آپ کے پسندیدہ اشعار!

[اے خان]

بیاہ کا ایک دن معین ہے
نیند کیوں رات بھر نہیں آتی

 

[اے خان]

دل سے شوق رخ نکو نہ گیا
تانکنا جھانکنا کبھو نہ گیا

 

[فرقان احمد]

کہاں کا اب غمِ دنیا، کہاں کا اب غمِ جاں
وہ دن بھی تھے کہ، ہمیں یہ بھی راس تھا، وہ بھی

احمد فراز

 

[محمد عدنان اکبری نقیبی]

ستم کے عہد میں چپ چاپ جی رہا ہوں فرازؔ
سو دوسروں کی طرح باضمیر میں بھی نہ تھا
احمد فراز

 

[فرقان احمد]

ہم تو خزاں نصیب جوانی کو رو چکے!
اب تم سے ہو سکے، تو بُلا لو بہار کو

حیات امروہوی

 

[فرقان احمد]

وہ تو جاں لے کے بھی ویسا ہی سُبک نام رہا
عشق کے باب میں ، سب جُرم ہمارے نکلے

پروین شاکر

 

[فرقان احمد]

مجھے باغباں سے گلہ یہ ہے کہ چمن سے بے خبری رہی
کہ ہے نخلِ گُل کا تو ذکر کیا کوئی شاخ تک نہ ہری رہی

یہی سوچتا ہوں شبِ الم کہ نہ آئے وہ تو ہوا ہے کیا
وہاں جا سکی نہ مری فغاں کہ فغاں کی بے اثری رہی



قمر جلالوی

 

[فرقان احمد]

دل کو پیہم وہی اندوہ شماری کرنا
ایک ساعت کو شب و روز پہ طاری کرنا

خورشید رضوی

 

[فرقان احمد]

نئے دیوانوں کو دیکھیں تو خوشی ہوتی ہے
ہم بھی ایسی ہی تھے جب آئے تھے ویرانے میں

احمد مشتاق

 

[فرقان احمد]

خوابِ شِیریں نہ سہی، خوابِ پریشاں ہی سہی
دِل بہلنے کا شبِ غم کوئی ساماں ہو جائے۔۔۔!

یگانہ

 

[فرقان احمد]

شب ِ جدائی اگر تو ہے عمر میں شامل
تو پھر گزر بھی کسی عمرِ مختصر کی طرح

عدیمؔ ہاشمی

 

[فرقان احمد]

کِس قدر سخت ہے، یہ ترک و طلب کی منزل
اب کبھی اُن سے مِلے بھی تو پشیماں ہوں گے

حفیظ ہوشیار پوری

 

[کاشفی]

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں
(عبدالحمید عدم)

 

[کاشفی]

روشی جتنی بھی چاہے کوئی لے لے ہم سے
اپنے ہاتھوں میں کئی شمس و قمر رکھتے ہیں
(تاج مضطر)

 

[کاشفی]

مانا کہ پیار اور زبانوں سے ہے مگر
مضطر کو عشق ہے تو بس اُردو زباں سے ہے
(تاج مضطر)

 

[عنبر احمد]

نہ گئی تیرے غم کی سرداری
دل میں یوں روز انقلاب آئے

فیض

 

[فرقان احمد]

ہمیں تو مار گئی اپنی کم فرصتی
ورنہ دنیا دیکھنے والا کھیل تھا

(عابد سیال)

 

[محمد عدنان اکبری نقیبی]

ہر قدم پہ ناکامی ، ہر قدم پہ محرومی
غالباً کوئی دشمن دوستوں میں شامل ہے

امیر قزلباش

 

[محمد عدنان اکبری نقیبی]

سیاہ رات میں جلتے ہوئے جگنوؤں کی طرح
دلوں کے زخم بھی محسن کمال ہوتے ہیں

محسن نقوی

 

[ام اویس]

پھر اس نے مجھ کو دیکھ لیا اک ادا کے ساتھ
پھر مقصد حیات میں ترمیم ہو گئی
دست طلب پر دست عطا رکھ دیا گیا
بکھرے ہوئے وجود کی تنظیم ہو گئی

شاہد خیالوی