آپ کے پسندیدہ اشعار!

[وقار..]

سپنے جنمے, برہا سینچے, داغ کو چُومے
تیری لگن کی شدت کون سہارے, گوری !

 

[فرحان محمد خان]

داغِ فراق و حسرتِ وصل، آرزوئے عشق
میں ساتھ زیرِ خاک بھی ہنگامہ لے گیا
میر تقی میر

 

[فرحان محمد خان]

تمہیں تو زہد و ورع پر بہت ہے اپنے غرور
خدا ہے، شیخ جی، ہم بھی گناہ گاروں کا
میر تقی میر

 

[فرقان احمد]

عمر ہر چند کہ ہے برقِ خرام
دل کے خوں کرنے کی فرصت ہی سہی!

اسد اللہ غالب

 

[محمد عدنان اکبری نقیبی]

ابھی نہ چھیڑ محبت کے گیت اے مطرب
ابھی حیات کا ماحول خوش گوار نہیں

ساحر لدھیانوی

 

[کاشفی]

ہم آپ قیامت سے گزر کیوں نہیں جاتے
جینے کی شکایت ہے تو مر کیوں نہیں جاتے
(محبوب خزاں)

 

[حذیفہ انصاری]

لکها تھا میں نے بکهرتے گلاب کا نوحہ
ہوائیں پوچهتی پھرتی ہیں میرا گھر صاحب

عبدالسلام اظہر

 

[فرقان احمد]

جس دن سے ہم بلند نشانوں میں آئے ہیں
ترکش کے سارے تیر کمانوں میں آئے ہیں

(افتخار عارف)

 

[جاسمن]

اے برقِ حُسنِ یار _____ ذرا چشمِ التفات

یوں جل بجھوں کہ مجھ کو بھی میری خبر نہ ہو

حکیم اسد علی خان مضطر

 

[جاسمن]

ہم آپ قیامت سے گزر کیوں نہیں جاتے
جینے کی شکایت ہے تو مر کیوں نہیں جاتے
(محبوب خزاں)

بہت خوب!

 

[محمد عدنان اکبری نقیبی]

لے دے کے اپنے پاس فقط ایک نظر تو ہے
کیوں دیکھیں زندگی کو کسی کی نظر سے ہم

ساحر لدھیانوی

 

[سین خے]

مری بے زبان آنکھوں سے گرے ہیں چند قطرے
وہ سمجھ سکیں تو آنسو نہ سمجھ سکیں تو پانی

نذیر بنارسی

 

[فرقان احمد]

لوگ کیا سادہ ہیں ہر بت کو خدا کہتے ہیں
یہ تقاضے ہی کبھی اپنی جبیں کے نہ رہے!

روؤف خیر

 

[کاشفی]

بات یہ ہے کہ آدمی شاعر
یا تو ہوتا ہے یا نہیں ہوتا
(محبوب خزاں)

 

[کاشفی]

ایک محبت کافی ہے
باقی عمر اضافی ہے
(محبوب خزاں)

 

[فرقان احمد]

کہانی میں نئے کردار شامل ہو گئے ہیں
نہیں معلوم اب کس ڈھب تماشا ختم ہو گا

کہانی آپ اُلجھی ہے کہ اُلجھائی گئی ہے
یہ عقدہ تب کھُلے گا جب تماشا ختم ہو گا

افتخارعارف

 

[کاشفی]

کشتیاں سب کی کنارے پہ پہنچ جاتی ہیں
ناخدا جن کا نہیں ان کا خدا ہوتا ہے
(بیدم شاہ وارثی)

 

[کاشفی]

مرے ہر عمل کو سراہ کر یہ اذیتیں نہ دیا کرو
مری جان تم بھی عجیب ہو تمہیں روٹھنا بھی تو چاہئے
(آغا سروش)

 

[محمد عدنان اکبری نقیبی]

گلے لگ کر کسی کے چاہتا ہوں جب کبھی رونا
شکستہ اپنے جیسا کوئی ہمدم ڈھونڈ لیتا ہوں

اعتبار ساجد

 

[حذیفہ انصاری]

چمن میں جا کے ہم نے غور سے اوراق گل دیکھے
تمہارے حسن کی شرحیں لکھی ہیں ان رسالوں میں

شاد عظیم آبادی