آپ کے پسندیدہ اشعار!

[طارق شاہ]

ہمارا کیا ہے، جو ہوتا ہے جی اُداس بہت
تو گل تراشتے ہیں، تتلیاں بناتے ہیں

دلِ سِتم زدہ کیا ہے، لہو کی بُوند تو ہے
اُس ایک بُوند کو ہم بیکراں بناتے ہیں

احمد مشتاق

 

[طارق شاہ]

بِچھڑے لوگوں سے مُلاقات کبھی پھر ہوگی
دل میں اُمّید تو کافی ہے، یقیں کچھ کم ہے

شہریار

 

[فلک شیر]

اتنے قریب ہو گئے، اتنے رقیب ہو گئے
وہ بھی عدیم ڈر گیا،ہم بھی عدیم ڈر گئے

 

[طارق شاہ]

مِرا قلب تُو، مِری روح تُو، مِری سانس تُو، مِری جان تُو
مِری موت ہے تِری برہمی، مِری زیست تیرے کرم سے ہے

ہے مقامِ عشق! مقام وہ، جو ہدف ہے میری تلاش کا !
مِرا اِس سے رشتۂ دل وہی، جو سفر کا رشتہ قدم سے ہے

ڈاکٹر جاوید جمیل

 

[طارق شاہ]

آرزوئے وصلِ جاناں میں سحر ہونے لگی
زندگی مانندِ شمعِ مُختصر ہونے لگی

اب شکیبِ دل کہاں، حسرت ہی حسرت رہ گئی
زندگی اِک خواب کی صُورت بسر ہونے لگی

حفیظ جالندھری

 

[طارق شاہ]

بدلا نہ کسی غم سے، تِرے ہجر کا غم بھی
کیا کچھ، نہ توقّع میں اُٹھا لائے ہیں ہم بھی

دم توڑ چُکی دل میں تِری دید کی خواہش
رُکنے کو کسی پل ہے تِرے ہجر سے دم بھی

شفیق خلش

 

[طارق شاہ]

زندگی کش مکش، حاصل و نا حاصل ہے
ماسوا اس کے ہر اک نقشِ جہاں باطل ہے

دلِ محرُوم ہے عشّاقِ تن آساں کا امیر
گرچہ ہر نُورِ گریزاں کا یہی سائل ہے

میرا جی

 

[طارق شاہ]

شہرمیں سانس بھی لینا ہے مجھے، اب دو بھر
شہر کی تلْخ فضاؤں سے نِکل جاؤں گا

دُور جا بیٹھوں گا ہنگامۂ شوروشر سے
قلْبِ محزوں کو میں تنہائی سے بہلاؤں گا

میرا جی

 

[اوشو]

رہی نہ طاقتِ گفتار اور اگر ہو بھی
تو کس امید پہ کہیے کہ آرزو کیا ہے
غالب

 

[طارق شاہ]

چراغِ دل تو ہو روشن، رسد لہو ہی سہی
' نہیں وصال میسّر تو آرزو ہی سہی '

کوئی تو کام ہو ایسا، کہ زندگی ہو حَسِیں !
نہیں جو پیارمقدّر، توجستجو ہی سہی

شفیق خلش

 

[طارق شاہ]

ہوش کی باتیں کہاں کرتا، اگر یہ جانتا !
اِس قدر، مہنگا پڑے گا ہوش میں آنا مجھے

اقبال اشعر

 

[طارق شاہ]

کبھی سوچتا ہوں گُریز کیوں، اُسے صاف صاف بتا ہی دُوں
مجھے تجھ سے پیار تو اب بھی ہے، مگر اعتبار نہیں رہا

میں ہُوں عشق مجھ کو گُریز کیا، جو بھی دِل نے چاہا، وہ کردِیا
میں خیالِ سُود و زیاں سے تو، کبھی ہمکنار نہیں رہا

اختر عبدالرّزاق

 

[طارق شاہ]

تھی نو آموزِ فنا ہمّتِ دُشوار پسند
سخت مُشکل ہے کہ، یہ کام بھی آساں نِکلا

مرزا اسدالله خان غالب

 

[طارق شاہ]

اچھا ہُوا، کہ نزع میں بالیں پہ آ گئے !
مُشکل کا وقت آپ نے آساں بنا دِی

قمر جلالوی

 

[طارق شاہ]

فِطرت نے دیر و کعبہ کی سو کشمکش کے بعد
کافر نہ بن سکا، تو مُسلماں بنا دِیا

قمر جلالوی

 

[طارق شاہ]

حل کچھ تو نِکل آئے گا، حالات کی ضد کا
اے کثرتِ آلام! میں کچھ سوچ رہا ہُوں

عبدالحمید عدم

 

[طارق شاہ]

یوں آئنہ بدست مِلی پربتوں کی برف !
شرما کے دُھوپ لوٹ گئی آفتاب میں

چُوما ہے میرا نام لبِ سُرخ سے شکیب
یا پھول رکھ دیا ہے کسی نے کتاب میں

شکیب جلالی

 

[طارق شاہ]

رہیں وہ شخص جو بزمِ جہاں کی رونق ہیں
ہماری کیا ہے، اگر ہم رہے، رہے نہ رہے

نظیراکبرآبادی

 

[طارق شاہ]

نظیر آج ہی چل کر بُتوں سے مِل لیجے
پھر اِشتیاق کا عالم رہے، رہے نہ رہے

نظیراکبرآبادی

 

[ملک عدنان احمد]

لاؤں گا میں کہاں سے جدائی کا حوصلہ
کیوں اسقدر قریب میرے آ گئے ہو تم؟