسا نہ ہو

سید ریاضؔ احمد خیرآبادی
1853-1934خیرآباد
کلیاتِ ریاضؔ ✍️

 

[طاہر راجپوت ملتان]

یہ گر جاتی ہے چلوّ سے چھلک جاتی ہے ساغر سے
کوئی کیوں کر بچائے داغ مئے سے اپنے دامن کو

پھریں تو حج کی ٹھہرے، ہوں مئے و معشوق سے باتیں
ریاض اچھی کہی پہلے چلو ہو آئیں لندن کو

سید ریاضؔ احمد خیرآبادی
1853-1934خیرآباد
کلیاتِ ریاضؔ ✍️

 

[طاہر راجپوت ملتان]

فلک بھی پوچھ رہا ہے یہ لے کے انگڑائی
شبیہہ کس کی ہے یہ کہکشاں نہیں معلوم

عجیب رنگ ہے نکھرا ہوا ان آنکھوں میں
پلا دی کس نے مئے ارغواں نہیں معلوم

حافظ جلیلؔ حسن جلیلؔ مانک پوری
1866-1946حیدرآباد
کائنات جلیلؔ ✍️

 

[حمیرا عدنان]

اک بوند زہر کے لیے پھیلا رہے ہو ہاتھ
دیکھو کبھی خود اپنے بدن کو نچوڑ کے
شہریار

 

[محمد وسیم جی]

اُس کی دہلیز کو چھو کر ہی گزرتا جاؤں
اِتنی دور آیا ہوں، ایک کام تو کرتا جاؤں
شجاعت علی راہی

واااااہ کیا خوبصورت

 

[محمد وسیم جی]

سکوں لُوٹ کر پھر ستانے لگے ہیں
نہ جانے وہ کیوں یاد آنے لگے ہیں
پیر نصیر الدین نصیر

واااااہ زبردست پیر صاحب کا کلام تو ویسے ہی بے حد حسین ہوتا

آپ کا انتخاب بہت ہی اعلیٰ

 

[محمد وسیم جی]

سکوں لُوٹ کر پھر ستانے لگے ہیں
نہ جانے وہ کیوں یاد آنے لگے ہیں
پیر نصیر الدین نصیر

واااااہ زبردست پیر صاحب کا کلام تو ویسے ہی بے حد حسین ہوتا

آپ کا انتخاب بہت ہی اعلیٰ

 

[فرقان احمد]

رخصت ہوا تو آنکھ مِلا کر نہیں گیا
وہ کیوں گیا ہے ، یہ بھی بتا کر نہیں گیا

(شہزاد احمد)