آپ کے پسندیدہ اشعار!

[نازنین شاہ]

کسی دن موت آجائے گی دانش
کہاں تک زندگی تکلیف دے گی

احسان دانش

 

[نازنین شاہ]

دُنیا بھی عجب قافلہِ تشنہ لباں ہے
ہر شخص سرابوں کے تعاقب میں رواں ہے

 

[فرقان احمد]

فراز! ترکِ تعلق تو خیر کیا ہو گا
یہی بہت ہے کہ کم کم مِلا کرو اُس سے

احمد فراز

 

[فرقان احمد]

چلے بہشت سے ہم نِکہتِ بہار کے ساتھ
شِکست کھائی ہے لیکن بڑے وقار کے ساتھ

قدم قدم پہ اگر رُک رہے ہیں دشت میں ہم !
تو کیا کریں کہ تعارف ہے خار خار کے ساتھ

احمد ندیم قاسمی

 

[کاشفی]

کچھ نہ پوچھو فراقؔ عہد شباب
رات ہے نیند ہے کہانی ہے
(فراق گورکھپوری)

 

[ام اویس]

وہ گفتگو جو تھی ہم میں وہ ناتمام رہی
جو عاشقی تھی ہماری یہاں تمام ہوئی
عجیب بات ہے لیکن یہی ہوا تابش
مری کہانی ترے نام پر تمام ہوئی

 

[فرقان احمد]

جبر ہے یا اختیار ، اب تو پرائے بس میں ہے
ناز تھا جس پر ہمیں ، اب وہ ہمارا دل نہیں ۔۔۔!

مرزا کوکب آفندی

 

[لاریب مرزا]

ہنسو آج اتنا کہ اس شور میں
صدا سسکیوں کی سنائی نہ دے

(بدر بشیر)

 

[فرقان احمد]

جا پھنسا دامِ زُلف میں آخر
دِل نہایت ہی بے تحمّل تھا

میر تقی میر

 

[فرقان احمد]

ہم اتنے بھی گئے گزرے نہیں تھے جانِ فراز
کہ تجھ کو ساری خدائی کے بعد یاد آئے ۔۔۔!

احمد فراز

 

[فرقان احمد]

رات تھی میرے سامنے فردِ حساب ِ ماہ و سال
دن مری سرخوشی کے دن، جانے کہاں گزر گئے

جون ایلیا

 

[فہد اشرف]

بھولیں اگر تجھے تو کہاں جائیں کیا کریں
ہر رہگزر میں تیرے گزرنے کا حسن ہے
زہرا نگاہ

 

[زارا آریان]

سجدۂ تسلیم شاید اب تو ہو جائے قبول
بُت کدے میں ہم خدا کا نام لے کر آئے ہیں

نُدرت میرٹھی ( شعیب احمد )
میرٹھ | پیدائش ۱۳۰۵ ھ
کلامِ نُدرت

 

[فرقان احمد]

دِن گُزارا تھا بڑی مُشکل سے
پھر تِرا وعدۂ شب یاد آیا ۔۔۔۔۔۔!

ناصر کاظمی

 

[جان]

ٹھہرے پانی میں پھینک کر پتھر
اپنے سائے کو تو نہ رسوا کر !
فاروق شفق

 

[فرقان احمد]

جانتا ہُوں ایک ایسے شخص کو میں بھی مُنیر
غم سے پتھر ہو گیا ، لیکن کبھی رویا نہیں ۔۔۔!

مُنیر نیازی

 

[زارا آریان]

کل جو مسمار ملے دیر و حرم تو جانا
اور بھی اس کے ٹھکانے ہیں مرے دل کے سوا

کانتی موہن سوز
دہلی، بھارت
کتاب ۔ گُناہِ سُخن

 

[فرقان احمد]

ہم سادہ ہی ایسے تھے، کی یوں ہی پذیرائی
جس بار خزاں آئی، سمجھے کہ بہار آئی

اُمیدِ تلطّف میں رنجیدہ رہے دونوں
تُو اور تِری محفل، میں اور مِری تنہائی

فیض احمد فیض

 

[لاریب مرزا]

کسی کا درد ہو کرتے ہیں تیرے نام رقم
گِلہ ہے جو بھی کسی سے ترے سبب سے ہے

فیض احمد فیض

 

[فرقان احمد]

اگر وہی تھا تو رُخ پہ وہ بے رُخی کیا تھی
ذرا سے ہجر میں یہ اِنقلاب کیوں آیا

منیر نیازی