آپ کے پسندیدہ اشعار!

[محمد عدنان اکبری نقیبی]

ہزار تلخ ہوں یادیں مگر وہ جب بھی ملے
زباں پہ اچھے دنوں کا ہی ذائقہ رکھنا

افتخار نسیم

 

[رباب واسطی]

پرچھائیوں کے شہر کی تنہائیاں نہ پوچھ
اپنا شریکِ غم کوئی اپنے سوا نہ تھا

خورشید رضوی

 

[فرقان احمد]

مجھے جو بھی دشمنِ جاں مِلا، وہی پختہ کارِ جفا مِلا
نہ کسی کی ضرب غلط پڑی، نہ کسی کا تِیر خطا ہُوا

اقبال عظیم

 

[فرقان احمد]

کوئی اتنے قریب سے گزرا
دور تک دیکھنا پڑا ہے مجھے

ذوالفقار عادل

 

[محمد عدنان اکبری نقیبی]

کیا کہوں اس سے کہ جو بات سمجھتا ہی نہیں
وہ تو ملنے کو ملاقات سمجھتا ہی نہیں

فاطمہ حسن

 

[محمد عدنان اکبری نقیبی]

جھک کر سلام کرنے میں کیا حرج ہے مگر
سر اتنا مت جھکاؤ کہ دستار گر پڑے

اقبال عظیم

 

[محمد عدنان اکبری نقیبی]

خودکشی جرم بھی ہے صبر کی توہین بھی ہے
اس لیے عشق میں مر مر کے جیا جاتا ہے

عبرت صدیقی

 

[محمد عدنان اکبری نقیبی]

ساز الفت چھڑ رہا ہے آنسوؤں کے ساز پر
مسکرائے ہم تو ان کو بد گمانی ہو گئی

جگر مراد آبادی

 

[محمد عدنان اکبری نقیبی]

نہ خوش گمان ہو اس پر تو اے دل سادہ
سبھی کو دیکھ کے وہ شخص مسکراتا ہے

شہریار

 

[محمد عدنان اکبری نقیبی]

یہ کس کے رعب نے گُدّی سے کھینچ لی ہے زباں؟
کہ باوقار ہیں لب بستہ ، بے نوا خاموش

جوش ملیح آبادی

 

[سردار محمد نعیم]

تو ہے محبوبِ خدا، صدقے ہو تجھ پر ناسخؔ
امتیں کیا! ترے تابع ہیں پیمبر لاکھوں

استاد امام بخش ناسخؔ

 

[سردار محمد نعیم]

ہم کو دنیا عدم نہ راس آئی
دل لگانے کا کچھ خیال تو تھا

عبدالحمید عدم

 

[رباب واسطی]

آکاش کی اس جھیل میں سے ساکن و حیراں
کیا میری طرح چاند بھی کچھ سوچ رہا ہے

 

[رباب واسطی]

جھانک لیں جو اپنے گریباں میں کہیں
شرم سے ہی لوگ مر نہ جائیں کہیں

 

[رباب واسطی]

ہم سے اک بار بھی جیتا ہے نہ جیتے گا کوئی
وہ تو ہم جان کے کھا لیتے ہیں ماتیں اکثر

جاں نثاراختر

 

[سردار محمد نعیم]

ہزار مرتبہ بہتر ہے بادشاہی سے
اگر نصیب ترے کوچے کی گدائی ہو
. . . . . . میر تقی میر . . . . . .

 

[رباب واسطی]

ڈھونڈوں اسے کہا جو رگ و پے میں بس گیا
دیکھوں اُسے کدھر جو بظاہر نظر میں ہے

 

[زیرک]

درد تو بخش دیا خیر کوئی بات نہیں
اب ذرا یہ تو کہو اس کا مداوا کیا ہے
ن م راشد

 

[رباب واسطی]

علم کی دکانوں پر جاہلوں کاقبضہ ھے
نسل نو پریشان ھے رہبری نہیں ملتی

 

[زیرک]

علم کی دکانوں پر جاہلوں کاقبضہ ھے
نسل نو پریشان ھے رہبری نہیں ملتی

ہم شکر کریں کس کا، شاکی ہوں تو کس کے ہوں
رہزن نے بھی لوٹا ہے، رہبر نے بھی لوٹا ہے
حفیظ بنارسی